اهللن داعية ربها ..
من ناحية الاعراض النفسو جسدية يخفيها بعد فتررة يعني انا لي شهر ونص تقريبا وتوها بدت تختفي تدريجيااا ..


لكن من ناحية دوخه وعدم توازن ممكن يكون عندك التهاب في الاذن الوسطى !

هل تشتكين من اكتئاب او وسواوس او رهاب .. او اي مشكلة نفسيه غير الدوخه وعدم التوازن ؟

كشفت فوق 8استشارين انف واذن وبينهم اثنين متخصصين في الدوخه والدوار وسويت فحص توازن وكلهم قالو سليمه روحي طب نفسي. بس انا رحت مخ واعصاب ماصدقتهم ونفس الشي صار صارو يصرفون لي سيروكسات وواحد صرفلي سبرام دكتور باطني يعني ماخليت مركز ولا عياده الا رحت لها بحثت كثير في الاخير قالو روحو الطبيب النفسي بعدها رحت وقالو اللي فيك اضطراب قلق نفيو جسدي جربت السوليان خفف علي شوي بس اخر الدوره وتركته والان فافرين

المرض النفسي فعلا يسبب دوخه وعدم اتزان .. لكن ما شاء الله ماعندك اي مرض نفسي !

الله يديم عليك العافية ..

بالنسبه للسوليان هو علاج مضاد للذهان وبجرعة صغيره يكون علاج ممتاز للقلق ومدعم للعلاجات النفسية الرئيسية، وبجرعات كبيرة يعالج الفصام ..

ومن اهم اعارضه الجانبية زيادة في الوزن .. وزياده في هرمون الحليب وهذا سبب لخبطت الدوره عندك ..

.......

اما الفافرين فانا مجربه ممتاااز لكن مفعوله بطييء مقارنتا بالسيبرالكس .. طياااره .. لكن فافرين فادني في الوسواس اكثر من سيبرالكس ..

..
.

جتني دوخه قبل فتتتتره واخذت كل علاجات الاذن والحلق والحنجرة .. ولا فاد ولا يوجد اي التهاب ! ..

وصف لي الدكتور علاجين وقال استخدمها هذا دوار دهليزي .. وفعلاا جاب نتيجه وارتححت منهاا ..
.
.
حابه اعطيك اسمائهم ؟ اذا حصلتهم
.
.

وبحثت لك عن الموضوع .. وشف هذا الرد المطول من الدكتور الشهير محمد عبدالعليم .. اطال الله في عمره ع الطاعه ..

http://consult.islamweb.net/consult/...ils&id=2155454
.
.
.
في الخدممه

جزاك الله خير على اهتمامك ياليت تذكر اسم العلاجات تبع الدهليزي وبسألك انت كيف دوختك مستمره ولامتقطعه

اسف ي داعيه ربها ... راح ارجع لك بالعلاجات قريب ان شاء الله ..

السلام عليكم ..


رفعت الجرعه للفافرين الى ٢٠٠ ملج .. قبل اسبوع تقريبا .

في بداية رفعته تحسنت الحمد لله جدا .. لكن بعدها بيومين حسيت باكتئاب والم الصدر في الجانب الايمن زاد ..

الوسواس طبعا الحمد لله اختفت تقريباااااا بنسبة ٩٠٪ الحمد لله

لكن هناك احساس بالاحباط او اكتئاب وخوف بسيط .. واحساس بالوحده او احس اني لحالي .. اتمنى يروح هذا الاحساس الموحش ..

مساءك خير

ينفع كذا تخلينا نفقدك ؟
زعلتني منك كل يوم اقول راح يطل يطمننا
عموما كويس اختفت الوساوس
واحساس الوحده طبيعي لأن قاعد تنتقل لمرحلة الشفاء
والله يتمم لك على خير 💕

ي يسعدك ربببي ويحميك من كل شر

ماعاش من يزعل الكتكوته
الحمد لله انا بخير وبنعمه ..

فعلا الحمد لله بديت اتحسن كثير

مرحله وعدت وباقي برفعها الى ٢٥٠ ملج

والله يكتب الخير

اخييييرا رجعت 😢
الله يسامحك خوفتني عليك
والله كل يوم ادخل الصندوق اسأل شفتم أبوبدر؟
يمكن دخلت وانا موفيه او مريت عليهم
الحمدلله يارب تكون النتايج زينه ويروح كل اللي فيك 👌🏻

ماشاءالله الى الامام الله يشفيك ماعليه الاعراض هاذي تروح اعطتيني امل بالدواء

الله يسلمكك من كل اذى ..

امممين ي رب

الحمد لله اليومين ذي كويس
العلاج جاب نتيجه بعد الله ..


