[QUOTE=ظل امرأة;1188572]على قليبك صحة و عافية أبد أعتمدنا الصورة توقيعا فقط لأن لو بأفتح لي محل يوميات خاص فيني راح أخرب على المحلات اللي بجمبي مثل محل أبو صدام و همس ههههههههههههه و أنا أعرف أوضاعهم مساكين و أنا قلبي حنين و ما ودي بهكذا أمور d8

هلا دجو حياك صباح الخير

ما عليش ظلو باحول الصورة على يوميات أبو صدام اوك :) هي أعجبتني كثير بس التوقيع مآخذ حجمه بكثير فضلت إني أحذفها و أحولها على يوميات أبو صدام كمنشور أوك ي غالية

مقطع رهيب لا يفوتكم و خاصة للذين عندهم شكوك في هذه الامور العقدية :)

https://www.youtube.com/watch?v=cUZk7E1YoD4

من لا يقاسم فالطعام الذيابه
يموت جوع ولقمته مشتهيها

ومن طق باب الناس ينطق بابه
و يذكّرونه في علومِ نسيها

ومن لاتفقد كل جابه وجابه
لا جاته الزلات يصبر عليها

ومن لايثمن فالمجالس جوابه
الطيّبه يبطي وهو يحتريها

و اللي يضيع فالملاقا ركابه
يجلس ويتركها لمن يمتطيها

ومن لايصد القوم ماينغزى به
والنايفات يموت ما يعتليها

واللي يسولف في ظهور القرابه
اخير منه اللي تحني يديها

واللي يقيّل في بيوت الخرابه
لو تطرده منها يروح ويجيها

وان مات والا عاش محدٍ درى به
يجهل علوم الطيب لو يدعيها

ومن لايهاب الناس محدٍ يهابه
ويرضى بها من هو لغيره رضيها

واللي يحسب الرزق يؤخذ نهابه
اليا انهبوه القوم لا يرتجيها

ومن لايفصّل فوق جسمه ثيابه
ياشين لبستها بعد يشتريها

والفعل يفرق والملامح تشابه
ولا للمواقف غير من يحتميها

واللي كلامه سيف صدره نصابه
و قدام ينطق كلمته يحتسيها

وكلن تسجل سيرته في كتابه
اما لها و الا تسجل عليها


الشاعر مطلق الثبيتي رحمه الله

https://www.youtube.com/watch?v=RWno8TAMIZg&spfreload=1

وش قالوا يا ظلو

قالوا يوميات :) يومياتي جعلك مع أبو حميد و ربعه و ربعك و كل مسلم الجنة و شوفة وجه الرحمن

بعد شوي رايح للمستشفى أصرف لي سركويل إكس آر و إن شا الله أغط لي غطة أليمة و أقوم و أنا خاطري شرح و العصر أزرّها ( اسوقها ) على البحر و أتخير لي أنا و صاحب لي خيول مركاضها طيب و هاه على أبو ساعة أنا و إياه مباراة و بنغطسها بالبحر أباشوف صاحبي لو تيسر توثيق الحدث و تنزيله و إن ما كان شي فاعذروني أهم شي نفسيتي تتحسن و لو شوي أدعوا لي بالتوفيق و الشفاء

اللهم يا منزل الكتاب و مرسل السحاب و هازم الأحزاب أنزل علينا رحماتك و بركاتك يا من وسعت كل شي رحمة و علما

إلعب إلعب غديت مثل المهبول

https://www.youtube.com/watch?v=xMOY2Xlkms4
أستآذنكم يا ربعي الغالين

‏رسوم متحركة, ‏مستكفّة, ‏حنين الشمري

سلام :)

و مساءك يا بو صدام يا هلا و مرحبا فيك :)

