عزيزتي ( تعبت )

انا عانيت نفس معاناتج و اكثر و دوري على مواضيعي
و اقري كيف كنت اعاني من هالاعراض و هالشعور
اللي ما ينوصف لكن بفضل الله تعالى توكلت على الله
و استخدمت الدواء لمدة 6 شهور و لله الحمد تحسنت ككثيييييرا
و بعد ال6 شور قطعت الدواء بامر الطبيب تدريجيا و انا الحمدلله
عايشه الحين بدون ادويه بس تحسنت وايد مع اني كنت معارضه جدا
في استخدام الدواء بس صراحه ما قدرت اتعايش مع حالتي لانها كانت فضيعه

الله يشفيج يا قلبي و يعافيج يارب

انا اقول لاتاخذين ادويه
وخلي ثقتك بالله كبيره وحاولي تخلصين سورة البقره كامله كل يومين والا ثلاثه وورد من القران
وصلي نوافل وحاولي تدعين باوقات الاستجابه اخر الليل بين الاذان والصلاه
استغري كثير والله يقدملك اللي فيه الخير

والله حرام
اللي تسوونه فنفسكم حرام هالمعاناه والتعب وبعد تعاندون انفسكم
ياناس افهموا هاذا مرض يعني مرض مش نفسي بس
يعني في خلل في تركيز مادة السيروتونين
ليش ما تستخدمون الادويه اذا كان الدكتور رعد طبيب ومتخصص فهالشي ومع ذالك يستخدم ادويه
تعرفون ليش
لانه عارف انه مالها علاج غير الادويه ولو كان يعرف من نتائج مخبريه او سريريه انه في علاج غير ماكان لجا للادويه
انا تجيني نوبات فظيعه كانت تجيني اكثر من مره فاليوم
والله كنت افضل انتحر على الجحيم اللي كنت فيه
وكنت مش مؤمنه بالادويه النفسيه وكنت احسبها مثل المخدرات
يمكن لان احنا من يوم صغار ترسخت فعقليتنا ان الادويه النفسيه ادمان وان المرض النفسي جنون
والحين بعد الدوا الحمدلله خفيت واعيش انسانه طبيعيه
عندي اخذ الدوا طول عمري
ولا امر بنوبة هلع واحده
والحمدلله على كل حال