وعليكم السلام ورحمة الله

عادي أختي العزيزة فضفضي في أي وقت , نحن هنا إن شاء الله نحاول نساعد بعض !

كنت أفكر في وضعك وأقول لماذا لا يأخذ خطبيك دين من أحد أصدقائة ويسدد الدين الآخر حتى يكف شرهم عنه وبعدها براحته بستطيع سداد دين صديقه ؟

الله يفرج عنك وييسر أمرك وأمره ويجمعكم بالحلال وحاولي عزيزتي ماتتواصلي معاه .

كل واحده فينا تقريبا قد كتبت جنسية خطيبها ولكن في مشاركات سابقة ..

يعني يوم السبت القادم إن شاء الله سيكون الرد ؟

هلا وغلا نورتي يالغالية وربي يفرجها عليك ويكون يوم السبت احلى يوم بحياتك وحنا بعد ننتظر معك لاني من جد صرتي بمعزة خواتي وربي يفرحك لانه فرحتك فرحتنا وربي يشهد
عارفة ياقلبي انك ماراح تقصرين معي ولا راح تبخلين علينا بمساعدتك وربي يجعلها بميزان حسناتك
وربي يفرجها على الكل

واخيرا القمر بان eqdx342
ماتشوفين شر ياقلبي واجر وعافية
اللهم امين

شكرا أختي العزيزة على التوضيح . والله ييسر لنا جميع آمين !

نعم إن شاء الله أحاول أقنعه وكتبت له رسالة أوضح فيها كل شئ لأني أخجل جدا من المواجهه . ووالله اني الان نادمة أشد الندم لأنه أول مرة كلمني أبي وسألني : تريديه ؟ لم أرد عليه لأني خجلت أن أقولها صريحة فظن أبي اني لست مهتمه ولم يهتم هو ايضا لدرجة انه أصبح كل مره يقول عذر معين إذا أحد كلمه في موضوعي .

لكني أريد أن أستشيركم أخواتي : كيف أصل إلى إقناعة لدرجة أنه يرتاح للأمر فهو من ناحية موافق لأن الولد بصراحة طالب علم وخلوق ولا يرد وفي نفس الوقت غير موافق لأنه غير مرتاح ويقول أن نسبة نجاح هذا الزواج تكون قليلة . وأنا عن نفسي إستخرت الله ومرتاحة للشخص بل أني أتمنى أن يجمعنا الله على سنته وبالحلال وفكرت كثيرا في مستقبلنا معا وإستشرت أكثر من شخص وأيضا بعض الشيوخ ومقتنعه يعني لم أكن متسرعة بل أننا بقينا منذ أن خطبني من اخي سنة إلى الان والحمدلله خلالها فكرت كثيرا ومرتاحة ولم أكن خائفة ألا من الأمور القانونية والأنظمة الدولية فقط .

كل ما أريده أن يرتاح أبي وأن يوافق على هذا الزواج عن طيب نفس وليس مجاملة لي فقط وأن يفرح بي مثل أي بنت في يوم زواجها . كيف أفعل ذلك أشيروا علي عزيزاتي ؟

ماشاء الله علامات تيسير إن شاء الله . أسأل الله أن يتمم بينكما على خير !

وعليكم السلام ورحمة الله وبركاتة
الحمد لله على كل حال صابرين على قوانين البشر وربي يفرجها علينا
نصيحتي لك انه خطيبك من الحين يقدم على اجراءات الاقامة علشان تقدميها مع اوراق المعاملة وتكسبون وقت ولا تنحطين بالموقف اللى انحطيت فيه انا بعيد الشر عنك
بعد ماخلصت كل مشوار التقديم رجعوني الى الالف بسبب الاقامة حسبي الله ونعم الوكيل
فضفضي ياقلبي وقولي كل اللي بخاطرك حاسة فيك وبمعاناتك وياليت اقدر احصل على ايميلك
دعواتي لك ان ربي يريح قلبك ويفك ازمتك

وعليكم السلام
صحيح الجنسيه العراقيه هي اصعب شي الله يعين بس
حبيبتي ماتنلامين اذا عصبتي وتعبتي بس ياقلبي هو ماله ذنب هذا ظرف صعب وانحط فيه حاولي تهدين عشان تقدرين تفكرين زين العصبيه ماراح تسوي شي
وانا حاسه فيك كثييير ويااارب مايمر هاالشهر الا وهو مكمل المبلغ كله وتدخلين تبشرينا
خذي راحتك وفضفضي احنا مالنا غير بعض

لا ياقلبي لاتقولين هذا الكلام ولا تاخذين قرار مصيري وانتي بهذي الحالة هدي اعصابك هذي ظروف طارئة وراح تمر كم سنة وانتي مخطوبة ؟؟فحرام تروح هالسنين بساعة غضب وعصبية
روقي ولاتكتمين بقلبك وخلي املك بالله كبير واكثري من الاستغفار
واما مسالة الاقامة لانه سمعت لازم يكون مقيم اكثر من 3شهور الى 6 شهور حين يقدم المعاملة يعني مو يطلعها ويقدم لا لازم فترة كذا شهر
l,uiture67

ويسعدك ربي انتي بعد ونفرح فيك ولا عاد تقولين هالكلام يمكن اكيد فيه مشاكل من قبل وزادت بعد هالظروف وووجود المشاكل شي طبيعي فلا تحطين هالفكرة في بالك وراح موركم تتحسن بنحسن الظروف
ياليت تاخذين ايميلي من الادراة

http://im2.gulfup.com/2011-03-16/130028911021.gif


اليوم هو يوم الجمعه فاكثروا من الاستغفار وذكر الله ومن الصلاة على النبى محمد صلى الله عليه وسلم

حسبي الله ونعم الوكيل .. حسبي الله ونعم الوكيل .. حسبي الله ونعم الوكيل

وينك يانجووووووووووم ؟؟؟

السلام عليكم ورحمة الله وبركاتة
كيف حالكم بنات ؟؟وشو عاملين ؟؟
ميس فرموزا طمنينا شو سار معاكي ؟؟

تسلمين ياقلبي على ردك وربي يجعله في ميزان حسناتك
احس مشكلتي صعبة كثيرررر ونفسيتي تعبت منها ومو لاقيه حل وكل الابواب متسكرة بوجهي جعل من قفلها علي تتقفل عليه ابواب رحمة ربي ويذوق الحسرة والالم والقهر اللى حاسة فيهم
حسبي الله ونعم الوكيل
حسبي الله ونعم الوكيل

وعليكم السلام ورحمة الله وبركاتة
الحمد لله على كل حال انا لسه موضوعي ماصار فيه شي جديد وحاسة الدنيا بعيني اضيق من خرم الابرة
وانتي يالغلا طمنبنا عنك
مس فرموزا وينك طمنينا عن اخبارك
مناهل ان شاء الله صحتك صارت احسن

انكسار مهما ضااااااقت تفرج وان شاء الله الفرج جاي من الرحمن الرحيم خلي املك بلله كبير وادعي ربي يختار لك الخير ويسهلك هو ( الله يسهلنا ويختار لنا الخير ياااارب)
انا الحمد لله تمام مالي غير ادعي بالصالح والخير وتسهيل الامور و اقول حسبي الله ونعم الوكيل
ان شاء الله هالشهر تجي اخبار حلوه من الجميع :)

حسبنا الله ونعم الوكيل :(

أنا اليوم أشعر بنفس شعورك تماما . لكن الفرج من عند الله !

الله يفرج عنا جميعا ياارب

الله يسعدك أختي على السؤال .

والله أنا حاليا في محاولات إقناع أبي ان الولد حيجلس وماحيسافر . والله ييسر !

أنا أريد رضاه فقط وأريده يفرح بي أيضا مثل أي بنت مو بس يوافق مجاملة ليا ..

الله يعين !

اللهم امين والنعم بالله مالنا معين ولا مغيث سواه
يارب علمك بحالي يغنيك عن سؤالي
بس حنا بشر ولنا طاقة حرام اللي جالس يصير تضيع سنوات عمرنا من غير ذنب بس ذنبنا انه نصيبنا اللى كاتبه لنا ربنا يكون زوجنا من خارج الحدود
حسبي الله ونعم الوكيل

اللهم امين
وحاولي تجيبين للوالد تجارب ناجحة علشان يطمئن
وبيني له هدفك من هالزواج وادخلي عليه من جوانب تقنعه سواء دينية او اجتماعية
وقولي له راح اشترك معه بالدعوة للاسلام
وربي يكون معك
دعواتنا لك يالغلا

كيفكم أن شاء الله الجميع بخير


حبايبي معاملتي وقفت في شرطة الرياض لها اسبوع وكل يوم بكره ماني عارفه ليش.!
من في الرياض ويقولي يمكن طريقة الرياض تختلف عن جده.!
وتقولون ان الرياض اسهل وين والله جده كل شي فيها يمشي بسرعه وعلى مواعيده.

هلا وغلا دانة نورتي
الله يكون بعونك

والله حتى أنا نفسيتي تعبت من الموضوع وقفت على حضور الوالد حاسه بقهر حسبي الله ونعم الوكيل ..

أختي فرحة اصبري وتفائلي وبشر الصابرين راح تنفرج بإذن الله بس قولي يارب وخلونا ندعي لبعضنا بالتيسير دعاء المسلم لأخيه المسلم بظهر الغيب مستجآااااب

أختي طهر توكلي على الله وكلمي الوالد بإذن الله راح يتفهمك بس تشجعي ..

أهلا بدانة !

لماذا توقفت المعاملة ؟ ومالغرض انها تروح للشرطة ؟

أنا في إعتقادي إنه المعاملة تكون أسهل على حسب الطلب نفسه . فمثلا بنات تيسرت لهم في الرياض أكثر وبنات في جده .

الله المستعان . حسبي الله ونعم الوكيل

طيب عزيزتي مايقدر الوالد يعمل توكيل بما أنه موافق ولم يتوقف إلى على حضوره ؟

صدقتي عزيزتي هذا ما أحاول أن أفعله حاليا . الحمدلله أن معي كل أهلي الباقين ويساعدوني . ونعم أعترف أن الخطأ كان مني لأني غير واضحة وخجولة جدا وأكتم في قلبي الكثير ولمن يتكلم معي كل ما أستطيع أن أفعله هو البكاء !!

لكن بكلامكم هذا وبتشجيع البنات لي هنا أصبح عندي القوة الكافية بفضل الله . اسأل الله أن يعيننا جميعا ويرزقنا الحكمة والتصرف الصحيح دائما !

يارب يرزقني صبر ايوب علية السلام
اللهم امين ويفرجها عليكِ ياقلبي وتنحل مشكلتك وراح ادعيلك ربي ييسرها عليك وعلى جميع البنات يااااااااااااااااااااارب
`111`1`

جالسة أحاول ويارب تضبط هالمرة وتتم الوكالة والموافقة .. يارب تتيسر لنا كلنا ونفرح بهالعام 21l;wqa'

إن شاء الله ربنا يجبر خواطرنا ونفرح بس خلي أملك وثقتك بالله وحده .. l,uiture67