فتاة المراعي
السلام عليكم
اش الاعراض اللي عندك ؟ وكيف عرفتي انه عندك ذهان؟ انا مني عارفه اش عندي بالضبط؟ وهل يروح ؟ لان سار مافيه تحكم * اللي اعاني منه اذاعة أفكاري ومواقف سارت مع ايا كان على الناس ، وأنهم أصبحوا مطلعين على ما يجول في خاطري من مواقف واحداث ومن كلام صدر او حصل منهم او مني (إذاعة) ؟ اظهر ما اخفيه من كلام (سمعي) و مواقف (بصريه) لا ارادي مااقدرا تحكم ابدا يصدر تلقائياهل هو ذهان ولا عادي ؟ *يعني متلا رحنا بحر واتذكرت منظر البحر همه يعرفوا اللي اتذكرتوا بيني وبين نفسي لانهم كانوا معي هل هو ذهان او عصاب وهل يحتاج لادوية؟وكيف تعالجه؟ |
و عليكم السلام
الطبيبة قالت لي عندك فصام أما الأعراض فكنت اسمع أصوات بس قليل و كنت احس أحد يتجسس على أفكاري و إذا كنت مع أحد أحسهم يعرفون أفكاري بدون ما أقولها، كنت أحس الناس تراقبني و فيه كميرات مراقبة و بالذات إذا رحت مكان غير بيتنا و كمان فيه كمرات ببيتنا، كنت أشك بأهلي أنهم يتعمدون إيذائي و يحبون يجرحوني بالكلام، كانت أفكاري غير مترابطة و كلامي متلخبط على بعض يعني الناس صعب تفهم كلامي، و كان عندي اكتئاب شديد و افكر بالانتحار، كنت مهملة بنفسي و ما استحم و لا امشط شعري و لا اهتم بلبسي، و ما أهتم بالمشاعر لأن مشاعري جامدة و ما احس بحب او كره يعني ما عندي مشاعر، لكن الحمد لله تعالجت و خفت الأعراض كثير، أخذت بالأول الأبليفاي ، ثم غيره الدكتور ل زيبركسا و أنا مستمرة على العلاج و عائشة حياتي و لا أحد يعرف إن عندي فصام و الحمد لله، نصيحتي لك استشيري الطبيب و استمري على العلاج بالضبط و إن شاء الله يكتب لك ربي الخير. |
يعني عقلك يشتغل طبيعي ؟ كيف ظهر لك؟
انا ما عندي كانت أفكاري غير مترابطة و كلامي متلخبط على بعض يعني الناس صعب تفهم كلامي، بس عندي باقي الاعراض هل يعتبر زيك ؟ وهل يروح و؟ وكم مده العلاج تقريبا؟ لاني لا افكر بذلك وما حد عارف ؟ وهل يضر؟ |
الطبيبة قالت لي استمري على العلاج سنتين بعدين نقول لك إذا راح الفصام أو لا
و أنا الحين لي سنة و ثمان اشهر ملتزمة بالعلاج و أوضاعي تمام، بس ما اهتم بنفسي كثير و ما اهتم بلبسي و نفسي اهتم مثل باقي البنات و اهتم بشكلي و اناقتي و شعري بس ما اعرف مالي نفس و ما اعرف اهتم بنفسي فيه مرة تركت العلاج تقريبا اسبوع صرت احس الناس تعرف افكاري و حسيت المرض بيرجع فرجعت للعلاج و ما عاد تركته، أنا ما اعرف اذا عندك ذهان او لا بس انصحك تشوفين الطبيب و تعرفين اش عندك بالضبط انصحك تروحي الطبيب احسن و سامحيني اذا ما رديت عليك ذا الاسبوع لاني بسافر و اترك النت بس اذا عندك سؤال اكتبيه اذا رجعت بعد اسبوع ان شاء الله رديت عليك. الله يشفيك و يشفي كل مريض.يا رب. |
يعني كان عقلك يشتغل طبيعي ؟ كيف ظهر لك بسبب ماذا؟
مده العلاج كتيره المفروض تتعافي؟ |
تحسون بتردد في الأشياااء ..
