أحبك يادنيتي لاتشيل هم روح سوي التحاليل عادي
أنا ممرضة اذا كان هذا الشي يطمنك
غالباً هذه التحاليل نسويها للحامل بالاشهر الاولى عشان نتاكد من صحتها
ومافي مرض ينتقل للطفل
يعني بالنسبة للامراض الوراثية لاتشيل هم اكيد انتو مراجعين مع دكتور واموركم تمام
بخصوص الحديد اغلب الحوامل ينزل شويا الهيموجلوبين عشان النونو بيسحب منها س
شوف اخر نتيجة تحليل ليها كم الهيموجلوبين من 14 المعدل الطبيعي
واذا طلع تمام خلاص اتوكل على الله وسويها
واذا منت مستعجل برضو مايضركم بعد الولادة
وربي ييسر امورك وتولد بالسلامة وصحة وعافية

ناي معاملتك عشرة ايام عشان تدور في اقسام الامارث صح ؟
ربي ييسرلك يارب وتنفرج عليك قريب باذن الواحد الاحد

طيب الله يسعدك هونتها ووييسرلك كل امورك يارب
ريحتيني

معليش نسيت اقول حاجة احبك يادنيتي اذا كان الهيموجلوبين نازل اجلها لبعد الولادة عشان مايسولك قصة فاتاكد من دا الشي قبل

احبك دنيتي والله شوف اذا الحين صحتها تمام وبتاخذحديد وكده تسوي الحين احسن يعندي اذا ماعندها فقر دم
لانسي مع الولاده بتنزف دم كثير يعني عشان تسترجع صحتها وعافيتها زي العالم يبغالها اربعين يوم فانت استخير وشوف يارب يقدرك الشي الافضل

اصداف ايش صار حولو معاملتك للشرطه ولالسه حسبي يالله ونعم الوكيل فيهم مرمرطه والاخ رضوي ايش صار معاك وسكنلكس
وتوته ايش صار مع التحليل

جزاكم الله خير للي ردو علي

لكن هل لدى احد هنا إجابة لإستفساري

بالتوفيق لكم يارب جميعاً

الاندلسية ,,اصداف الحلم الله يعطيكم العافية ويسهلكم الامور المعقدة

انا صادف عندي انه الدكتورة ولله الحمد طالبة تحليل الهيموجلوبين
ونتيجته تطلع اليوم السبت ان شاء الله بس غالبا زوجتي الهيموجلوبين عندها نازل افتكر انه كان 10من 14

واصلا باخذ معاي الورقة اللي اعطتني هيا الشرطة علشان التحاليل واوريها للدكتورة

الحمد لله والشكر لله
يارب انك تسهل لكل واحد او وحدة يبغى يتزوج وتفرج همه

اختي باستل

والله يبغالك احد يروح للامارة الله يعينك ويسالهم لانهم مايردوا وحتى اذا قالوا نتصل مايتصلوا

وين وصلت معاملاتكم

ايوا احسن شي تسويه
الهيموجلوبين نازل عندها وقبل تسوي التحاليل انصحك تراجع مع الدكتورة سواء قبل الولادة ولا بعد عشان تشوف ارتفع ولا لا
لانه لو كانت الطرف الاجنبي حيجلسولك
ربي ييسر امرك يارب


انا بستنى معاملتي توصل شرطة جدة يا اندلسية وفرج الله قريب نقول

انا لسه لا جديد بيحاول خطيبي في واسطات وآخر شئ سمعته يفكر في الاسترحام
ما اعرف ادا حيسير دا الشيء ولا لا

اللهم يا فارج الهم فرررج همومنا وحقق مطالبنا
يارب إحنا طلبنا الستر وبيدك التيسير يسرها من عندك يا ارحم الراحمين

ناي ربي ييسرلك طمنينا عنك ،
اخت خطيبي زيك والله رجعوها لهم الامارة عشان ختم الغرفة التجارية
وورجعت تاني دحين في الامارة وان شاء الله تتيسر لنا جميعا

الحمدلله وصلت معاملتي من المدينة لجده
قالوله اسبوع وراجعها ويارب تتيسر امور تحاليله
وييسر الباقي لنا وابشركم وتبشروني بالموافقة

يعطيكم العافية

يارب انك تفرجها على عبادك المساكين

انا اخذت التحاليل امس وطلع الهيموجلوبين عندها
10،9

المهم انا حجزت موعد على الثلوث مابعدالقادم

واسال الله ان تعدي التحاليل على خير يارب ياقادر

لانه انا كنت متوقع انه اذا وصلت الشرطة معناته

انه الموافقة

لاكن تفاجات انه التحاليل هي اللي تحدد

يارب يالله نسالك ونحن الضعفاء اليك ان تسهل اجرائات الزواج علينا

وان توفقنا في امورنا كلها علانيتها وسرها

الحمد لله والشكر لله

يارب دائما نسمع الاخبار الطيبة اللي تفرح قلوبنا يارب ياكريم

أحبك يادنيتي مع حبوب الحديد
ركز على نظامها الغذائي كمان
خليها تاكل كبدة وفواكه وعصائر طبيعية اللي يناسبها
ووان شاء الله يرتفع

مساء الخير عرايس المستقبل يارب نفرح بكل بنت تبقا الستر ويسهل امورنا جميعا
مطول عليكم اليوم رحت المحافظه وكملت اوراقي ومع الشهود والتحاليل والبرنت ووقعت وانا ماعندي ولي امر ولي امري المحكمه المهم خبروني انو بعد كم يوم تصدر للاماره الدمام ثمن الداخليه لانو العريس خارج المملكه بس الي عندها معلومه ايش هايصير لانو المحكمه طلبت حضوره من الاماره ويكمل اجرائتو هنا

الحمدالله اصداف
الله يباركلك ويتمملك علي خير ..
وعقبالنا يارب

فوفو نور حالتك في زيها هنا والبعض جاتهم الموافقه
من ناحيه المطلوب ادخلي علي موقع الوزاره وحتشوفي كل المطلوب
يفيدوكي البنات ان شالله

فوفو في تقديم عن طريق النت
افتحي موقع الامارة في المدينة اللي انتي فيها وقدمي
بعد كدا حيترسلك رسالةوعلى جوالك
امورك ميسرة يارب
الكادي حمود ارجعي كم صفحة قريب كتبت وحدة من الاخوات تجربتها
وبنفس وضعك وربي ييسرلك
ناي ايش صار معاكي ، العشرة الايام مامشيت ؟؟
وصارت في اي قسم بالامارة ؟؟

شكرا ناي واصداف الحلم علي الافاده
كنت بسال يقدم باي جنسيه الفلسطينيه او المصريه

انا اشوف المصرية افضل
بس برضو مافي مشاكل على الجنسية الفلسطينية صحبتي متزوجة واحد فلسطيني

السلام عليكم يا اخواني و اخواتي كيف حالك؟ وكل عام وانتم بخير معليش على الغياب للفترة الاخيرة بس كانت نفسيتي جدا سيئه بس الحمدلله على كل حال و على الي صار خيرة من الله. بس ترى افديكم انه انا فسخت الخطوبة من خطيبتي مع انه قدمنا المعاملة من جديد و مع الواسطات جامدة و اظن جاءت الموافقة بس صار هواش بيني و يين خطيبتي و شفت منها عدم الاحترام ليا حاولت انصحها انه هذا الاسلوب مو تمام مع شخص راح يكون زوجك بس هي طنشت ولا اهتمت و ظلت بنفس اسلوبها الين خلاص قلبي قفل منها وقلت خلاص ماعاد ابغاكي لاني مو مستعد اعيش الحياة في المشاكل و العيال كمان يشوفوا هالشئ وتتعب نفسياتهم قلت لها مافي داعي لكل هذا قامت اعتذرت و سامحتها بس قلبي بدأ يبعد عنها بعدين استهرت مرة ثانية وثاني يوم سبحان الله بنفسها دقت وقالت انا اسفة انا مااستاهلك و زي كده بدون سبب مع انها لا عندها احد في حياتها ولا شئ بس الحمدلله من الله الي صار...المهم ف الايام الي راحت كنت مرا متضايق و بس حياتي صارت دوام وبيت وبس ولسه نفسيتي مو تمام لاني ماقصرت معها بحاجة وحده بس خلاص توكلت على الله و الحين اهلي كلهم الوالدة واخواتي يدورولي العروسة يا من جدة يا من مكة بس قلت لهم خلاص ابغى وحده في سني 25سنة او بالكثير 24 عشان يكون في تفاهم بيننا لانه خطيبتي الاوله كانت 22 كنت احسها لسه مخها مو عاقل الله يهديها ويصلحها وجميعنا يارب.
المهم يا اخواتي ترى انا جاد و لا اوصيكم اذا احد فيكم تعرف بنت ملتزمة طيبة خلوقة و حنونة خبروني ترى الجمال مو اول شرطي بس حتى لو بنت عادية لونها مثلي فاتح و اهم شئ اخلاق و قلبها ابيض ف عادي عندي و اكيد انتو عارفين مواصفاتي والي ماتعرف من اخواني انا اعرفكم على نفسي
انا أنا أبن مواطنة من الجنسية الغير عربية ولكن اصلنا من أشراف من مكة و عمري 25سنة وأشتغل بفندق في برج الساعة في ساحة الحرم بمنصب المدير ماشاءالله وراتبي كويس وأنا ولد الوحيد و أخواتي ووالدتي وأهلها كلهم سعوديين.
ولا توجد عندي شروط غير ان تكون عمرها بين 24 و 25 مو اكبر عشان انا لسه كملت 25 الحمدلله و غير كده أخلاقها ودينها وجمالها من الداخل والخارج و اللون عادي لو سمرة وسط ولا فاتح بس انا لوني تقريبا فاتح.
يلا معليش أدري مرا طولت عليكم و ولا احد يزعل من طلب الزواج الي ارسلت أنا لاني أعرفكم وكثير منكم بوضعي وأكيد ناس فاهمين وأنا والله مو بنيتي غير الحلال أبغى أستر على نفسي وعلى بنا الحلال تحتاج الستر والمحبة.
موفقين الجميع يارب

اسف على الاخطأ الاملائيه يا اخواني و اخواتي لاني كتبت من الجوال...

مدري والله انا سالت يقولولي الجنسيه الفلسطينيه بتترفض بس لو كنتي مطلقه او ارمله بقبلوها هل ده الكلام صحيح حد سمع به

صح الي حاب يتواصل هذا ايميلي ...yr676?live.com

معاملتي حفظت .. بس لسه في محاولات عشان عنده تقرير بحالته انها ماتضر
تتوقعوا يوافقوا؟؟ وهل سمعتو بأحد نفس حالتنا ؟

الرضوي
الرضا بأقدار الله من حسن ايمان العبد و حسن ظنه بالله
ماتدري نصيبك فين معاها او مع غيرها والله يوفقك وييسرلك بنت الحلال

توته قلتلك من قبل انا نفس حالتك مريت فيها
كنت مخطوبة لواحد عنده انيميا الفول وحفظت المعامله
واستمرينا نحاول لمدة سنة واسطات وخطابات استرحام وغيره
وبرضو كانت تحفظ والآن الحمدلله ربي رزقني بزوج ولله الحمد ابن حلال وطيب وطلعت موافقتي
عليك بالدعاء ان ربي يقدملك الافضل والاصلح لك ولحياتك
و حاولو في موضوع التقرير لعل وعسى يكون فيها التيسير

الله يوفقكم انتظر اخبار تسر منكم ومن البنات الباقيين

صباح الخير
والله زعلتوني توتة والرضوي
لكن الله يكتبلكم الخير وييسرلكم اللي تتمنوه ويرضيكم بنيله
توتة املنا بالله كبير وقوي
ترف ربي يسعدك وجودك يعطينا امل
الله ييسرلنا امورنا جميعا ويعطينا اللي نتمناه بتياسير ورضا منه باذنه

فوفو دوبي اشوف ردك
صحبتي اتزوجت من الفلسطيني لها سنة وكانت اول زواجة لها
والمعاملة اخدتلها سنة
قدمي بالجنسية المصرية اذا مترددة

شكرا اصداف الحلم علي الرد

اصداف الحلم كنت بدي اسالك صحبتك زوجها مقيم او غير مقيم

اصداف لسه ماردو خلصت العشره الايام يقولو انها في مركز الاتصالات الاداريه في الاماره
ولا اعرف اش هو هالمركز

مقيم اخت فوفو وهيا بمكة وقدمتها في مكة
ناي طيب يارب انه خير الاتصالات الادارية هذا القسم اللي شغلته يستقبل ويرسل المعاملات
ويارب قريب تبشرينا انها اترسلت للمحكمة
شوفي الموقع طيب ماجربتي تدخلي رقم المعاملة في الموقع وتشوفي ايش يكتبلك

بناات وانا دوبي بشوف ورقة تحاليلي اكتشفت اني مسوية تحاليلي في شهر خمسة
وبسبب التاخير في نقل الورق من جدة للمدينة صار لها تقريبا خمسة شهور
ودحين الاحد الجي حيرجع الورق لشرطة المدينة ، وخطيبي حيسوي التحاليل هنا ان شاء الله
تتوقعو لازم اعيد التحاليل لما يسويها خطيبي هنا واذا ماعدتها هل حيرجعوا الورق ولا كيف
بديت اشيل هم :(

خيرة إن شاء الله والله يوفقك ويوفقها

لكن اخي الكريم , اعذرني على سؤالي ماهي جنسيتك ؟
لان خطيبي غير عربي , واخشى ان يكون الرفض فقط بسبب الجنسية الغير عربية ,
افهم من تجربتك ان الجنسية الغير عربية غير مرفوضة من الإمارة والمشكلة الوحيدة لديك كانت عمر الزوجة فقط !

اصداف انا تحاليلي سويتها شهر ثلاثه ولما رجعو المعامله عشان الورق الناقص ماطلبو من جديد التحاليل فما ادري اذا وضعك زي وضعي

اخت ارووبا

ياليت تردين على استفساري بما انك تزوجتي من اجنبي
والله يوفقك يارب :)

ايش هي الجنسيات الممنوعة للزواج من السعودية ؟
الجنسية الروسية هل هي ممنوعة ؟؟
لو عندك فكرة ياليت تردين عزيزتي