محمد سرت الدوام اليوم، خذوني على غرفه مؤقته وقالوا لي هذا مكتب مؤقت، عطوني اوراق

اقراها، خلصت وقلت شو اسوي الحين؟

قالت الموظفه بيشرحون لچ بعد شوي، وانتظرت

ساعه ومحد سأل عني، قلت يابنت الظبي

لاتكوني حساسه واصبري، عقب رحت اقولهم

كملت ساعه، قالوا الحين الموظف بيشرح لچ

انتظرت ثلاث ساعات لاحس ولاخبر

على اساس انهم مشغولين ..

انا ابغي الوظيفه لازم اصبر عليهم، لكن ابد

ما ارتحت للمكان، خاصه انه عندي اكتئاب

وهم نرفزوني بتصرفهم ..

اختي بنت الظبي عندك الحين مكتب مؤقت اذا كان عندك جهاز كمبيوتر ادخل على النت وضيعي الوقت في التصفح واليوتيوب او قراءة الكتب

حاولي تسوين جو خاص فيك في العمل حتى اذا ما عطوك حاليا عمل مستقبلا اكيد مب معقولة اختي من اول يوم يعطونك عمل لازم شوي صبر ومع الوقت راح يجي الشغل والكرف


اما الاستفزاز هذا طبيعي كلنا نعاني في العمل وانا خاصة اعاني من استفزاز دائم ولكن مطنشهم وجالس في مكتبي شاهي ونت وعمل قايم فيه وهو النسخ والطباعة وتحتاج تركيز وعندي التركيز صفر لكن صابر والحمدالله عل نعم الله

تبغي الصدق ماداومت اليوم وطبعاً جداً عادي انهم مايتصلون يسألون لأنهم هم مش بحاجه لي

ماعندي كمبيوتر والا كنت بضيع وقتي في التصفح

ماحب العتاب، اهلي يتصلون يسألون عن الشغل وانا مب طايقه عمري ....!

هذا حال الدنيا يا بنت الظبي ما فيه شي يجي بالساهل واذا مكدر خاطرك العمل جدا اتركيه واستخيري الله ولا يكلف الله نفسا الا وسعها

انا كان قصدي ان العمل راح يكون مخرج من الوحدة والتفكير لكن قدر الله وما شاء فعل

ادري يامحمد انه العمل مخرج من الوحده، والا ماكنت بفكر اني اشتغل

اختي امس لامتني، وقالت لو اشتغلتي شهر وبعدين تركتي المكان

قلت لها وش الفرق يعني، هل اضغط على نفسي وبس ؟!!

اذا على الراتب فالكل يحب الفلوس، لكن صحتي اهم، ماقدر اتحمل الصراحه !

وأسأل الله ان يعوضني .

شكرا على الحلو ياظل بس وين القهوه ؟!!

والا القهوه علينا ؟!!

هلا اختي ظل غايب لك مدة اتمنى تكوني بخير وصحه

بنت الظبي مدري تركتي العمل او مستمرة

===============================

لآجيت أسج يهآجم القلب ....غآرآت
ضيق وحزن وهموم مدري كئآبه ..؟
ضآقت علي دنيآي ..واقفيت بسكآت
رضيت بالوآقع ...وقسوة... عذآبه
مدري طموحي أكبر من الوآقع ومآت
فيني الأمل وأصبح طموحي كتآبه
أبكي قهر واضحك من الحزن مرآت
مدري تبلد ..؟أو بصدري رحآبه ..؟
أنآ بقآيآ الأمس ...مدري النهآيآت
أنآ الغيآب اللي شكى من ...غيآبه
أنآ .. صرآع النفس في دآخل الذآت


أنآ غريب الضحك ...وحزني قرآبه
أنآ سؤآل الحآضر...وكل مآفآت
[...سؤآل لكن مستحيل الإجآبه ]

صباح الخيرات , كيفكم جميعاً

محمد تركته والله

حسيت بخنقه وماقدر اتحمل

صبي لي فنجان ياظل

يا مرحبا اختي ظل ههههه أي عسكرية اشوف الوضع تطور الخوف بكره داخلة المنتدي بحزام ناسف

اختي بنت الظبي الحمدالله عل كل حال ان شاء الله تحصلين افضل منها عليك بالرقية واضح انها عين في العمل


================================================== ==========

خذيت اجازة اسبوع والوضع ماش احس انه اسوء وضعي للاسف متغير للاسوء ولازم راجع الدكتور .. اليوم كانت ناوي اروح له بس ما كتب الله ان شاء الله بكره اجاهد نفسي واروح اشوف وش يقول لي اكثر من خمسة اشهر ما رحت له

وان شاء الله بروح اكشف على المسالك البولية اتعبتني جدا جدا ولا ادري هل من الادوية او لا لاني ملاحظ انها ازادت سوء بعد دواء انفيجا .
================================================== ============================

جاني خبر من الدوام انه المدير عام غيروه وجابوا مدير جديد اسمه فهد اعرفه زين لان كان مدير شعبة سابقا لدينا وللاسف من اسوء الرجال اخلاق ومعاملة وياما تهاوشت معه رجل متكبر والحين مدير عام راح ينتفخ راسه وراح يدقق علي في الحضور والانصراف

مدري ليه احس اني راح اجيب العيد في راسه مب ناقص واحد يتفلسف علي وانا رجال عصبي شكلها بتصير افلام ولازم استعداد نفسي للمهمة يارب تكفيني شره وتصرف أذاه عني

والله ما ضنيت يا ظل انه ينفع معه الحزام الناسف ههههه اخاف افجر نفسي بالغلط اخبر حظي نحس لازم نبلغ الشيخ بالسالفة

قهوة مشروبة يا نشمية وجعلك سالمة

الوضع نبي عشا ذبحنا الجوع اعطنا قليل من الفطائر يا غلام وقليل من نبيذ العنب الوضع اصبح خطير ونريد ان نبدأ من جديد