ايوه اذا من الخارج تروح للخارجيه وتاخذ وقت من اسبوع الى اسبوعين وربي يسهل الامور

مو كل المناطق يحددو جده ماكانوا يدققوا دحين مدري اذا تغيروا بس لازم يكون اكتر من 3 الآلاف

لو نصبيهم بياخذوه
بس انا من واقع تجربه ونفسي انصح كل بنت لاني ماابغى احد يتعب ويجرب اللي شفناه وعشناه
لاني وقتها تمنيت احد ينصحني بس الحمدالله على كل حال
وربي يسهل اموركم جميعا

ايوا لازم يكون راتبك عالي بس بالضبط لايقل عن كم ماعندي خلفية
اجل ليش طالبين تعريف الراتب
بس لو كان رفضها بسبب الراتب كان وضحو لك بسبب الراتب وكثير ناس كذا وقالو لهم بسبب الراتب
وربي يسهل امرك

للأسف ماحد راضي يعطيني سبب الرفض

لانه مافي سبب اصلا
احنا زيك رجعوها بدون سبب ولو فيه اي سبب حتى لو بسيط كان اتوضح
وهذا اللي يقهر نتعب ونسوي وفي الاخير بدون اي سبب تنرفض
وكل امرك لله خلاص والله يفرجها من عنده

مايصير كذا تنحفظ ولاتعرفو السبب دورو احد تعرفوه هناك
او قدمو شكوى للضابط اللي بالشرطه انكم ماسمحو لكم تعرفون سبب الحفظ
او شكوى للامير مشعل

نفس كلام اختي لحظة تفائل
انصحك تاخذ لك من نفس جنسيتك
لو انك سعودي خذ سعودية
ولو انك أجنبي خذ أجنبية من اي جنسية
بس لا تهجول نفسك و ترجع ثاني مرة لموال التقديم
و الهجولة و الروحة و الجية و القرف
انا منتظر رد معاملتي الأخيرة
ولو لاسمح الله جا بالرفض و لا قدرت الاقي حل
و فسخت الخطوبة
ما عاد راح اتزوج الا سعودية و اشتري راسي و ارتاح
هذي نصيحة لك و انت ادري بمصلحتك

انا من بعد ماجا رفض معاملتي اﻻخيره
وكاتبين على المعامله حسب التعليمات
قلت معد بقدم واذا نصيبي بتتيسر

أنا مثلكم في آخر الخطوات من الداخلية للإمارة ومنها للحقوق الخاصة ولو ما طلعت خلاص توبة ما عد أبغى تعب ومشاوير ومواعيد وحرق أعصاب على الفاضي

صدقوني يا جماعة الخير
كلنا الي هنا نتمني لانفسنا و لكم
انه تتيسر اموركم و تتزوجوا الاشخاص الي اخترتوهم
بس هذا النظام عندنا كذا
ماشي علي الكل
و نصيحة شخصية
انه الواحد لا يفكر بقلبه
و يفكر بعقله
اذا في مخرج و حل مؤكد
حاول و حاول و حاول
بس كذا مجازفات و حظ
بتتعبوا و لا احد بيحس فيكم و في تعبكم

انا بعد اللي شفتو فيا وفي كذا معاملة
انو المعاملات اللي مايقولو اسباب رفضها
يكون سببها العمر
بس لو اصريتو وكترتو اساله راح يقولولكم العمر
بس مو من البداية يقولو
لانو اساسا المعاملات تجي مرفوضة ومختومة مقفل عليها من الامارة
فما يقدرو يفتو من راسهم الشرطة اسباب الرفض
هذا الكلام اللي قالوه لبابا
بس طبعا مع اصرار بابا والنقاش المطول
طلع انو العمر اقل من المسموح اللي هو عمري انا
ورجعت سالت الموظفة في المحافظة قالتلي ايوة العمر



الله يفرج عليا وعليكم ويفرحني ويفرحكم
ويسخر اطيب عباده لنا ولمعاملاتنا
وان شاء الله تحقق امانينا وتجينا الموافقة ونتزوج
اميييين

سؤال يمكن يكون غبي
هل المعاملات تروح للداخلية ورقية...يعني تكون نفس الاوراق اللي جمعها صاحب المعاملة وللا تكون الكترونية يعني موظفي الامارة يرسلون بيانات المعاملة الكترونيا للداخلية.....افيدونا

انا كمان انتظر معاملتي على ايش ترسو. والله يجيب الخير يارب
وانت ان شاءالله يصدق احساسي وتجيك الموافقه وترتاح من كل التعب اللي شفته يارب
وحسبي الله ونعم الوكيل

انا اذا ماجات معاملتي حسب مااتمنى
راح اصرف النظر عن الزواج كليا سواء اجنبي او سعودي
لاني مليت من خطوباتي الي تتفركش بدون سبب نفسيتي ماعاد تتقبل وتدمرت