|
يومياتكم مع الهلع .....
مرحبا بالجميع
جت في بالي فكرة هذا الموضوع لاني اي مريض هلع وده يفضفض وأنا اولكم :( واحيانا ودكم تشوفون كيف البقية اليوم ؟ مثلكم ولالا ؟ فقلت نحط موضوع ونصير نسير عليه كل يوم او يومين او كل ماتقدر ونكتب فيه كيف وضعك اليوم هل انت هاديء هل في نوبة كيف تخلصت منها يعني زي المذكرات اليومية وش رايكم ؟ ان اعجبتكم الفكرة فأكيد بألقى الموضوع مرتفع كل يوم وان كانت فاشلة فهو بيكون تحت !!!! على العموم ان كانت طريقتي خاطئة ولها دور في اثارة النوبات فخبروني ابدأ بنفسي اليوم الجمعة 21 ذو الحجة هادئة نوعاما الا من بعض الدوار ر ر ر ر ر بسأكلم انتم يجيكم دوار بدون نوبة؟؟؟ نشوفكم على خير تهاني |
اقتراح جدا ممتاز ممكن يصير دوار بلا نوبة واشكرك يا ملح المنتدى
|
اقتراح مره روعه
بس يخوفي نهجر النادي فكره حلوه ياسكر المنتدي ههههههه |
حرير مشكورة على الكلام الروعه احرااااج
فرج الله قريب لا مانهجره ان شاء الله بس نكون على تواصل عالأقل وأنا سكر ؟ اجل مين الشاهي ؟؟ هههههه مشورين يااخواتي والله اني ادعي لكم باسماؤكم بس خبروني كيف الجمعة مر عليكم في شي نوبات قلق شي احكووووولي |
اليوم السبت
كان حلو ورائع كل شي على خفيف يارب لك الحمد قابلت صديقاتي وانبسطت مرة معهم مستمرة على سان جونز 3 حبات باليوم والله الشافي وحده وانتم كيف ؟ مااشوف تفاعل :( |
دائم ان شاء الله ياتهاني وانتي مرتاحه
ها تقابلتم وخليتوني زين اهم شئ انكم مرتاحين ومستانسين اما انا ولله الحمد مرتاحه من نوبات الهلع الله يدومها عليي وعليكم من عافيه |
هلا تهاني واجميع اخوتي ..اخباركم ان شاء الله طيبين
بالنسبة للنوبة ..اليوم الحمدلله بخير بس احيانا وعلى فترات صايرة تجيني الإ حساس الغريب الي يسمونه انفصال الآنية هل هو يدخل ضمن النوبة إنا اذا توترت بالليل وخاصة اذا جيت انام او مانمت اكون مواصلة بالنهار يجي لي احس انه احيانا يجي من قلة النوم صح ولا لا . بس فيني قلق ومحاتاه غير طبيعية افكر ودي اخلص شغلي بسرعة اكل بسرعة مادري شفيني حقيقة انا مررت بتجارب مؤلمة جدا جدا جدا لمدة ثمان سنوات وبالاربع السنوات الماضية ززادت علي بزيادة تتوقعون هذا الأحساس والقلق نتيجة لها الحمدلله ..لم اذهب يوما لطبيب نفساني ولم آخذ ادوية اعالج نفسي بنفثي وبالرقية الشرعية وقبل كل شي التوكل على الله . اختي تهاني وخواتي الغاليات ودي اتواصل معاكم على الايميل ودنا نكون قراب لانو بالمنتدى مرات كثيرة يكونمافي احد |
اختي لحن الاماني
فعلامثل ماقلتي قلة النوم تسوي كذا انا لي خبره ولله الحمد عشان كذا عرفت اتصرف واتعامل مع هالمرض حاولي قدر ماتستطعين انك ماترهقين نفسك ومتا ماجاك النوم نامي وحاولي انك ماتضغطين عل نفسك بمواعيد اعطي نفسك راحه قدر ماتستطعين الله يكون بالعون اما من ناحية التواصل باليميل يليت بس قوانين المنتدي تمنع وضع الايميلات انا ارغب يكون بينا تواصل فرجاء يالاداره تشوفون حل لهذي المشكله لان بالفعل لازمنا نكون متواصلين |
السلام عليكم جميعا
الموضوع رائع اخت تهاني اليوم ازداد توتري لاني كنت ابغا اداوم وجهزت نفسي للدوام من امس حاولت انام من الساعه 12 الليل وانا احااااااااااول اخذت حبه منومه قعدت استغفر احاول ولانمت الى الساعه 6 صبااحا وانا اذا مانمت مااقدر اداوم يصيبني قلق بقوه ولاني على جفا حفره من الطرد من الجامعه بسبب كثرة غيابي :( يارب صبرك |
يارب ارجووووك
كيف حاولت 12 تنامين وأنت معي عالماسنجر الين 3 ؟؟؟؟؟؟؟ <<< صادووووه ههههههه ع العموم أنصحك لا تاخذين منومات افتكي منها ياشيخه انت مو ناقصة سموم بجسمك !!! أنا اليوم متوترة شوي من قمت وضايق صدري وفيني عبرة ودي أبكي مدري من ايش ..؟؟ هذا هو الاكتئاب صح ولالا وفي يديني رجفة ومنرفزة مرة وألم بمعدتي مدري من ايش الله ياجرنا بس |
اختي تهاني واختي ارجوك
لازم تحاولون تعدلون نومتكم خاصة وحنا بالشتاء يعني الليل طويل ويجيب المللل عشان كذا خاصة مع مرضنا لازم النوم قلة النوم تزيد المشكله الله يشفينا جميعا |
سلام ..اليوم حسيت بنوبة الهلع بعد ماقعدت من النوم على طول
بس طنشت وراحت .. خلاص صرت اسوي نفسي ماكو شي سويت رياضة مشيت نصف ساعة على السير والحمدلله يابنات انصحكم بالرياضة لها مفعول |
مشكوره تهاني لفكره الموضوع
الله يشفينا جميعا ويثبتنا انا دوم احس بلوعه وانفصال عن الواقع ودوخه وهالشي يحصل لي اذا مانمت كويس او سهرت او ركبت السياره او مجمع اليوم طلعت السوق وفي السياره تعبت كثير وفي المجمع بس حاولت اتناسى الفكره ولو انها مسيطره علي الحمدلله على كل حال |
بنات تناسوها طنشوها
والله لقيتها فكره حلوه وقريت موضوع بحطه هنا بالمنتدى ان شاء الله يعتمد على الهاء النفس وتشتيت التفكير اثناء النوبة ويقولك لو شتتي فكرك 3 دقايق بس من بدء النوبة بتختفففففففففففي وكتب طرق وحاجات مفيده بكتبه ان شاء الله تستفيدون منه زي مااستفدت أنا |
اقتباس:
خخخخخخخخخخخ ومن قالك اصلا اسكر اللابتوب انا هع عادي افتحه ليين مادوخ واسكره يعني لاتستغربين لو ناديتيني بيوم ومارديت ترى هذي مو نوبه نوم خخخخخ يعني مسويه كفشتيني بسم لله عليك ان شاءالله مافيكي الا العافيه والله هذي اعراض الاكتئاب والله اعلم لان فيني تصير |
كييييييييفكم اليوم ياحلواااااااااات
اليوم الثلاثاء امممم يعني متوترة شوي رحت السوق وافي مشي واجهاد بس كانها تبي تجي :( وانتم |
كييييييييفكم اليوم ياحلواااااااااات
اليوم الثلاثاء امممم يعني متوترة شوي رحت السوق وافي مشي واجهاد بس كانها تبي تجي :( وانتم |
مرحبا
اليوم حافل طلعنا من اوله لاستراحه وكنت خايفة والله بس احمد فضل ربي علي كأني احسن والباقي ؟ والله محد يكتب يومياته غيري !!! شكلي أكتبها بدفتر لنفسي احسن :( |
والله هاليوميين الامور متكركبه مدري عشان اختبارات او ضغوط الله اعلم
الحمدلله على كل حال |
اعققققققققققلي ياحرمة وريحي بالك بس
|
الحمدلله اليوم انا افضل من قبل طلعت استراحه مع
اهلي ماكانت فيني اي نوبات يعني تفكير بسيط بس في السياره انواع النوبات والتعب وانا رايحه اما وانا راجعه الحمدلله افضل بكثير الحمدلله |
انا ادعي لاخواتي يارب ارجوك ولتهاني ولهمس انثى بظهر الغيب
وعسى ربي يفك ضيقكم ويستجيب لدعائكم ودعائي ان شاءالله. |
اقتباس:
|
أنا اتعب كثيرا لا استطيع الخروج من البيت عندما انوي تجيني النوبه وأقول شكل بيصير لي شيء وكل الفتره وانا على أعصابي أشعر اني لو خرجت من البيت باااموت يقتلني هذا الشعور
|
أنا اتعب كثيرا لا استطيع الخروج من البيت عندما انوي تجيني النوبه وأقول شكل بيصير لي شيء وكل الفتره وانا على أعصابي أشعر اني لو خرجت من البيت باااموت يقتلني هذا الشعور لم أعد اشعر بمتعة الحيااه أوقات كثير اتسال انا ليه عايشه ماهو هدفي أفكار شيطانيه متعه للغايه حياتي كلها بكاء لا اعرف بااب الضحك نسيت كيف أضحك
|
اقتباس:
افكر وبس اني اطلع تجيني النوبه واتردد كثير اقول يمكن اطلع وماارجع او اموت بالسياره مستحيل اسافر اخاف من السياره والطياره وكل شي بس الحمدلله على كل حال |
تهاني ولا يهمك لا بنكتب يومياتنا موضوعك رائع
انا مرت علي يومين الحمد لله مافي هلع لكن شويت افكار وقلة نوم عشان كان عندي مناسبه ومابغيت احضر بس الحمدلله ظغط عل نفسي ورحت واستانست والجمعه ماعن مانمت بس بعد ماجاء زوجي من الصلاه طلعنا وتغدينا بره والجو كان روعه البحر والسماء صافيه موتو قهر ياهل الرياض هههههههههه |
أسيرة ألم وهمس أنثى
يبي لكم قرصة أذن !!! ليش ماتروحون يعني ولا تطلعون ولا شي خير ان شاء الله !!! تخلون النوبة تتحكم بحياتكم وتفضون لها الجووووووووووو !!!!! اطلعوا لو من ورا الضرس على قولتهم اغصبي نفسك القاعدة الأساسية في الهلع هي : اللي تخافين منه اعمليييييييييييييه أخاف اروح عزيمة فلانة روحي لهااااااااااا اخاف اتعشى بمطعم روححححححححي اخاف اركب طيارة احجززززي وتوكلي يابنات هذا هو الهلع يقتل فيك الحياة والاحساس بطعمها اقتلوووووه قبل يقتنا روحي العزيمة ولا الحفله وخلي النوبة تجي وخير ياطير ماراح تموتين كان مت أنا قبلك ولا كان ماتت فرج الله قريب اللي لها 17 سنة (مع اعتذاري لأختي فرج لاتزعلين ههههه) شوفوا من اليوم ورايح ياويل اللي تقول انعزمت ومارحت ولا قالولي خواتي خل نطلع بس ماطلعت خفت !!! بذبحها ذبببببببببح !!! وأنا قبل لو قلت لكم كذا هاوشوني مع اني احيانا اضعف وربي لكن اضغط على نفسي ابي اقهر النوبة واوريها شغلها هع هع هع فرج الله قررررررررريب لاتقهريني أحب جده بهالوقت براد وجو حلووووو احب البحر مرة :( اليوم يابنات معزومة عند اختي اللي جتني في بيتها نوبة من اسبوعين تقريبا وبرح بس عشان اقهر النوبة اشوف تقدر تجي ولالا !!! واذا جيت بالليل بقولكم جت ولالا فمان الله |
اختي سليلة الورد ولبقية الاخوات
الله يقبل دعانا كلنا والله وحده يعلم اني ماأنساكم بصلاتي واخصكم بالاسم وربي باذن الله وحده بينصرنا على الشيطان الخسييييييييييس اللي مايتركنا في حالنا بس يوسوس لنا اعوذ بالله منه |
اقتباس:
وحده يعني الطلعات اليوميه ممكن بس سفر وروحه وجيه مره وحده قويه علي شوي مشكوره على النصايح الله يوفقك ويسعدك |
الله يسعدك وتنبسطي بيت اختك بدون نوبات ومخاوف
|
موضوع رائع
تشكر عليه الاخت تهاااني شئ حلو لما يصير بين الاعضاء تواصل الكل منا يعرف وش حصل عند الاخر واتمنى من الاعضاء التواصل مع بعض عند طريق المنتدى او عن طريق المسنجر عندما تتعرف على شخص له تجربه في نفس الحاله ترتاحله اكثر ويفهمك اكثر وانا انصحكم في ممارسة الرياضه لها دور فعااال انا عندما احس بنوبات هلع او قلق امارس الرياضه وخاصه المشئ اتمنى لكم ولي الشفاء العااااجل بأذالله تعالى محبكم بندر سعد[/color] |
مرحبا بنات
توني جاية من بيت اختي الحمددددددددددددد لله وحده حاولت تغلبني بس غلبتهاااا تذكرت النوبة وهنا قعدت وهنا وقفت وهناك ارتجفت وووو بعدين وقفت مخي عن التفكير خلااااااااص مابي اتذكر!!! لاتجي !!وانخرطت بالسواليف والحش هههه بس الدوار نكد علي الدوار الحين هو اللي ذابحني سمعتو عن زيت اللافندر لدوار الحركة ؟ ؟ اخوي بندر سعد اهلا فيك من زمان عنك كيف احوالك ان شاء الله بخير اشكرك على مدحك واطرائك لموضوعي ننتظر مشاركتك فيه |
الحمدلله انك انبسطتي وتغلبتي على النوبه
انا اليوم اشعر بملل وضيقه بس موعارفه سبب لها الحمدلله مافي مخاوف بس قلبي كأن عليه جبل مكتومه وخاطري ابكي |
اقتباس:
سيدتي اشكرك على سؤالك وهذا من طيب اصلك سيدتي انا ابشرك بخير وصحه وعافيه بالسبه لغيااابي كنت في مهمة عمل اكثر من شهر خارج مدينة الرياض انتي كيفك بشريني عن صحتك وش اخر اخبار الهلع معك هل زرتي دكتور نفساني او لا تهاني حاولي تشغلي نفسك والخروج من البيت وكثري من الزيارات وانصحك في ممارسة الرياضه وخاصه المشي له دور فعاال والشئ اللي تخافي منه سويه مثلآ اذا فكرتي انك اذا خرجتي من البيت بيصير لك شئ اخرجي من البيت وشوفي صار الشئ اللي توقعتيه اولا على شان تثقي ان كل الافكار اللي تدور كلها افكار وهميه مش حقيقه انا جربت الشئ هذا مرات ونا اماشئ بالسياره اقول اذا طلعت مع الشارع هذا ممكن يصير لي شئ اروح مع الطريف اللي كنت خايف منه ولايصير إلا الخير تحدي الافكار هذه هي سر النجاح يعطيك العافيه ولي عوده باذالله |
أنا اليوم ولله الحمد فرحانه بعمري رحت امس للدكتور وعطاني ادويه وكل الوقت وانا اناظر يااترى بتحسن معاها او لاا المهم اسم الادويه دوغماتيل والثاني توفرانيل
لو احد يستعملهم أو عنده أي خلفيه ياليت ما ينخل بها على دمتم بوود |
اهلا اخوي بندر
اشكرك على مداخلتك وفكرتك هذه هي نفسها اللي نصحت فيها البنات في ردي هنا بهذا الموضوع لو تصعد شوي بالفاره فوق تلقاه هههه ع العموم انا في طور الذهاب للمعالج النفسي وليس الطبيب لا اريد ادوية لاني سأتغلب عليها بدونها ان شاء الله شاكرة لك |
اختي اسيرة الألم
ولو اني احب اغير اسمك الى اي شي ثاني مليء بالتفاؤل شرفني مروروك لكن هذه الادوية مااعرف عنها شي ماحبيت اخرج بدون ان ارد عليك وادعي لك الله يفرج همك وكربك عاجل غير اجل أنا وانتي واخواني وخواتي بنفساني وخارج نفساني :) |
الحمدلله انا امس افضل قدرت اتغلب على جزء من مخاوفي
طلعت مجتمع كبير مره مره محاضره دنييه ومافي نوبات قوبه مخاوف بسيطه في البدايه وزالت يارب اتغيير انا وجميع المرضى الى الافضل |
السلام عليكم ورحمة الله وبركاته
صباح الخيرات والنور (اللهم اجعل عامنا الجديد فيه خير لنا وشفاء وابعد عنا كل هم وفرج لنا من كل كرب) امين امين امين |
| الساعة الآن 06:56 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا