اهلين ي رسووووووووووم منور المنتدى كيف حالك وكيف صحتك ؟؟؟ بشرنا عنك

السلام عليكم

أسعد الله مساءاتكم و جميع اوقاتكم بكل خير

أسأل الله أن يرد صاحب المجلس بألف خير و سلامة و يترك التغلي و يطمنا عليه

يارب يحفظكم جميعكم و يبارك فيكم

هلا بك رسوم

هلا بك لمو

يارب يسعدكم و يحقق أمانيكم

الحره هذي بطلعها من عينك
بس خلني اخلص اختباراتي
اذا ما ارسملك قطو مسعور
يزورك وانت نايم
هين

هلا لميا يآلله حيها النور نورك يا قمر
بخير الحمدلله أتظاهر بالعافية رغم الطعون
شفتكم و حبيت أطمنكم

عليكم السلام بسمة الإبداع و الغلا كله
يسعد مساك يا رب
أبو حميد يا رب يكون بخير و يطمنا عليه

هلا بك ترليون

هههههههههه الله يرجك
أقول يلا يلا لا أشوفك يا ورع توطوط عندنا
عيونك ع الكتاب يا مصطفى ههههههههه

يجعلك ربي بمخ دافور يصم الكتاب و يطبخه بأرقام صفحاته و فواصله و نقطه

الله يوفقك صهيب أدعيلك من قلب تآخذ الدرجات العليا

أنتظر رسمتك في الأحلام هههههههههههه

الله يوفقكم جميع و يسعدكم

فل الحجاج و خل عنك الهواجيس
كلٍ يموت و حاجته ما قضاهااااا

فدييييتك اناا
لا اوطوط دامك ما تبي برجك هناا جبتها لنفسك
شعندكك تدفف هااااا

ابشر بحوش قطاوة مو صناديق

وينك غايب والا اكلت الشوارع :)
ادريبك فاجر
ما قلت شي #*

هههههههه يا حبني لك يا صهيب :)

و الله أمس طلعت للبر مع الشباب و شوي مشاوي

ما كان نفسي بالطلعة و أجبرتها بالقوة الجبرية هم يسولفون و مرات أسمع لسواليفهم و مرات أسرح بعيد و أنا بينهم و تطري لي هواجيس تبكيني لحظات ودي أبكي دم و الهواجيس بيني و بينها شد و فك و مرة أقوم و أمشي

ثم رحنا للشقة و تابعنا فلم من أفلام اللمبي
ثم بعدها أستآذنت منهم و رحت البيت
أشوفكم تسولفون عن الحيوانات و تأثرت صراحة لقطوة بسمة عيون متفائلة

أنا عندي زوج طيور الحب و تسليني بعض الشي
تعودت علي و حبتني لما أطلقها برا القفص تطير ثم توقع على راسي و ايديني و تغرد لي من دون أي شخص آخر

أقابلك بآخر يوم يالعشير :)

الله يحلي أيامك و أيام كل مسلم على وجه الأرض

لزوم تجيك الحزات اللي تنغص عليك
بس انت عضها وهشها مناك وكيذاا :)

متأكد الطيور ذي بس فوق راسك تغرد ما عملت عمايلهاا ؟
انا عندي فوبيا طيور ما ادانيها حتى لو ف الصور
اهم شي غيرت جو واذا تبي افلام قلي اجبلك ع ذووقي << نيته شينه

امين والجميع
ناطرينك

الله يحفظ لك طيورك رسوم

مع اني ما ودي اكدر عليكم

سبق من شهر و نص انقذت ثلاث رضع عمرهم ايام و اسقيتهم حليب مع انه مخصص للقطط من محل مستلزماتهم الا ان فجاة انتفخت بطونهم و من شوي وحدة ماتت

و اثنين يحتضرون

ياربي مدري اللي جرى

امس يركضون و يلعبون و اليوم يحتضرون لا اله الا الله

سبحان الله دايم يوم انقذ مجموعة يعيش واحد او اثنين

هذي المرة كلهم ماتوا

مع ان ما خبصت بالاكل - يوم فطمتهم من كم يوم اعطيتهم فتات دجاج مسلوق بدون اضافات و منزوع الجلد و اكلوا عادي لهم كم يوم

حبايبي ما انسى نظراتهم ساعة الرضاعة و اللعب و اثناء الاحتضار فرق شاسع

ما امداني افوق من فجعة مجدي الا و اصدم فيهم و الحمدلله على كل حال

احتضارهم مؤلم كانوا يصرخون صراخ متواصل لين صار متباعد ثم خفتت اصواتهم لين توقفت

الله يرحمنا برحمته و هم ما عليهم ذنوب كيف اجل نحن

اللهم اجعل موتنا كنومنا

الله يسلمك و يعز مقامك
سألتها سؤالك قالت انا لست مأهلة لسه اعالج احد
انا لا زلت اتدرب و واحد مثله ما يروح لاي دكتور
الطب النفسي و العلاج النفسي يتوجه للدكتور حسب تخصص المعالج هل تخصصه اطفال او شباب او عام لاصحاب الامراض الخطيره او للسجون تقول المجال متفرع
هي توجهت للاطفال و لا زالت تتدرب
تقول لا احد ياخذ دوا من اخصائي لابد يكون طبيب معه دكتوراه في طب النفس دارس طب دارس الادويه مو بكالوريوس .
الله يحميها و يوفقها و يسخرها للخير
و يكتب لك الصحه و العافيه و يغنيك من فضله.

الله يحفظ الجميع

عيون لا عاد تربي حيوانات هذه نصيحتي لكي من تجربه
و ارجعي للنادي و اشغلي وقتك و تناسي المواقف المؤلمه والله يعينك و يربط على قلبك و يكفيك شر الفجعات و الصدمات.

السلام عليكم

ياربي تسهل الامر وتزين ألاحوال = ترانا بلا رحمتك هلكا ومتهاوين
ولا عندنا غيرك ليا صك جال(ن) جال = ضعوف ألاوادم ياقوي فيك متقوين

أبي رحمتك حي وفي القبر وألاهوال = نهار الحساب مشيب الرضع الولدين
لنا حقوق وعلينا حقوق وماحط يشال = زمان يخلي ضاحكينه من الباكين

ماينزل به الراحل ويرحل به النزال = ومواعيدنا واجالنا كل شي بحين
فياحظ من طابت فعايله والاعمال = وياشين حظ أللي لاوحده ولا ثنتين

و عليكم السلام

هلا بعميد مجلسنا الغايب الحاضر

ما شربنا القهوة لين تجي

ما يجوز نشربها و راعي المجلس غير موجود


القهوة يا ولد : )

حياك الرحمن اخونا البدراني يارب تكون في خير و على خير