لكن لازم ارفعها حتى اتحسن زود وتكون علاجيه

الله يسعدكك

العلاج ممتتاز جدا وهذا فضل من الله سبحانه

اذا تبي تاخذه انصحك تاخذه ..

جبار جدا

السلام عليكم ..

الحمد لله رب العالمين الذي ارشدني لهذا العلاج له الفضل اولا واخيرا

العلاج ماشي معي كويس .. وهذا لا يمنع انه ما تمر حالات ضعف قلييييييله جدا ..

وعلاجها السلوكيه وهو التطنيششش والدواء يساعدك اصلا كثييير ..

حاليا على جرعة ٢٠٠ ملج ..

والله يكتب كل خير

كم لك الان على العلاج لاني بصراحه انا ابدا ماستفدت منه بالعكس زادت اعراضي 🤕

مرحبا داعية ربها .. لي الحين شهرين و١٠ ايام ..

اليوم نمت العصر وقمت النفسيه سيئة .. وضيقه

لكن ان شاء الله تعدي ..

لازم من رفع الجرعه حتى الجرعة العلاجيه الكامله ان شاء الله

بس سوااي شي حلو العلاج والله يكمله ي رب

اممين ي رب وكل مبتلى ..

يقولون والله .. بس بما انك فتحت الموضوع ..

وش ممكن يسوي ريسيبدال ؟
ياليت لو تفيدني

يساعد في ازالة القلق الشديد ويدعم الفافرين فالتخلص من الوسواس

الحمد لله بعد دارسة الموضوع كامل ..
قررت استخدم ريزبيردال ١ ملج ..

والله يكتب الخير ..

الفافرين فادني بعد الله الحمد لله ..

بس باقي حتاتات ..

الفافرين ٢٠٠ ملج ..
ريزبيردال ١ ملج ..


والله يكتب الخير

السلام عليكم ..

اول يوم جربت فيه الريسبردال ١ ملج الليل مع الفافرين ٢٠٠ ونمت ..

جاني نوم مو طبيييعي ابدا ابداا .. خمووووول وتكسير بالجسم ..

نمت ٦الصباح صحيت ٨ العشاء .. وهذا كله مع محاولات انهم يصحوني :) ..

انا خايف لا يستمر هذا النوم ..

اليوم الثاني نفس النظاام نوووم بس اخف بشوووي عن امس ..


الي حسيته ان الافكار اختفت الاعتقادات ما عاد صارت تهمني صرت كاني طبيعي .. الحمد لله .. وصرت اتكلم مافي شي يخوفني او شي يخليني استحي ..

ما عاد افكر في الناس وفي طريقة عيشهم ..

يعني احس تقدم كويس .. الا النوم والخمول
اتمنى انها تزول وان شاء الله تكون عرض جاني ويتختفي

والله يكتب الخير ي رب

السلام عليكم ..

الريسبردال فادني لكن تركته ليييه !!!؟

سبب لي نوووووم وخمووووول كبير .. اقوم كني سكران ..

بس فادني صراحه ...


لكن بستمر علي فافرين ٢٠٠ ملج ..

الى ان ابدا في علاج للذهان بعد البحث والتقصي عنه ..

والله يكتب الخير

السلام عليككم

الحمد لله رب العالمين ..

رفعت الجرعه قبل ٥ ايام ل ٢٥٠ ملج

اول يوم النفسيه يعني ..
ثاني يوم رااحه نفسيه وانشراح تذكرت زمان اول ..
ثالث يوم بالليل اكتئاب واحساس بالوحده
رابع يوم الحمد لله بديت اوعي زين ..
خامس يوم الحمد لله الوضع كل ماله يتحسسن كثير
يالله لك الحمد على كل نعمه انعمت بها علي وعلى والدي
.
.
.
.

كيف شخصت نفسك بالذهان؟؟
انا الان على الفافرين 300 ملغم يوميا
حقيقتا الفافرين علاج جبار للوسواس القهري وفكرت اضيف الريسبردال
بس سمعت انه يسبب خمول وتكلفته غالية (600 ريال او شي زي كذا اذا منيب غلطان)

هلاا بكك

انا قد استخدمت علاج سوليان للذهان مع سيبرالكس .. صراحه السوليان بقوة ١٠٠ ملج كان جبااار .. الاعتقادات اختفت ..
.
.
.

الريسبردال ٢ ملج ب ١٤٠ اتوقع فيه ٢٠ حبه تقدر تقسمها ١ ملج

السلام عليييكم جميعااا ..

الحمد لله ما زلت مستمر على جرعة ٢٥٠ ملج ..

الوساوس التلقائية اختففت الحمد لله ..

باقي قلق خفيييف جداا ..

ايضا الم الصدر او شد الصدر حاجه بسيطه ما تضرر ..

امس زي ما تقولون تعبت نفسيا كذا فجاه .. لكن نمت وقمت الصباح للدوام كوييس الحمد لله ..

الحاله ذي قلليل تجي الحمد لله ..

النتيجه العامه .. ممتازه ولله الحمد ..

للكمال والكامل وجهه سبحانه .. احتاج مضاد ذهان بنسبه بسييييطه .. لكن بستمرر على فافرين ٢٥٠ ملج .. ان شاء الله تكون الامور مضبوطه باذنه سبحانه

السلام عليكم
بعد مااضفت السوليان اختفت الوسواس ..ليش مااستمريت عليه مدام العلاج ناسبك

الله يصرف عنك وعني الوساوس الخبيثه آولآ كلام الشيخ صحيح العين والحسد سبب الوساوس آلشي الثاني هل تأكل الادويه بدون طبيب

السلام عليكم
متردده اخذ الدواء هل خف عندك الوسواس

السلام عليكم ورحمة الله وبركاته في الحقيقة الاخ آبوبدر تجربة فريدة ومفيدة لمرضى الوسواس خاصة للاشخاص لديهم فكرة سلبية عن الادوية ياريت تواصل سرد تجربتك مع الدواء ليستفيد منها الجميع وان شاء الله تكون تعافيت
بالنسبة للاخ عبد الرحمان حتى لايقع لك سوء فهم فان ادوية الذهان مثل الريسبردال او سوليان دوغماتيل وغيرهم ياخذها مريض الوسواس بجرعات صغيرة جدا كداعم للدواء الرئيسى للوسواس مثل فافرين سيروكسات وغيرهم وعندما تتحسن حالة المريض يسحب الطبيب دواء الذهان من العلاج وتناول دواء الذهان في بداية العلاج لايعني ان مريض الوسواس لديه ذهان
طبعا هناك حالات قليلة من الوسواس المصاحب لمرض الذهان-الفصام- او حالات من الوسواس الشديد يكون فيها المريض يعتقد بصحة افكاره التسلطية لكن ذلك موضوع اخر و حتى لااسبب هلع للموسوسين فان مرض الوسواس لايتحول الى ذهان دمتم في رعاية الله وحفضه

وعليكم السلام ..

سوليان يزيد الوزن ويرفع هرمون الحليب والقدر الجنسية توصل للصفر ..

هذا السبب

امين ي رب .. والجميع

بالنسبه لكلام الشيخ فهو صحيح انا متاكد انه عين او حسد ..

والعلاج خذيته بدون طبيب .. وبعدين توجهت للطبيب حتى يصرف لي العلاج بستمرار على حساب التامين ..

وعليكم السلام هلا بك تلوو

الحمد لله الحين كويس بشكل كبير

لا تترددي ابدا وتوكلي على الله

ي مرحبا ابو عبااادي شلونك

انصح فيه علاج بطل بصراحه للوساوس

كلامك عين الصواااب

بسم الله الرحمن الرحيم ..

بالنسبه لوضعي حاليا ممتاز الحمد لله ..
حيث اني دمجت فافرين قوة ٢٠٠ مع سيبرالكس قوة ١٠

الفافرين قضى تقريبا ع الوساوس القهرية والحاحها .. اما بالنسبه للقلق والاكتئاب الخفيف والتوتر والخوف .. كان باقي يجي ويروح..

لما اضفت السيبرالكس .. قضى على الباقي الي ما قضى عليها الفافرين ..

الحمد لله ..

العلاج نعممه من الله ..

أنا مصابة بالوسواس القهري الشديد في النية والعقيدة
ممكن تعلمني كيف مشيت عليه فافرين بالضبط بالايام لاني ما اقدر ارح عيادات ابددد

مرحبا
ابو بدر سبحان الله خطواتك ومعاناتك زي معاناتي بالضبط
لكن الاختلاف البسيط انا اتناول فافرين 200 فقط لحالها بدون
اضافه دواء اخر وحاليا لي 5 شهور والحمدلله قضى على الوساوس لكن القلق
مستمر معي وافكر اخذ سبرالكس 10 بس انتظر موعد الدكتور
بعد شهر قالي ارجع لي

السلام عليكم ورحمة الله وبركاته

ادري ما راح ترد لانك منقطع من زمان
الله يجعلك في حال افضل

كل ما كتبت بقوقل وسواس يطلع لك موضوعك

ليتك كنت حول المنتدى عشان تبلغنا وش صار معاك بعد الفافرين هل ما زلت تتناوله و الا تركته بدون رجعة