تجربتي مع ترك الدواء
 

بسم الله الرحمن الرحيم

اسأل الله العظيم في هذا اليوم الفضيل ان يشفي كل مريض

اخواني اليوم صار لي تقريبا اسبوع من تركت الدواء بعد ان خففت الجرعة على مدى اسبوعين كنت استخدم في الفترة الاخيرة السبراليكس 10 ملي حبه واحدة في اليوم منذ تقريبا سنه ونصف وقبلها كنت استخدم الافكسور 75 ملي حبه واحدة لمدة سنة وقبل ذلك كنت استخدم السيروكسات 25ملي حبه واحدة لمدة سنتين

المهم اخواني خلال هذه الفترة تعرضت لنكسة مرتين بعد محاولتي ترك الدواء وفشلت واغلبكم يعلم النكسة كفانا الله شرها وصلتني لمرحلة تمنيت اني اموت والله رغم اني تدرجت في ترك الدواء ولم اقطعة على طول وتحت اشراف طبي وما جت النكسة على طول يمكن بعد 4 اشهر من ترك الدواء بعدها صرت اخاف اترك الدواء رغم ان الدكتور قال لي تقدر توقفه بس بعد الي شفتة صار عندي استعداد اسوي اي شي عشان ما تجي النكسة انا اصارحكم القول اني لو رجع فيني الزمان لقبل خمس سنوات تقريبا بداية اخذي لدواء ماكنت راح اتخذ هالقرار رغن اني مكتئب منذ ما يقارب 15 سنة لكن كان اكتئاب يمكن مقاومتة لكن بعد الادوية صار الموضوع صعب المهم اني تزوجت وصار عندي طفلين ولله الحمد والامور ماشيه بس احس اني مو انسان طبيعي احس مشاعري صارت متبلده واشياء كثيرة من تأثير الدواء اغلبكم يعرفها
سويت اغلب الاشياء مثل حجامة كوي رقية شرعية ولكن بدون نتيجة تذكر وسويت تحليل للغدة الدرقية لاني قريت انها تاثر في النفسية كانت على قولت اخصائي المختبر فيها قصور بسيط قريت عن القسط الهندي وانه يعالج الغدد وصار لي استخدمة تقريبا خمس ايام ملعقة على الريق الصباح وفي الليل استخدم عشبة القديسين انقعها في موية حارة واصفيها واشرب كوب وصار لي برضه خمس ايام

نجي للمهم اخواني خلل فترة تدرجي في ترك الدواء كنت احس اكتئاب متوسط الى خفيف مع نرفزة خفيفة وكسل وعدم الرغبة في الخروج من المنزل بعد ما تركت الدواء استمرت الاعراض السابقة بس خفت شوي وصار فيه خوف وهواجس من ناحية انه ممكن انتكس احس اني الحين بعد اسبوع تقريبا من ترك الدواء الاعراض تخف والله يعين ان شاء الله
انا راح اكتب لكم كل المستجدات الي راح تحصل معي خلال الفترة القادمة وما استغني عن مشورتكم وتوجيهكم لي اخواني واخواتي والله يكتب الي فيه الخير

الله يعينك إن شاءالله ..

لا تنسى الاستعانة بالله ..وان يغنيك عن الدواء ويتم شفاءك على خير ،،

متابعة معك ،،،،،

اهلا بك اخت نوفا
الله يعينا وياك ويعين كل مريض يارب
فعلا القرب من الله له مفعول سحري على النفس الله يجعلنا وياكم من المغفور لهم

صرت اتنرفز على اتفه الاسباب وخصوصا الصوت العالي زوجتي واطفالي الله يكون بعونهم على هالحالة
الله يشفي كل مريض

معلش فترة وهتعدى ,,

الله يعينك ،،،

صباح الخير عليكم جميع

نمت البارحة بدري وكانت نومه غير مريحة كلها كوابيس وكل شوي اصحا من النوم
اليوم رحت الدوم وجاني نفس افطر بغير العادة الحمد لله اليوم احس اني احسن شوي كنت ناوي اليوم اروح ارمال اشتري حبوب الاكتئاب بس احس اني راح ااجل الموضوع شوي واشوف المشكلة انك ماتقدر تستقر على رأي اذا حسيت ان الاكتئاب شد عيك شوي ودك تسوي اي شي واذا خف تغير رايك

الله ييسر الامور والله يشفي كل مريض

ماتتتشوف شر

ماقلت لنا ليش قطعت الدوا؟؟؟؟؟؟

انا قطعت السبرالكس لانه زاد وزني زياده رهيبه .....

هلا فيك اخي الكريم
اسباب قطع الدواء كثيرة اعراض الدواء متعبة والاحساس بانك انسان لست بطبيعتك وانما تحت تاثير الدواء في كثير من تصرفاتك يجعلك تكره الدواء

بنسبة لزيادة الوزن احد الاسباب ولكن لم تكن زيادة كبيرة وخصوصن انني قبل استخدام الادوية كنت اعاني من النحافة قبل الزواج تقريبا لكن حاليا وزني متناسب مع طولي تقريبا
ابغاء اسالك اخي هل قطعت الادوية جميعها ام استبدلت دواء باخر ؟

هلا فيك اخي صابر وراضي الله يسعدك دنيا واخرة على هالكلام الحلو
فعلا كل ماقربت اكثر الى الله بالدعاء والعبادات كل ما تحسنت النفسية الله يكون في عون كل مريض

اللهم امين يارب العالمين

الحمد لله إنك شعرت اليوم بتحسن ..

إن شاء الله يوم بعد يوم ستكون بأفضل حال ،،،

وقدوم رمضان ستكون فرصة لك وللجميع هنا إن شاءالله ،،،

ابو الفوز

انت تسير نحو الهدف الصحيح بخطى ثابته
لكن احذر من اليأس وتسلح بالصبر
من حسن حظك رمضان على الابواب
اغتنم ذلك

ترى الوضع سهل جدا لكن تفكيرنا يهول ويكبره

اقرا موضوع باسم الحقيقه في منتدى الاكتئاب

رعاك الله

اهلين اخي الكريم

عساك على القوه

وشد الهمه صدقني تقدر تتغلب على الا انت فيه

الله معاك واستمع لرقيه الشرعيه يوميا

http://m.youtube.com/watch?v=9Wjpd0X_Xoc

ابو ديما


ترى الوضع سهل جدا لكن تفكيرنا يهول ويكبره

كلام بليغ وهذا سبب مشكلة من في الموقع

تحيه استثنائيه لك مني

صباح الخير عليكم اخواني واخواتي (نوفا-ابوديما-الفراشة-عبودي برلين) وعلى جميع الاخوان والاخوات المتابعين
الي حصل معي امس اني رحت شريت عشبة حشيشة القلب من ارمال بعد ما حسيت اعراض قريبة من الانتكاسة خفت وقلت الحق على نفسي قبل لا تجي النكسة كفانا الله واياكم شرها المهم اني اخذت منها حبتين امس وحبة اليوم الصباح الوضع امس كان فيه كسل وخمول وطفش ونرفزة المهم اني نمت بدري النوم تحسن شوي لا يخلو من الكوابيس المزعجة لكن افضل من اول صحيت اليوم الصباح لله الحمد الوضع تمام مستقرة النفسية نوعا ما
الاشياء الي صرت اكررها خلال هالفترة اني قربت الا الله اكثر وبديت استشعر العبادات والاذكار اكثر من اول والله يكون بعون الجميع

الحمدلله

وحشيشه القلب مالها مضعفات وهل هي اعشاب ؟؟
دبكل الصيدليات موجووده

هلا اختي فراشة
انا اول مرة اجربها هي عبارة عن كبسولات يطلق عليها حشيشة القلب St. Johns Wort
تباع في محلات ارمال مادري اذا موجودة بالصيدليات او لا
وهل لها مضاعفات احس انها بتكون افضل لانها عبارة عن اعشاب وليست ادوية الي لحظته معاها لحد الحين انها تزيد الكسل والنوم بس وان شاء الله اذا جد معي شي راح اكتب عنه

يعطيك الله العافيه

موفق

مشكور يالغالي على اجابتك

بخصوص اسباب قطع الدوا ما اشوفها عندك مقنعه ........ماهي المشكله لماتحس انه تصرفاتك اتغيرت من تاثيرالدوا

اصلا هذاشي طبيعي وخصوصا ان غير تصرفاتك للافضل .......يعني مثل كنت تخجل من التصرف الفلاني واصبحت لاتخجل .............هذا شي ممتاز انا اشوفه

بوجهه نظري اذا الدوا ما يسبب الام جسديه او دوار او عجز جنسي او صضعف او سمنه .....

والشخص مرتاح عالدوا ............ما انصحك بتغييره

انا قطعت السبرالكس لانه زاد وزني زياده كبيره مع اني كنت بعمل ريجيم قاسي ورياضه ولكن لاجدوى

استخدمت الدوا بالضبط سنه و3 شهور وزاد وزني 12 كيلو بالرغم من المحاولات الحثيثه للتقليل من السمنه

وقطعته من شهر بالضبط والى الان عايش بلا دوا

واحتمال اجرب بعد فتره ( يعني شهر-شهرين )البروزاك...وعالله

هلا فيك حبيبي
انا الي خلاني اترك الدواء اسباب كثيرة
من ضمنها النوم والكوابيس المتكررة وعدم الراحة في النوم
احساسي باني جامد وغير متفاعل ومتبلد
فيه تسرع في بعض التصرفات عدم استمتاع في اي شي اقوم به
صرت اقرب الى آله مافيه استشعار حتى في العبادات والصلاة حصوصن
هذي من الاشياء الي كرهتني في الادوية جميعها وليس نوع بعينه
ارجو من الله ان يصبرني خلال هذه الفترة وان لا اعود لها الى الابد ان شاء الله

الله يفرج همك وييسر امرك

بخصوص السبرالكس اتذكر انه يسوي احلام بس احلام عاديه مافيها فزع او شي يخوف

يعني حلم هادىء طبيعي

بس اذا الدوا معاك سبب لك كوابيس وصعوبه بالنوم فممكن يستحق قطعه

والله يوفقك ويوفقنا ...........

بااااالله يابو الفوز ماعاد حسيت بالخشوع!!!!!!!! انا بادئة في الدوا وماخذته عشان أتخلص من الوسواس واحس بالخشوع جاوبني الله يخليك؟؟
انا فعلا لمن مرة جربت سيبراليكس حسيت اني متبلدة ولمن رفعت الجرعة حسيت اني متهورة وماهمني احد وخفت ووقفته ! الان والعمل؟؟ اكمل العلاج ولا لا؟ اذا بخليني ميتة احساس ماابغى انا لي شهور محرومة من لذة العبادة والخشوع !! ياااالله حيرة والله

هلا فيك اختي
انا حصل معاي كذا بس مو شرط يحص معاك نفس الشي انتي توكلي على الله وجربي او اسال اكبر عدد من الناس الي جربوه والله ييسر امورك ان شاء الله

صباح الخير عليكم جميع اخواني واخواتي
اليوم وامس الحمد لله احسن من اول مستمر على حبوب حشيشة القلب حبة الصبح وحبة بالليل اقدر اقول اني متحسن ولله الحمد بنسبة كبيرة وصار فيه قرب من الله اكثر واستشعار للاذكار والاستغفار والصلاة والحمد لله

السلام عليكم ورحمة الله وبركاته

الحمد لله على كل حال
لا يزال الاكتئاب موجود يخف ويشد ولكن الحمد لله لا ازال مصر على عدم العودة للادوية ومازلت استخدم حبوب حشيشة القلب حبتين يوما من الاشياء الي كنت محروم منها من فترة طويلة هي البكاء واستشعار العبادات الحمد لله صارت صلاتي افضل وقرائتي للقران فيها روحانية لم اشعر فيها منذ فترة طويلة شاهدت مقطع بالامس على اليوتيوب عن الثورات العربية والمجازر المرتكبة فيها اعانهم الله وفرج كربتهم والغريب ان عيني دمعت والله بعد ان كنت اشاهدها سابقا لا تحرك فيني ساكن ومن الاشياء الي صرت احبها الصلاة سابقا كنت اصلي ولكن لم اكن استشعرها الان اشعر براحة وطمئنينة في الصلاة والدعاء والاجواء الى الله وقرائة القران
هذي من الاشياء الي لحظتها وهي اشياء كنت اتمنها والحمد لله
اتمناء من الله العلي القدير ذو الفضل والمنة ان يشفيني ويشفيكم ويشفي كل مريض

ماشاااااءالله تبارك الله عليك عقبااااالي ياااارب انا الان مع الوسواس مااحس بخشوع وعندي امل في الله لو أخذت الدوا وراحت الوساوس أخشع ولا ماتتوقع تتوقع أصير متبلدة احساس؟ انت استخدمت فافرين صح؟؟

ابو الفوز نصيحتك استخدم فافرين للوسواس كثير اقرا تجارب انه بعد ترك الدوا ترجع الحالة أشد صح؟؟

اذا كنت تاخذ الجرعات بالنتظام والفتره العلاجيه تحت اشراف طبيب مختص باذن المولي عز وجل ليس له رجوع
اسال الله لك الشفاء