مشكورين ياخوان على التوضيح ...

انا والله مشكلتي بدت من قبل سنه وانا بمسجد الجمعه وفجأه حسيت بخفقان وخوف وطلعت ووضيت ورجعت مره ثانيه للمسجد ويوم اقاموا للصلاه وبعد الركعه الاولى انحشت برا المسجد وقطعت صلاتي مدري وش جاني .. المهم مرت الايام وزادت حالتي صرت اخاف من اني اروح للحلاق او اسافر او اروح مكان بعيد عن البيت .. قلت خلني اروح للدكتور وشرحت له حالتي وصرف لي سيروكسات نصف حبه يوميا وقال معي اكتئاب مصاحب لخوف واستمريت على العلاج لمدة شهر ونصف وحسيت ان فيه تحسن وقلت ياولد اقطع العلاج وساعد نفسك بنفسك المهم انا قطعت العلاج وبعد شهر من قطعي سائت حاتلي وصرت اخاف من اطلعه برا البيت وصرت ملازم للبيت لمدة شهرين وطلع شكلي مثل شكل صدام يوم يمسكونه الامريكان لحيه وشعر طويل .. المهم اهلي جابوا الدكتور لي للبيت لاني ماقدر على الطلعه اخاف .. المهم الدكتور هاوشني لاني قطعت العلاج وصرف لي سيروكسات ودجميتال وريمون وبعد اسبوعين تحسنت حالتي تحسن رهيب وصرت اطلع برا البيت بعد شهر رحت للدكتور وقالي خذ للسيروكسات يوم ورى يوم والريمون يوميا المهم استمريت شهر ثاني وحسيت فيه تحسن بس تحسن خفيف ورحت للدكتور وشرحت حالتي له قلت التحسن بطئ وقالي اقطع السيروكسات وصرفلي السيرالكس مع الريمون المهم استمريت شهرين وحسيت انه فيه تحسن من ناحية الخوف ماتحسنت ازدادت سوء .. ورحت له قبل اسبوع وقطع السيرالكس وصرفلي بروزاك مع الريمون المهم انا حاليا اخذ البروزاك واحس اني متحسن اذا اكلته احس اني طاير ومبسوط وماغير اضحك والحاله ان شاء الله في تحسن .. وهذه حالتي بالتفصيل زبدة الكلام انا فيني اكتئاب مصاب لخوف .. والله ياهو الخوف يذبح ياشاباب ماتقدر تقضي مقاضي لنفسك ماغير اقول لاخواني جيبولي واشترو لي وانا عمري الحين 23 .. واحس اللي معذبني هو التفكير كل ماجيت ابي اطلع برا البيت جاني تفكير غريب اني ابي اطيح او يجيني شي واخاف ارجع .. وربي اني عايش بعذاب ..

وسلامتكم

والله يانايف انا عانيت مثل معاناتك احيانآ اروح للحلاق واول مايحط المعجون تجيني حاله غريبه

واحس بخوف شديدجدآ،،،

اهم شي اخي/ نايف لاتستسلم قاوم لا تقول والله اخاف اطلع وتجيني الحاله ،، صدقني

الاستسلام هو المرض ، اطلع واذا جتك الحاله اطلع مره ثانيه وثالثه خلك عنيد مع نفسك مع

الاستمرار مع العلاج طبعآ ، نصيحه اخيره / حاول ان تنسى نوبات الهلع وانت في البيت او وانت

مطمئن حاول لاتفكر فيها عشان ماتتضخم الفكره ويصبح لديك فوبيا الفوبيا ( الخوف من الخوف )

اخيرآ: اتمنى لك الشفاء العاجل

شكرا على سؤالك واهتامك اختي نادرة

أنا بخير والحمد لله وفي تحسن مستمر

عدى بعض الهجمات الخفبفة والتي يتم التعامل معها حسب مايقتضيه الموقف :35_f:

حياك الله أخي

لا والله انا تناولت السيروكسات وهو ماأعرفه

دمت بطمانينة وهدوء

اخي الحبيب

هنا أيضا كلام عن الحب

http://www.nafsany.com/vb/showthread.php?t=29908

دمت بطمانية وهدوء

نرحب بكل الأخوة الجدد الذين انضموا الينا

وشكر خاص للأخ ابوعبيدة والأخت نادرة

على تفاعلهم واجابتهم على استفسارات الأعضاء الجدد:40_f:

اتمنى نحن مرضى الهلع نتواصل على الماسنجر..

هذا ماسنجري للإضافه للتحدث بإستفاضه ومناقشة مايهمنا..

bintelkhobar@???????.com

اخي ابوعبيدة

اكتشفت خطأ في بريدي الألكتروني

البريد الصحيح هو

moqatel33@???????.com

اه يابو عبيده وش اقول وش اخلي خلها على ربك وانا اخوك
والله ان الخوف احس انه يذبحني كل يوم .. المشكله تخاف من اشياء الطفل مايخاف منها وربي اني استحي اني اقول للناس اخاف من الروحه للحلاق او الروحه لمكان بعيد عن البيت واذا قلت لهم ضحكوا علي يقولون انت رجال وتخاف استح على وجهك ... تصدق اني احلق دقني بالبيت لي شهر من اول اضبط عند الحلاق السكسوكه واتعدل لكن السنه الاخيره كل ماروح للحلاق جتني نوبه الخوف اذا حط المعجون على دقني احس باشياء غريبه اني ابي اطيح او اجن او ارجع وانتم بكرامه وخفقان مو طبيعي وتعبت من هالحاله وصرت احلق بالبيت بالغصب ولو اني اجرح نفسي بالموس بس وش اسوي ... خذيت السيروكسات ولافاد فيني واخذيت السيرالكس ولافاد بعد والحين اخذ بروزاك وان شاء الله استفيد منه .. الحين لي اسبوعين اخذ بروزاك مع ريمون نص حبه يوميا من ناحية الاكتئاب احس متحسن كثير احس ودي ماغير اضحك وصدري وسيع بس من ناحية الخوف والطلعه من البيت احس بتحسن بس بطئ بالحيل يعني اذا جيت ابي اطلع افكر باشياء مو طبيعيه اني بيجيني شي او اطيح برا واحس ان الجلسه في البيت هي قمة الامان عندي الله يعفو عني بس لي سنه ماصليت الجمعه بالجامع والسبب الخوف كل مارحت للمسجد وزحمة العالم جتني نوبة الخوف وانحشت والعالم ماغير يناظرون فيني ويقولون هذا موب صاحي اكيد فيه جني يوم انه مايحب المسجد .. الحمد الله الفرايض اقدر اصليها بالمسجد اللي جنب البيت اما صلاة الجمعه ماقدرت حاولت بس ماقدرت ... تصدق اهلي يتطنزون علي ويقولون عني الشايب وانت ماتمل من البيت وانت وشلون عايش ... انا حاليا عاطل باطل لاشغل ولامشغله ..

ولي سنه ونص وانا والخوف في حرب ضروس في بداياته كان عندي مقاومه شرسة له لكن الشهرين الاخيرات وصلت مرحلة الاستسلام وصرت اقول هذا نصيبي والله كاتب علي كذا ليش ازعل انا حاولت وحاولت ولاقدرت والحين صارلي شهر ونص وانا ملازم البيت وكني انتظر شي يبي يجي ولاهو جاي ابد اخترت ملازمة البيت لكي اريح نفسي من هالعذاب اللي يجيني لاطلعت برا ماصرت اطلع ولااروح ولاشي من المسجد للبيت ومن البيت للمسجد ... يعني عزلت نفسي عن العالم ولاعاد يهموني لو يقولون مايقولون لانهم لو يحسون ماكان قالوا .. مدري ياخوان احس اني فرحت يوم لقيت بالموضوع هذا ناس عايشه نفس معاناتي من اول اقول مستحيل احد مثلي لكن يوم شفتكم دريت ان فيه ناس عايشه بعذاب مثلي ..

والله يشفي الجميع

اليوم الاول من شهر ديسمبر(12)...لعام 2005
بداية من هذا الاسبوع..
ارجو منكم رصد نوباتكم خلال الاسابيع...ووضعها لنا في اخر الشهر..

في تاريخ 31/12 /2005 ارجوا من جميع اعضاء النادي وضع معدل نوباتهم طيلة الشهر..لنناقش الاسباب والكم ..والحدة..

اتمنى ان تزودوني بافكاركم..واقتراحاتكم..
فنحن هنا نعمل معا..


ان اعجبتكم الفكرة...واستفدنا منها خلال هذا الشهر..فلنبدأ بتطبيقها طيلة العام القادم باذن الله..

ارجو التعليق..

دمتم بتوفيق وخير...

اختكم:
نادرة جداً.

السلام عليكم جميعا..

اتمنى للجميع الشفاء العاجل..والهدوء العاجل...بإذن الله..

احبتي اعضاء النادي..(نادي نوبات الهلع)..:

يسرني ان اخبركم بانه قد قمنا نحن اعضاء النادي بتأسيس عنوان بريد الكتروني?????????..لجميع الاعضاء..لمن عنده استفسارات.., ملاحظات,,معاناة....الخ

وطبعا لن يفيدنا بشيء ءهذا الايميل الخاص بالنادي..ان لم تبقوا على تواصل وتفاعل معنا هنا في الموقع داخل النادي...

فدعونا نحلق في الهدوء..ودعونا نسمع العالم اصواتنا....لعلنا عشنا في عالمهم ..

فاهلا بكم جميعا يا اصحاب القلوب الطاهرة..والارواح البيضاء..


البريد الالكتروني الخاص بنادي نوبات الهلع
panic-attacks@???????.com

دمتم بخير وهدوء...

اختكم:
نادرة جداً

السلام عليكم ورحمة الله وبركاته

لا بأس طهور ان شاء الله للجميع وسلامتكم وما ترون شرا

أحبتي في الله

لي وجهة نظر عسى أن تتسع صدوركم لها ، تقبل الصواب والخطأ

أولا: إذا أردنا أن نعلم مدى صلاحية من العلوم وكيفية الاستفادة منه علينا أن نري بأبصارنا من اين استمد هذا العلم قواعده ، يعني مصدر التلقي عند هذا العلم من أين؟

فعلم الطب النفسي نرى أنه وارد إلينا من الغرب ، وهو بعكس العلوم الطبية الأخرى الواردة إلينا القائم على القطعيات في بعضها ، والتحاليل والتجارب المخبرية والمشاهدات التلفزيوينة الدقيقة.

نجد أن الطب النفسي قائم على مجرد نظريات بحتة لا تخضع للتحاليل المخبرية في كثير من شؤنه ، فإذا اضفنا أن اطباء النفس الغربيين لا يؤمنون بشي اسمه ( جن ، مس ، عين ) ، ولأن الغرب قائم على التجارب المادية ، فلا بد من تفسير لهذه الأمراض ، تفسير مادي ، فلجئوا لطب النفسي لتفسير هذه الظواهر بطريقة مادية

ومن هنا نشأ الخطأ لدينا كمسلمين في نقل هذا العلم دون مراعاة عقائدنا الإسلامية ونصوص الكتاب والسنة ، فلو تأملنا في حياتنا اليومية والأذكار الورادة في الكتاب والسنة ، لوجدنا أن المسلم في اليوم والليلة يستعيذ من الشيطان وملامسته ومصاحبته ، فإذا دخل بيت سمى الله حتى لا يبات الشيطان معه ، واذا خرج قال دعاء الخروج حتى يعتصم من الشيطان وإذا دخل المسجد قال الدعاء ، وإذا خرج مثل ذلك ، وإذا أكل قال بسم الله حتى لا يأكل الشيطان ، وإذا خلع ثيابه كذلك حتى لا تراه الجن والشياطين ، وإذا نام قرأ آية الكرسي حتى لا يقربه شيطان ، وإذا استيقظ توضأ وصلى حتى يحل عقد الشياطين ، إذا كيف نهمل الإصابة من شياطين الجن وهي بهذه الكثرة الكاثرة في السنة النبوية؟؟؟

أيضا وردت أحاديث كثيرة في العين ، كون النبي صلى الله عليه وسلم جعل اكثر من يموت بالعين ، وكان يعذيه ابنيه ( الحسن والحسين ) من العين ، وأمر بالإسترقاء لبعض الناس من العين ، وأمر بإن يقول الواحد منا إذا رأى ما يعجبه بارك الله حتى لا يقتل اخاه إذا العين معانا ليلا نهارا ، وإن كانت في عهد النبي صلى الله عليه وسلم منتشرة مع وجود الصالحين وقلة الأشرار ، وندرة الشياطين ، فما بالك بزماننا الذي كثر فيه الحسد ، وانتشرت الشياطين ، وهاجت عواصف المعاصي ، وامواج الشبهات والشهوات ، ألا ترون ان تنشر الشياطين والعين والمس والسحر فيه؟

طيب سيقول الجمع نحن نؤمن بوجود هذه الأشياء !!!

اقول عفوا احبتي إيمان نظري ! فكما أنك آمنت بنفع الطب النفسي ، فدفعك للتطبيق العملي ، وهي مراجعة الأطباء النفسيين

كذلك لابد من ايمانك بوجود العين والمس والسحر ، والرقية الشرعية وان القرآن شفاء ، إلى التطبيق العملي


وفي الختام اقول
حالات الهلع هذه مرت علي كثيرا ، وكان أكثر سببها هو العين ! نعم وسلك البعض برامج علاجية بالقرآن والسنة ، والأدعية ، و الزيت المقروء انتهت وذهبت عند اصحابها حتى صار بعضهم ، يغسل الموتى ، لا يخاف من الموت ولا حرج لله الحمد

انصح اخوتي بالاستماع لهذا الشريط ثلاث مرات متتاليات بسماعات الرأس ، ثم النظر في ما يصيبه بعدها ، فإن أصابه تعب وصداع وحركات مفاجأة أو شعور بقيء او غيرها أو عرق ، فهذه علامات عين ، فليدوام عى رقية العين بيقين ان كلام الله هو الشافي ، وسيرى عجبا بإذن الله

احفظ الهدف باسم

http://www.alisteqama.net/ruqyah.rm

اخوي نايف وربي حاس فيك

ياليت تضيفني على ايميلي

السلام عليكم ورحمة الله و بركاته..

انا عضوة جديدة بينكم :) اسمحولي ان انظم لهذا النادي .. فأنا اعاني من هذه النوبات حاليا .. وانا اعاني منها منذ المراهقة..
اود الذهاب لطبيبة نفسية ولكن لم اجد إلى الان طبيبة أثق بها وخصوصا في مدينتي ..حيث بالكاد توجد عيادات نفسيه هنا :(
الله المستعان..
كم اتمنى زيارة طبيب نفسي.

الورود كان الله في عونك لكن ثقي انها ايام وستزول بأذن الله

مررنا بها قبلك وهانا نحن موجودين