رحت المستشفى و قابلت الدكتور و صرف لي سركويل إكس آر 50 ملغ المهم رحت الصيدلية و الناس طوابير و في واحد قدامنا دقرّ ( نشب) لنا قاعد يبربر على الصيدلي المهم من قو ما بي من جوع و مكيف المستشفى ينفضني و أنا أسمعه يقول انه شغال في التموين حق المستشفى ههههههههههه المهم ارتفع ضغطي منه من طول ما هو يبربر و لا هو حاس بالناس اللي وراه فقمت تكلمت نيابة عن الأواد م السكوت و قلت أنت تفرض كلامك عليهم و كأنك شغال معهم و الله أعلم وش أنت قال إي أفرض كلامي عاد أنا قطيت كلامي عليه عشان أحسسه إن وراه ناس و العاده الصيدليه ما فيها ذي الأشكال عاد أنا قطيت كلامي و صديت عنه و رحت برا المستشفى أدخن عاد هو يطلع و أناديه أقوله المعذرة يا رجال بس أخرت الناس قال علاجي و يوريني علاجه فافرين و يقول بينتهي صلاحيته قريب و عند الصيدلية جديد عاد أنا صرّفت الموضوع قلت له و ش تعاني منه قال وسواس قهري قلت الله يشفيك قال وش تعاني منه قلت إكتئاب

بس بعدين عذرته لأن الوسواس اللي عنده يسوي كذا عاد بعدين قلت ياليت انه قام البوقس

العجيب ان كان هناك زحمة فالمستشفى و طفشت و أطلع جوالي و أكلم لي واحد لي منه مدة قال انه بالمستشفى منوم كفى الله شر الدنيا بس الحلو فالموضوع سألته تزوجت لأنه كان يقول لي فالماضي ان له إتصال مع وحدة أردنية و فعلا سوى عرسه بالأردن و تزوج الرجال و أنا بزوره عن قريب إن شاء الله

المهم بعدها رحت البيت و ألقى الفطور باقي مبسوط ما شالوه و آكل منه و أفر ع التلفزيون ما هناك شي شد إنتباهي فيه شغلت النت و ألقى أبو صدام يصبحنا بالخير في وقت المقيل هههههههههههه

أعتقد هذي المشاركة أطول مشاركة من يوم طمرت فالمنتدى :)

يا ناس فاقد سوذوكي و مسافي البلوشي عسى مانعهم خير :(

[QUOTE=رسوم متحركة;1188579]

ههههههههه منت صاحي رسوووم افتح لك محل بعيــد!(

ذكرتـني باللي يفتح حلاق وينجح من الحسد تنام تصحى تلقى الف حلاق فتح جنبه

ماشاء الله عليك يارسوم يبي لك كتاب خـاص تكتب قصة حياتـك افتح يوميات وماعليك بـوقف معك

[QUOTE=رجل في عالم آخر;1188622]

[QUOTE=رجل في عالم آخر;1188622]ههههههههههههههه الله يسعدك و يضحك ضروسك ي بعدي و الله أنت يا بو صدام ضحكتني بمعلاقك ذا لا ما ني بفاتح محل محلي مشروك مع المتقاعدين هنا بس خل مزاجي يغلط و يرتفع و إبشر باليوميات في كل ملتقى يومية و دورية :)
شارع الخوارزمي عندنا في كل عمارة حلاق و كلها صاحبها واحد إسمه رمادا و هذا إللي باخطط عليه نقول يمقن إي و يمقن لا .

[QUOTE=رسوم متحركة;1188638]

تـبي تعرف معنى الحسـد أشهر بوفـيه في السعوديـة كلها (بوفيـة السعاة) خلف جوازات الخبر

ربي رزقه من واسع أبـوابه وصارت الناس تفتح محلات وتكتب(بوفيه نور السعاده اوكذا السعادة) تبي تقلد اسمه

الرجال مسكين انقهر وحط لوحة كتب فيها اني لا أملك غير هذي البوفيـه

تسلم يالذيب بس اليوميات يبغالها واحد نشيط و أنا عجزان يكفيني يومياتك يا شنب أنا من معجبينك كثير ما تشوفني ( مخاشرك / مشاركك ) فيه :) سلملي على دبابك و لا تنسى تحب لي خشمه

https://www.youtube.com/watch?v=RzO7W7TcrIA

سبحان الله العظيم و بحمده

https://www.youtube.com/watch?v=M6padWoFItw