يعني مثلا تقول ابغى اتعشى بعدين تقول لا بطلت ما أبغى وهك>ا |
اقتباس:
|
التردد موجود أخوي نديم الأثر
أنا أتردد كثير و خصوصا في الاهتمام بنفسي و اتردد في لبسي و في النهاية اختار اي شي و بعدين يقولون اهلى مو مناسب و ليش كذا و أنا ما فهمت سوالك اختي سارة كيف عقلي طبيعي أو لا أنا مريت بظروف صعبة مررة و قررت انتحر اظن الظروف الصعبة جابت الفصام و الله اعلم و الله يا اختي يوم كنت مريضة كنت بحال الله يعلم بها كان شكلي كما المشردين في اهمال لبسي و شعري و شكلي و كنت نحيلة مرررة و لا آكل و دائم ادور بالبيت من غرفة لغرفة و ما أنام و نومي قليل مرة و كنت ما اركز و لا افهم مدري كيف اشرح لك بس كنت اقرأ القرآن و لا أفهم و احس صداع فضيع و صلاتي الله العالم بها كانت مشي حالك ما اركز و لا ادري كم ركعة و اسجد للسهو دائما بس الحين الحمد لله كل أوضاعي للأحسن بس باقي مشكلة إني ما اتحمس امشط شعري أو اغير ملابسي حتى لو كانت وسخة و ما اهتم بنفسي اتمنى افدتك يا اختي و آسفة إذا ما فهمت سؤالك. |
اقتباس:
اختي عندي سؤال ممكن اجابه اذيع افكاري سواء سمعية ااو بصريه وليس اعتقاد بل جزم انه غيري عرف مايدور بيني وبين نفسي هل انتي زيي ولا لا؟ هده حالتي اللي اعاني منه اذاعة أفكاري ومواقف سارت مع ايا كان على الناس ، وأنهم أصبحوا مطلعين على ما يجول في خاطري من مواقف واحداث ومن كلام صدر او حصل منهم او مني (إذاعة) ؟ اظهر ما اخفيه من كلام (سمعي) و مواقف (بصريه) (لا ارادي مااقدرا تحكم ابدا يصدر تلقائيا هل عندك حالتي ولا لا؟ |
هلا سارة
ايوه احس إن أفكاري مذاعة و معروفة بدون ما أقولها أي أفكار أو كلام بيني و بين نفسي أعتقد أنهم يعرفونه و أنا ما تكلمت، |
طب هل يضايقك هدا الشيء او يضايق غيرك (يبان) انك تذيع افكارك؟
همه يعرفوا اكيد انك تذيع افكارك ولا انتي تعتقدي؟ |
هذا الشيء يضايقني مرة و كثير جدا
بس الناس ما أدري أنا ما أقول لهم أنتم تعرفون أفكاري بس أتصرف على أنهم يعرفون أفكاري و أتجنبهم و أتعامل معهم على أساس أنهم يعرفون أفكاري |
طب تعافيتي منه
|
الحمد لله أخذت العلاج و تعافيت
أخذت أبليفاي و خفيت شوية ثم أخذت زيبرالكسا و ارتحت و أنا الحين بألف خير و الحمد لله |
طب مثلا اتذكرتي شي بيني وبين نفسك مثلا حوار سار مع صحبتك هل تخفيه؟
وهل حالتك مع اهلك اللي في البيت ولا مع اي شخص تقابليه بحيث يكون فيه اتصال ذهني مع اي شخص وانتي في البيت؟ |
اقتباس:
|
سامحيني أختي تأخرت في الرد
لأني كنت مسافرة.... أنا أحس أهلي يعرفون أفكاري بدون ما أقولها ، و أحس إذا قابلت ناس غرباء أنهم يعرفون أفكاري ، و ما فهمت سؤالك عن صاحبتي ؟ يا ليت توضحينه. و عندي سؤال لك أنتِ تراجعي عيادة نفسية أو لا؟ |
يعني عندك تواصل ذهني بحوار صار بينكم او افكار تذيعيها مع اي شخص سواء كان معك بالمكان نفسه او لا (في مكان اخر) ؟ هل عندك كدا
لا ما اراجع هل استفدتي انتي ؟ |
لا ما عندي كذا
استفدت من مراجعة العيادة النفسية و تعافيت و الحمد لله. انصحك تراجعين حتى تلحقين المرض من بدري و تعالجين قبل تسوء حالتك. انا الحين بخير و ما أحد يصدق لو قلت لهم إن عندي فصام أنا الحين أحس إني تشافيت من الفصام و الحمد لله يا ليت تراجعين حتى تشفين و تعيشين حياتك |
طب الان احد يعرف افكارك؟
|
لا
ما احد يعرف أفكاري إلا اللي أقول له ما صرت أحس زي قبل إن الناس تعرف أفكاري |
متى تحسنتي تمام و وباي دواء؟
هل سبتيه العلاج الان؟ |
أخذت الأبليفاي و تحسنت تحسن خفيف
و غيره الدكتور لزيراليكسا و تحسنت و الحمد لله بس أعترف إني مرة تركت العلاج لأسبوع رجعت لي الأعراض يعني صرت أحس الناس تعرف أفكاري و صرت أشك بالناس و بأنهم يعرفون أفكاري بدون ما أقول. و الحين ما أفكر أترك العلاج مهما يصير لأني أرتحت مرة صحيح إني للحين مهملة نفسي شوي لكن أحسن من قبل. أنصحك تروحين المستشفى و تتعالجين. و الله يشفيك يا رب. |
ولين متى بتاخذي الدواء؟ بياثر عليك
كيف يقراوا افكارك يعني اللي تتذكري بينك وبين نفسك من احداث او كلام ولا كيف بالضبط اعطيني مثال؟ |
قالت الدكتورة لازم استمر سنتين بدون توقف ثم بعد ذلك تشوف
و أنا الحين ي سنة و 8شهور و الأفكار أحس الناس تعرف اللي بعقلي بدون أتكلم ، يعني شي بيني و بين نفسي أحس الناس تعرفه مثلا أفكر في شخص أحس اللي قدامي يعرف إني أفكر في ذاك الشخص بدون ما أقول ، مثلا أفكر أشرب مويه أحس اللي قدامي يعرف إني أفكر أشرب مويه و أنا ساكته ما قلت إني أفكر أشرب مويه. بس اللي قدامي يطّلع على أفكاري. يا رب أكون وضّحت لك |
اقتباس:
|
عمري 32سنة
و أحس الأفكار تذاع و المواقف لا ما أحس أحد يعرفها. |
من متى بدالك؟
|
مواقف يعني اماكن شفتيها او اشكال
|
معرف متى بدأ المرض بالضبط
بس المرض بدأ باكتئاب ثم صرت اشك بالناس و انهم يعرفون أفكاري و صرت مهملة نفسي و صرت احس بأني ضائعة و تائهة و ما أحد يفهم كلامي لأنه تلخبط عندي الفهم و تركيزي ضعف بدأ الأكتئاب و عمري 15 سنة و جلست أعاني منه كثير و ما تعالجت بسرعة و بدأت أسمع أصوات بس مو كثير يمكن للمرض 10سنوات يمكن مو أكيد |
وانتي اش وضعك تدرسي ولا ايش؟
طيب ما تذيعيي افكار بصريه غير سمعيه؟ |
أنا الحين موظفة
و ما أحد يعرف إن عندي فصام لأني استخدم العلاج و محافظة عليه. لا الحين ما أحد يذيع أفكاري وضعي طبيعي الحمد لله. و أنتِ اش وضعك؟ |
انا طالبه لسه ما اتوظفت
طيب قبل ما تذيعيي افكار بصريه غير سمعيه؟ |
لا الأفكار البصرية ما أحس أحد يعرفها و لا اعتقد انها تذاع
قولي لي أنتِ تحسي عندك فصام عشان كذه حابه تتأكدي صح؟ |
مدري بس ماني عارفه اش وضعي
؟؟؟ |
الله يشفيك يا رب
راجعي الطبيب أحسن و إن شاء الله تكوني بخير، لا تخافي من الفصام لأنه مرض زي بقيةالأمراض و له علاج و الحمد لله، طمنيني عنك دائم و الله يوفقك. |
الساعة الآن 05:53 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا