|
اختي معانيه، امس كنت افكر بموضوع اللي حسدني، قلت لو لله بلاهم وصابهم مثل ما صابني، شو موقفهم ...
حسدتني وعقب قالت لي سيري دكتور نفساني .... حسبي لله ونعم الوكيل ... اخويه منتضر الفرحه فيتامين د نازل عندي وتعالجت عنه ، والغده عملت فحص الحمدلله، وكذا مره بعد ... والشيخ رقاني اول ما اصبت بعين وتحسنت الامور الحمدلله، بس الحين ياني اكتئاب وتركت العمل ... وكلمت الشيخ قال توكلي على لله، وسمعي الرقيه وتدهني بزيت زيتون ... ولله مب عارفه شو اسوي غير الدعاء ! |
بنت الظبي إحتسبي الأجر عند الله
و حسبي الله على المديرة ليش تفصلك أكيد مهيب إماراتية لو إماراتية بتتعاطف معك وأنتي موظفة سيرتك حلوة بين الموظفات إنا لله و إنا إليه راجعون اللهم أجرها في مصيبتها و أخلف لها خيرا أنا أظن لو تاخذين أدوية بيصير وضعك أحسن بإذن الله |
كيف العلاج الي ختيه لفيتامين دال ولمده كم والشيخ الي رقاج شنو الي سوالج اش قرا عليج واش الي عطاج وهل تحسنتي؟؟
ثانيا اذا انتي تعرفين الي حسدك تقدرؤين تاخذين غسوله او اي شي منه وتغتسلي فيه وتشربي منه وتشفين هذا الي اعرفه انتي جربي مانتي خسرانه كل شي يهون الا العافيه والصحه |
اقتباس:
أهل الشرقية حاسدينكم ياهل الرياض أمطار الصيف عندكم ما شا الله تبارك الله و اليوم صفقنا عج إن شا الله الأمطار إللي عليكم يسوقها ربي علينا و تهنانا و تهناكم الرحمة لكن حاول تستغل الدعاء و قت المطر لأنهها أوقات أستجابة و كذلك خل المطر خل يلامس جسمك و تتغرق لأنه ماء مبروك و فيه ششفاء |
الم غامر المديره مافصلتني ، انا اللي طلبت الاستقاله لكن المسؤول مش اماراتي وعذبني نوعا ما
المهم أنا امس خبرتك وأريد اسوي كوبي لردي أخويه الم غامر أرد اعيد الموضوع ... هو إنه يوم صابتني عين ورحت للمستشفى ، عملوا لي فحوصات قالوا مافيني شي ولله الحمد، بس حالتي كانت تسوء، جسمي تشجنج وأبكي وخوف وأصارخ وماقدر اتحكم بجسمي رعشه مش طبيعيه وماقدر أنام الليل وكل ما اريد انام جسمي يتحرك نبضه قويه ورعشه من الكتف وتنتقل على طول للركب وللبطن بطريقه فضيعه ، ويوم رحت للشيخ قال عين قويه وعطاني علاج ، والحمدلله بعد ماقرأ عليَه بس مش مره ، لا باستمرار ، كنت ابكي ، وطلب مني آخذ اثر من اللي معايه في العمل، بعدين اهلي اضطروا ياخذون منهم بعلمهم لأني كنت بموت ... انا اغتسلت بالأثر وعقبها على طول طلعت لي حبوب في جميع انحاء جسمي اعزكم الله ، فقلت للشيخ، فقال بشرى خير بخروج العين بإذن الله واستمري على الرقيه والتدهن بزيت الزيتون .... بس تدري مع الاذكار والرقيه حالتي تحسنت ، لكن يوم رجعت الدوام، ماقدر اجلس على الكرسي، احس بخوف ووحشه ، فالكل قال اصلا اني مريضه نفسيه روحي لدكتور نفسي احسن لج، الكلام أثر فيني الصراحه، وكل ما اتعوذ من الشيطان ، احس ماقدر ادخل الدوام، فطلبت استقالتي ، ورفضوها ، وقالوا خذي إجازه ، خذت إجازه وماقدرت ارجع وحسيت برعشه في جسمي وخوف وبكاء، وقلت انا ما اكبر الموضوع لكن لازم استخير، ويوم استخرت الله إني