ماشاء الله عليكي انكسار فرحه.. ياريت ترسلي لي الرقم واتصل واسال عن السيد المهنا وراح يحولوني على طول
وياريت اعرف متى اتصلتي وهل ردوا عليكي على طول وحولكي للسيد معليش اول مره اسوي زي كذا

هذا هو رقم وزارة الداخلية اتصلي يحولونك عليه

8001245555 انا اتصلت الساعة 1الظهر انتي جربي هالوقت او الساعة 10 الصباح
اكيد مو من اول مرة يبغالك كذا مرة حتى يردون عليك

السلام عليكم .... تدرون ايش صار معي ياحبيبات اتصلت على محافظه جده القسم النسوي وسالت عن المعامله قالت حفظت سالت السبب قالت لازم تقرير ان زوجته الاولى فيها شي اتصلت على دكتوره اعرفها وطرحت عليها الموضوع قالت التقرير سهل بس لازم تجي هي علشان تكونوا برا الذمه لان الله مراقب قلتلها جزاك الله خير ..... اتصلت على الاماره بالرياض وسالت المسئوله عن زواج السعودي بالاجنبي قالت من فيكم السعودي قلتلها هو قالت اهم شي عندنا هنا العمر والمولد للاجنبي انتي مولوده هنا اجبتها بنعم قالت حلو العمر كم وسالت هو عسكري او بالداخليه انسي الموضوع قلتلها لا موظف مدني .. وكل شي مضيوط المهم قلتلها بس في جده قدمنها وحفظت بسبب التقرير الزوجه والراتب قالت انا الى اعرفه عندنا اهم شي المولد والعمر وتجيبي تقرير انك بالرياض طبعا قفلت وانا فرحانه سالت صاحبتي قالت حلو قدميها وخليها تحفظ ولا راح تشوف النور لا بجده ولا بالرياض
انتوا ايش رايكم ياااااااااااااااااجماعه نقدم ولا لا ؟؟

دخلت عشان ارد عليكِ اختي ..اول شيء الله يسهل امرك وامري وامر كل من به

عسر في امره يارب ..سبحان الله انا حصل معاي نفس الشيء لما خطيبي قدمها

في امارة جدة ..حفظت في الاخير ..واصبنا باحباط ..وما اقول غير حسبي الله ونعم

الوكيل ..مع ان نفس الشيء خطيبي لا عسكري ولا شيء بس ربي يفرجها من عنده

علي وعليك وعلى كل مهموم ..

نصيحتي لك اي قدميها في الرياض وان شاء الله بعون الله بتشوف النور عاجلا غير

اجلا ..ودامك اتصلتِ وقيل لك ان ما يهمهم هو انك تقدمي خطاب انك ساكنة في الرياض

او حاجة من هالقبيل ..فسوي كدة لاني بصراحة سمعت ان الرياض التقديم هناك

اسهل بكثير ..ومع احترامي لصاحبتك المفروض تشجعك مو تحبطك!

كفانا تحبيط!

توكلى على الله وربي معك ..

دعواتك لي ..

لاحول ولا قوة الا بالله

لمتى هده المعاناه

الله يفرج همي وهمكم عاجل غبر آجل

اشكرك يااحزاان على تشجيعك بس بصراحه خايفه لانه مايبغى مجازفه وبعدين احط يدي على كفي ويقولون ايش سوى كلام حريم ابغى كلام من مجرب يعني انتي قدمت بالرياض وجات الموافقه او سمعت احد من اقاربك اكد على ذلك ولو كان سهل ماكانت فيها واسطات وشغلانه وبعدين انا سمعت انه لازم من نفس اماره العريس تتقدم الاوراق والله مو عارفه ايش اسوي وكمان تقولي انتي قدميها ماادري صح الكلام ولا كلام ..

اهلين والله دخلت معنا على الخط ههههه
يعني قصدك يقدم بالرياض ولا بجده علشان تمشي والله انا اقرا اكثر العضوات يقولون الرياض فيها تساهيل والعلم عند الله
سوي زي ماقالوا الاخوات اتصلي على اماره الرياض القسم النسوي واتصلي على محافظه جده وشوفي ايش يقول والله يسر الامور من واسع فضله 00``00`

اسمحيلي الى اعرفه انهم يقدموا من اماره الطرف السعودي
بس قرارات كيف وايش السبب ماااااااادري انت عارفه انه موضوعي اذا سالت احد عنه يقول سهل بس ليش مصعبينها ارد واقول الله اعلم

نجوووم لامعة قريت انتي شو كاتبة
ياحبيبتي قدميها في الرياض ووكلي امرك لربنا دامها قالت لك قدميها ترا في الرياض كثير قالو اسهل احنا الصراحه لسا ماقدمنا في الرياض وربي يسهلك ويسهل للجميع ونفرح بخبر حلو قريب :)

دانه احمد هذي الشروط :
يحب أن تكون الزوجة من سكان الرياض أو المحافظات التابعة لها .
لايقل عمر الزوجة عن 25 سنة .
تعريف عمل الزوج مصدق من الغرفة التجارية .
تعريف عمل الزوجة مصدق من الغرفة التجارية أو مشهد مصدق من العمدة والشرطة في حالة عدم وجود عمل .
صورة من حفيظة الزوجة أو حفيظة والدها إذا كانت مضافة معه .
صورة من صك الطلاق أو شهادة وفاة لمن سبق لها الزواج .
صورة من الإقامة والجواز للزوج سارية المفعول مع الأصل .
صورة شخصية واحدة للزوج .
إحضار ملف علاقي .
إقرار من الزوجة مبصوم بالموافقة = نعم أنا فلانة بنت فلان أوافق على زواجي من فلان بن فلان وكتابة رقم الإثباتات والبصمة .
ملاحظة :
إثبات صلة قرابة إذا كان بينهم صلة قرابة من الدرجة الأولى من المحكمة العامة.
يجب حضور صاحب الطلب شخصياً ولا تقبل الوكالة بذلك .
يجب حضور ولي أمرها واخذ أقرارها بالموافقة. وإحضار الزوجة لقسم النساء بالإمارة
وقبل كل حاجة وكلي امرك لربنا وتفائلي وربي مايخيب ظن العبد ^_^

طيب كويس هل هذه الشروط في جميع الامارات بالمملكه ام بالرياض فقط
وهل تكون هذه السروط على المراه الاجنبيه ام للسعوديه
واذا توافقت هذه الشروط هل تخرج الامر بالموافقه
واذا كان الزوج من جده هل له ان يقدم بنفس الاماره ام يجب ان يكون الطلب للجميع باماره واحده
لاني ارغب ان اقدمها من الرياض لكن الزوج وعمله في جده فكيف العمل النجده ؟؟؟؟

ايضا هل مهم في اماره الرياض ان يقدم الزوج تقرير عن زوجته الاولي ام ليس شرط في اماره الرياض

السلام عليكم ورحمه الله وبركاته انا ما اشتركت في الموقع الا للهالموضووع وكان مووضووع مهم وشيق وصرااحه في اشياء ما كنت متصوورها توصل لهالمرحله من الصعووبه لاني انا مقبل على الزواج من بنت سعوديه من معارف اهلي الي ساكنين في جده ولا قد جيت السعوديه في حياتي بس عندنا اهل عايشين في السعوديه سنين طويله وعندي ولد عمي عايش في الرياض وهو حضرمي متزوج من سعوديه من فتره بسيطه وهوا يحمل الجواز اليمني انا بكلمكم عن نفسي واتمنى انكم اتساعدوني واتقولولي اذا يصير ولا مستحيل يوافقون الحكومه علي انا عمري 28 وحضرمي عندي جواز اليمني ومولود في الامارات وما قد سافرت السعوديه اشتغل في الامارات والحين ناوي اطلع فيزه العمره واروح اخطب البنت لان اهلها مووافقين والبنت عمرها 28 وملكت بس ما صار نصيب وخلعتو بس ما صار بينهم شي بس تعتبر طالقه وعندها ورقه الطلاق بس مكتوب لم يدخل بها والبنت من جده وسعوديه ومن اصل حضرمي قبيليه واتفقنا نحن واهلها على كل شي بس ينتظرون منا الدخول الى السعوديه شو لازم اسوي هل استطيع عمل فحص الزواج في الامارات وكيف اقدم الطلب عندكم في السعوديه وايش هي الشروط وشو لازم اجيب معاي من اوراق لاني صرت اخاف انرفض لاني مب من سكان السعوديه اتمنى اتساعدوني في موضوعي ولكم جزيل الشكر

مااقول غير الله يعينك راح اسال عن حال وضعك وارد عليك ان شاء الله