صادقة وردة

الرجل لو تعدى عمره ما عدى يقدر يتزوج أما المرأة غير . ما أقول الا الله يكتب التوفيق و الشفاء لنا جميعا

ما همنا الزواج قدر ما همنا المزاج

المزاج همنا الأول و الأخير و همنا الكبير الله يشفينا

الله يوفقك للزوج اللي يخاف الله فيك و يسترك

مشكورة وردة

الله الله صدقتي و الله يا الأخت الغاليه مبتلاه في الهلع
الله ما يبتلي إلا أحبابه عسى الله يشفيك و يشفينا

و الله ما شفت بلية أكبر من بلية المزاج يغّير على صاحبه أيما تغيير

لو مزاجي أوك طبيعي ما كانت ظروفي ظروف و الله أكبر منها من ظروف خلتني أضرب راحة يديني ببعضها من خسارة في خسارة

موعدي مع الدكتور كان أمس و أقسم بالله ما أدري وش أقوله ما بيده شي خلاص و أنا ما بيدي شي
قال أغير لك العلاج قلت لا أنا طيب معه و ما قعدت عنده إلا خمس دقايق و طلعت

و أنا صادق وش أقوله خلاص رضينا و رضخنا للأمر الواقع إن حالتي متأزمة حتى مع العلاجات

و تسلمين و تستاهلين أكثر يالغاليه و مشكورة جدا على هالكلام المطمن الكبير الكثير حلو

لا عدمتك و عسى الله يرزقك أخير مما في بالك و أخير مما تتمنينه

ههههههههههههه الله يعين و الله إنها مشكلة الأمراض النفسية و العقلية
مشكلة عويصة حويسة يحتاس معها صاحبها و تحوس أموره كلها حوس في حوس

أما تحسد الأعور على عين وحدة هذي حلوة

أما في ناس تحسد كذا ما أقول إلا الله يبلاها و يقطع مرادها

مساك جنة يالغالي محمد يا أغلى أخو

أخبارك علومك إن شاء الله بخير

كيف الوالدة و كيف حياتك وش مسوي بهالدنيا وش الجديد

هلا بك و مسهلا و حياك رب العالمين يا أغلى أخت

مساكِ جنة يالغالية نسمة الياسمين

هلا بك يا أبو عبدالوهاب عمر عبدو

حياك ربي يالغالي

و الله مستغرب مصنع الشاي الليبتون له 125 سنة و هو قاعد يصدر للعالم منتجه

لزوم نبلغ الدكتور بالسالفة

ما عاد بها نبلغ الشيخ بالسالفة لأن مقابلتنا للدكاترة أكثر من مقابلتنا للشيوخ :(

قمت من النوم العشا و أحس مزاجي بالغلط إرتفع و أطلع الشارع و أحس بشعور جدا حلو خصوصا مع الجو حسيت بروقان شنيع

تحسفت على ذا المزاج ليش ما يكون طول الوقت كذا كان و الله لأعيش كنق

يلا على الله

أسوأ ما قد يواجه الانسان
في حياته كثرة التفكير
لذلك ردد دائماً هذا الدعاء :

" اللهم أني أسالك بالاً مطمئناً وشاكراً
بما قسمته ليّ " ..!..


اللهم إنا نعوذوا بك من التفكير بالإنتحار :(
اللهم إنا نعوذوا بك من التشاؤم :(
اللهم إنا نعوذوا بك من السوداوية :(

اللهم طلبناك صلاح البال و راحته

يا رب آمين

بداية الفرج صدقني واكثر من الحمد والصدقه وارقي نفسك بنفسك حاول قد ما تقدر والله يرزقك اضعاف ما دعيت لي واكثر دعائك جدا جميل يشرح الخاطر 😢

حااااسه فيك😩😢
اذا المزاج يحرمك من كل شي من النوم من الاكل يجيك كتممممه تنام معاك وتصحى معاك عارفه والله عارفه انا مريت فيه قبل سنتين في شتاء جاني ايام الامطار والجو الزين اقسم الله اشوفه جحيم الاكتئاب والمزاج من الشيطان الضعيف يعني مرض شيطاني بالله ابو نجلاء انت قريت تجربة الاخ علي اليامي كيف طلع من الهلع والاكتئاب والوسواس الاخ علي اليامي مدرسه في فن التطنيش بتسفيد منه زي ما انا استفدت