ارجع الدوام او خلاص بعد الاستخاره طبعا ماحلمت بشي ، لكن الأمر كان عادي، بس في نفس اليوم اللي لازم أرجع فيه للدوام ، ماقدرت اقوم من النوم وجسمي عورني وحسيت بكآبه .. وقلت لهم خلاص انا ماقدر أرد المديرة رفضت اتوقع وتقول انا ما احس فيج شي ولد داعي للاستقاله ... بس محد حاس فيني يعني انا اتمصخر مثلا ؟؟؟؟؟؟؟؟!!!! يعني انا احصل راتب ، بكون متعمده إني اقعد في البيت واترك الراتب بسهوله ، ومن غير ما ابحث عن وظيفه ثانيه حسبي الله ونعم الوكيل على من حسدني |
اقتباس:
انا لي كم سنه اتعالج ادويه وابار وارتفع نوعا ما لكن في احتمال ينزل لو ماتعرضت للشمس ولازم كنت اراجع شهر واحد ومارحت والشيخ طلب مني آخذ اثر الناس وبعد ما اغتسلت تعبت وجسمي كله حبوب وكنت ابكي من التعب وطلب مني اسمع الرقيه 3 مرات في اليوم |
علميني كيف طريقه اخذ اثر والاغتسال وهل يوم اغتسلتي حسيتي شي طلع من صدرك يعني زي ضيقه
|
تاخذ من الاثر وتخليه في الماي وان استطعت اشرب منه، والباقي صبه على جسمك وصدرك ووجهك
بالنسبه لي طلعت لي حبوب كاللدغ شكلها يخوف اقرأ آية الكرسي والاخلاص الفلق الناس الفاتحه كررهم بكثرة تصدق لو بريال يوميا مش ضروري تروح جمعيه خيريه. بس شو اي عامل في الشارع وعطه ريال او ريالين بدون ماتقول له يدعي لك والاجر عند الله مع الايام وضعك بيتحسن بإذن الله بس يباله صبر وان شاء الله تبشرنا بالشفاء |
مثل ايش الاثر وهل ممكن ازيده بماي يعني اعبي طشت ماي والله انا متاكد ان في ناس حاسديني الناس مايخلون احد والي حسدني حسبي الله عليه والله لايوفقه ويبليه مثل مابلاني
|
اهم شي اذا اخذتو الاثر تقولون لاي شخص قريب منكم انه يصبه عليكم وانتو ماتدروون ععشااان تشقهوون ويطلعع الاذى..
|
اقتباس:
والله امس شي رعب جانا عاصفة شديدة تذكرت اهوال يوم القيامة الله يرحمنا برحمته بعد اخوي لا تصير طماع عندك بحر والهاف مون وكورنيش وتبغى تاخذ المطر من عندنا خلنا نفرح ولو شوي اختي ساكن عندكم في الدمام وكل فترة ازور الشرقية جلست البحر حلو وتخفف الاكتئاب ما دام انت من اهل الدمام ليش ما تتواصل مع منتضر الفرحة وتجلسون جلسة سمره فيي الهاف مون |
اقتباس:
صحيح البحر يخفف الإكتئاب وودي أكلم وزير البلدية ضيف الله بن عايش و يشقون الأرض شق من الهاف مون لين الرياض عشان أهل الرياض ما يزاحموننا في الهاف مون و يصير عندكم بحر و تروحون له و تستانسون أما عن منتظر الفرحة والله ودي أقابله و أتعرف عليه لكن ما أدري وش بلاه الله يهديه اليوم قبل بكرة ki8ds4 |
تسمح لي شفيق
أروح أصلي و بعدها مثل ما تقول أقيل |
اقتباس:
رفع الله قدرك واعز شانك وجعل الجنة دارك حتى باقي شوي وبروح اصلي وناوي اجلس في المسجد انصحك اخوي الم حاول تجاهد بعد الصلاة تجلس في المسجد بعد ما يروح كل الناس وتقرا لو سورتين مثل طه والانبياء او يس والرحمن تحس براحة الله يجمعنا معك في جنات الخلد |
اقتباس:
لا عدمتك يا عزيزي |
| الساعة الآن 09:22 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا