احنا مؤمنين بالله بس الاطباء مايعرفون يشخصون ضايعين بين الطب النفسي والعضوي او روحي

بعدين انا استنتجت من قرأتي للمواضيع القديمه والجديدة مافي مصداقيه في الكلام مرات يقولون اخذنا العلاج النفسي وتشافينا ومرات يقولون لا ماتشافينا كلام متناقض وصرت الان اشك انو الطب النفسي بحد ذاته يبغاله إعادة تأهيل ومن قرائتي لنوبات الهلع تكون على شكل متقطعه مو مثل اعراضنا مستمره

ولايهمك
انا قبل شهرين اول ماتعبت كنت عايش بجحيم
ولله الحمد الان تحسنت 70 في المئه
كيف تعرف ان اللي فيك نفسي او روحي او عضوي ؟
اولا سوي كشوفات اذا قالو سليمه
روحي اقري عند شيخ كم مره اذا كل شي تمام
اعرفي ان المشكله نفسيه
وانا متاكد بان جميع ردودي نفس الكلام
وفيه فرق بين الصداع العادي والصداع النصفي مثلا
الان الأعراض عندي اخف ولله الحمد وبدت ترجعلي قوتي
وبديت اقدر أواجه اللي احسه
انا راضي باللي ربي كاتب لي اياه
وعسى ان تكرهو شيئا وهو خير لكم

ايه بس المشكله في الاعراض المستمره هذي احسها مالها علاج جذري ومن قرائتي للمواضيع حتى اللي تشافو منها ممكن ترجع لهم في المستقبل اجل وش فايده العلاج بكذا ماعالج الحاله عجزت اقتنع انو احد تشافى منها نهائي عموما الشافي سبحانه فقط هم اسباب لا اكثر بلجأ الى الله اخاف اخذ ادويه وادهور بعدين غير اعراضها الجانبيه المتعبه كافي اعراضي

انا كل فحوصاتي سليمه ورحت لشيخ وسويت ربط لرأسي وصبخه كل شي سويته باقي الحجامه بسويها وقالو الدكاتره نفسي اللي فيك بس ماصدقهم لانو اذا ماعرفو السبب انسبوه للنفسي ورحت معالج سلوكي اربع جلسات ماستفدت واخذت سوليان خُف الصداع والم الراس بس الدوخه ضلت مثل ماهي وتركته اخذته شهر ونص والان اقول في داخل راسي شي غلط ماكتشفوه الاطباء افكر اروح مخ واعصاب من جديد يسون لي تخطيط دماغ لانو الوحيد ماسويته

سويته قبلك وكان سليم
نصيحه روحي دكتور نفسي وتوكلي على الله
التعب النفسي مؤلم جدا
قرري وانا اخوك

وانا وش يضمن لي العلاج بجيب نتيجه او لا لانها تجربه وحظ مابي اصير محل تجارب مو فاره تجارب انا

بعدين الى الان ماشفت احد تشافى من الدوخه المستمره ماشفت

اقسم بالله قبل 10 سنوات اول تعب نفسي لي
وكنت أعاني من الدوخه
لدرجة أني اقتنعت ان اللي فيني التهاب في الإذن الوسطى
وصرت كل وقتي منسدح الى ان نصحني واحد من المشائخ اقرأ عنده
ورحت لدكتور نفسي وخذت علاج 6 شهور وشفيت ولله الحمد تماما
إنتي مشكلتك يائسه نسيتي ان هناك رب رحيم
ارفعي يدك وادعيه وباذن الله بيعافيك

وانتي عاجبك وضعك كذا ؟؟؟

لامو عاجبني وضعي الله عالم بحالي بس الدوخه اللي جتك اوصفها كيف وكيف افرق بين الدوخه النفسيه والعضويه بعدين انت جتك الدوخه من عشر سنين بسبب هلع او صدمه والعلاج اللي كنت تاخذه وش كان اسمه ومتى بدا مفعوله وراحت الدوخه منك

الدوخه كأن فيه موج في راسي لو كأن فيه قارب في راسي يلعب
ومشكلتي كانت وسواس مرض وخوارج انقباض
اي دواء نفسي يتعبك اول أسبوعين الى شهر على حسب
وفيه ناس ماتتاثر
انا تحسني ولله الحمد كان بعد شهرين اذا ماني غلطان
وعلاجي كان افيكسور 150

افيكسور من جدك انت لو اخذه بكرا اكون في القبر😂😂 من دكتورك هذا وكيف يصرفلك علاج مثل هذا في البدايه ماخاف عليك انا قريت كثير عن الادويه النفسيه وصار عندي اطلاع افيكسور اخر شي يصرفونه للمرضى اذا ماستجابو للعلاجات السابقه

بن دايم كيف بدات معك الاعراض
هل بسبب صدمه ومشاكل
او كذا فجئه انا كانت عندي مشاكل وبعدها من كثرت التفكير اصبح ثقل براسي وبعدها
انا اتاني ثقل بالراس وماعاد اركز من الثقل اللي بالراس وبعدها بدا الوسواس الين ظربت فيوزات راسي واصبح عندي لخبطه في النظر وزغلله واشوف مثل الضباب ودوخه وعدم اتزان وخفقان والاعراض اللي انتو خابرينها حقات الهلع \ فعلا سيرالكس خفف اشياء كثيره
بس انا لما تركت العلاجات النفسيه 3 سنوات
كان اعراضي ثقل بالراس وعدم تركيز مثل الدوخه ولاهي دوخه وزغلله وضبابيه في النظر وعدم تحمل الاناره والاضواء القويه والشمس واكتئاب وضيقه ومرات قليله ضيق نفس وكتمه بالصدر
وكنت ماقدر اخرج من البيت
الان بعد الله ثم لامكتال المزاج والصداع والشد اللي بالراس والدوخه والخروج والسواقه افضل بكثير من اول لي سنتين عليه او اقل
بس من سنه اتتني الم في العضلات القلب والكتف والظهر وبعدها بشهرين اصبح اشم مثل ريحه الدم او الغبار وبعدها اتاني الشعور بنبضات القلب ولكتمه وتذهب وهكذا ومرات يجي ضيق نفس معها

يقول الدكتور عبدالله السبيعي :
طلب مني شخص ان انصحه من حميه معينه
قال انصحك بالحميه من قوقل
.
افيكسور جلست استخدمه 5 سنوات
ولله الحمد تغيرت حياتي
ويااختي واضح استسلامك للوساوس والمرض والياس
مااقدر أقول الا الله يشفينا ويشفيك