ايه يحسدون الميت على موته يوم الجمعه يقولون يا حظه مات يوم الجمعه جت على الاعور الضعيف 😂 وانت ما شاء الله تبارك الله واضح انك انسان رائع بكل المقاييس الله يفرجها علي وعليك وعلى كل مبتلى عاجل غير اجل

ولا تستلم ولا طول الغيبه والله قلقت عليك قلت لا يكون الرجال انتحر 😂 ادحر ابليس وانا اختك واذا جتك افكار اتفل على يسارك ثلاث مرات ونط نطت الذيب << الذيب ما ينط ولا 🤔 المهم خلك ذيب 😂 واطلع واتمشى واضحك وسولف واتوضى وصل وادع ربك كل ما جتك فكره شينه اقهر ابليس خله يذوق الاكتئاب زي ما ذوقك اياه سنين وفترة وتعدي وانا اختك

أتمناها بداية الفرج بس هذا المود مو وليد اللحظة و إني أحس براحة زي اللي حسيته من قمت من النوم

هو من زمن عترس يعني من زمان مرة يرقى و يقلع و مرة ينزل و يهبط لأسفل سافلين و يوريني الهوايل و هذا قد يكون في اليوم يعني أحس مزاجي طيب و في نفس اليوم ينقلب و ينزل مع إن القطب الإكتئابي هو المسيطر على القطب الهوسي

و الا ليش للحين عاطل و عزوبي

لو طول عمري مزاجي طبيعي كان الحين على راس العمل و متزوج و عندي عيال و بيت لكن حسبي الله على أبوي و نعم الوكيل و الحمدلله على كل حال

تستاهلين الدعوات الطيبة يالغالية مبتلاه في الهلع و الله يبارك فيك و يجزاك خير و لا يوريك مكروه و يسلمك من كل شر

انا دمعة حزن سالت على خد الزمان امرار
بكتني عينها الدنيا باول يوم من عمري..

أنا بروح المقلط و أتابع أفلام Netflix و أطفي اللمبات

إي و الله محروم من الأكل و النوم يا بنت الأجواد عسى الله يشفي كل مريض أقسم بالله تقولين بسجن و حارميني من الأكل و النوم

الشهية مضروبة سلمت لهالأمر خلاص
النوم ما أنام إلا بعلاجين مضادين للصورايخ قصدي ذهان و الحمدلله على كل حال مع إنه قهر تشوف الناس تنام طبيعي و أنت لازمك علاج ينومك و الا ما تنام تقعد صاحي بلا نوم و الله أغبط أخوياي كيس النوم بجيوبهم متى ما بغوا ينامون ناموا

بس كل شيء إلا المزاج ما يعدل المزاج شيء أبد لا تعدل مزاجك كل شيء يهون عندك

زين تعديتي هالمرحلة الحمدلله إحمديه و أشكريه كثر ما أعطاك و شفاك و صدقتي الإكتئاب جحيم

بس ما عليش هنا نقطة قلتي إن المزاج من الشيطان لا و الله مو من الشيطان إلا إبتلاء مثله مثل أي مرض يبتلي الله من يشاء من عباده بهذا المرض لو الإنسان متدين مو معناته معصوم من هالمرض بدليل أدشر و أجرم خلق الله حياته في نعيم في الدنيا و مزاجه مستوي و ما يعاني بشيء في مزاجه

أنا متسلح بسلاح الصبر عسى الله يرزقني الصبر القوي و المتين و هو الرزاق ذو القوة المتين لي و لجميع اللي هنا و لكل مريض و مبتلى و مصاب و مجروح و محروم

عموما الحمدلله على ما أخذ و ما أعطى

زمان كنا و الحين صرنا و لا إعتراض على القضاء و القدر اللهم سلم سلم

بالله الرابط ودنا نستفيد

ههههههههههه يا بطني أما يحسدونه على موتة الجمعة و الله إنك عجيبة يا مبتلاه بالهلع

و الله كل ما أشوف ميت أتمنى إني مكانه الحمدلله على كل حال

تسلمين أختي مبتلاه بالهلع إلا و الله أنتي الإنسانه الرائعة يالغاليه و مجيك هنا مكسب

اللهم آمين يا رب

تسلمين يالغاليه الله يجزاك خير على هالدعوات الطيبة

اللهم عاجلا غير آجل أنصرنا على أمراضنا و إشفنا أجمعين