متى يبدأ مفعول الفافرين ؟
السلام عليكم ورحمة الله وبركاته
حياكم الله جميعا .. قبل فترة كتب لي الطبيب الفافرين لعلاج المخاوف و الوسواس بجرعات متدرجة حتى اصل الي جرعة ٣٠٠ ملجم يوميا انا كذلك تدرجت في تناوله بواقع ٢٥ ملجم لمدة ثمان أيام ثم ٥٠ ملجم لمدة ثمان ايام أخرى و الان ٧٥ ملجم أتممت أربعة أيام منها و في كل مرة تزيد المخاوف و الأفكار الوسواسية أكثر و أكثر أشد من فترة بداية العلاج أفضل فترة نعمت فيها بشيء من الهدوء و تلاشي الأعراض كانت في الثمان الايام الأولى بواقع ٢٥ ملجم الحين وش الدبرة .؟ ما هو كل ما أزيد الجرعة يزيد العذاب لين متى طيب ؟ بدأ صبري ينفذ و لا أبي ادخل في دوامة تبديل الأدوية فقط ابي اللي سبق جرب الفافرين متى بدأ معاه مفعول العلاج و متى شاف الطمأنينة ؟ ربي يرزقنا وياكم طمأنينة و أمان الدارين اللهم امين يارب العالمين |
دخلت قروب في التليجرام للموسوسين ابسأل عن الفافرين لقيت كلهم ال ٦٠٠ وسواسهم في الطهارة الله يعافيهم و لا احد فيهم يتناول علاج
تجننت كله عن الافرازات و النجاسات الله يكون في عونهم زاد غمي غم و خرجت منه |
الفافرين علاج خفيف جدا المفترض التدريج يكون 50 ' 100 ' 150 ' 200
|
جزاك الله خير الجزاء اخونا الكريم
|
الاستجابة للعلاج تختلف من شخص لشخص فبعض المرضى يبدأ مفعول العلاج معهم خلال اسبوع وبعضهم اسبوعين وبعضهم شهر وبعضهم شهرين او ثلاثة اشهر
ولكن انتي استمري على العلاج على الاقل شهرين بجرعة ثابتة على سبيل المثال اثبتي على جرعة 100مج لمدة اسبوعين واذا لم تلاحظي تحسن ارفعي الجرعة الى 150 ثم إلى 200مج واستمري عليها ايضا لمدة شهر واذا لم تلاحظي تحسن غيري العلاج الى افيكسور ولكن نصيحتي لك لا تستعجلين اصبري على علاج فافرين وان شاء الله تتحسن حالتك |
متفائلة انصحك تقفزين الى ١٥٠ مباشرة
|
السلام عليكم ورحمة الله وبركاته
حياكم الله اخواني الكرام على الإفادة انا الان على جرعة ١٠٠ ملجم يوميا الوسواس الحمدلله خف عن أول و كذلك دقات القلب السريعة يعني الخوف لكن حل محله كرب و ضيق و اختناق ، مافي شي يطلعني من هذا المزاج أبد لدرجة عاجزة عن أداء أبسط المهام و أحسها كالجبال و فوق ذا ما انفك عن طحن أسناني و الضغط على الفكين طوال اليوم ، أقوم الصداع ما فارقني لأن كل وجهي متوتر من الألم الحمدلله الكوابيس خفت لكن قعد لي الضيق و طحن الأسنان مدري متى ارتاح منها و الحمد لله على كل حال أبغى أذكر شي اخاف تقولون شكاويها كثير لاحظت كذلك الغثيان مستمر و الاحساس بالشبع و الامتلاء لدرجة اكل وجبة خفيفة وحدة باليوم هذا شي طيب لكن الغثيان اتعبني و الحمد لله على كل حال مدري هل كل هذي الأعراض ناتجة عن العلاج اللي جرب العلاج هو اللي يستطيع يرد |
اقتباس:
هذي اعراض عادية جدا ولازم تصيب اي انسان وخاصة في بداية العلاج وفيما يخص الغثيان والكرب هذي اعراض شائعة مع الفافرين ولكن الغثيان ايضا سيذهب بعد أن يتأقلم الجسم مع العلاج |
السلام عليكم ورحمة الله وبركاته
حياك الله أخوي انا مترددة في الزيادة بدأت بجرعة ٢٥ ملجم لين وصلت ل ١٠٠ و اخاف كل ما أزيد تزيد الأعراض الحين يا إني نايمة يا في حالة كرب لا تطاق مكبلة ماني قادرة أسوي شي بسببها طوال الوقت اتنهد من الضيق حتى و انا نايمة اختناق لدرجة انطباق في ضلوعي حتى عيوني ماهي راضية تجود بالدموع حتى أرتاح الحالة هذي من رمضان من يوم بدأت العلاج و قاعدة تزيد مع زيادة الجرعة ربي إني مسني الضر وانت ارحم الراحمين |
فراغ في عقلي كذلك مافي تفكير و لا احساس بأي أحد
فقط كرب و ضيق لدرجة الاختناق ابذكر الله ماني قادرة احس حتى لساني مربوط انا ما انحديت على العلاج لين ما وصلت لمرحلة الوسواس اللي أفقدتني عقلي و أمني و الا اول متعايشة مع الرهاب و الهلع سنين و الحمد لله على كل حال الأدوية هذا طبعها تشيل عنك شي و تضع شي آخر الان بس ودي ذي الغمامة اللي مقيدتني تنقشع ربي يجيب العواقب سليمة |
مدري وين الأخوات اللي قالن انهن سبق جربن الفافرين يطمنني
حتى أطباء ما ابغى لا يألم الجرح الا من به ألم |
انا اتناول الفافرين كذا ١٠٠ ١٥٠ ٢٠٠ وزي الحلاوة مايأثر بأي شيء تصدقين انهم يعطونه للمتزوجين حديثا لتاخير القذف
|
السلام عليكم ورحمة الله وبركاته
الواحد وش موزمه يغامر بسلامة عقله و يجازف بصحة نفسه عشان مشكلة زوجية تبي تنحل بعد فترة .. معروف كل الأطباء يقولون تبي تنحل بعد سنة من الزواج. ، لما يقل الشغف و يخفت الوهج الأعراض الجانبية للأدوية النفسية لا يمكن تحملها يكفيك الكرب الملازم و الغثيان و الدوخة و الصداع و النوم الطويل من عوفي فليحمد الله إذا متزوج و يعاني من ذا الشي فيه غيره ما هو متزوج اصلا و يروح يبلي عمره بالأدوية من بداية زواجه يكفي ان الأدوية تخليك جسد بلا روح بس تنتظر متى ينتهي عمرك و ترتاح انا فعلا هذا الشعور أحسه .. احس حتى ما اطمح للتغيير ، فقط ابغى اقابل ربي مع حسن خاتمة |
يكفي ان الواحد لو اكل كم قطعة بسكوت مالح تقعد في بطنه لليوم الثاني كأنه بالع له ذبيحة ،. ثقل بالمعدة و انواع التلبك و الغثيان و الحمد لله على كل حال
بالله وقتها هل يبي يكون له نفس يطالع بوجه عروسته حتى يفكر في مشكلة زوجية بسيطة يعني جمع على نفسه المعاناة النفسية و الجسدية و الفكرية و قعد بها .. انا شفت في التليجرام خلايق الله يعافيهم يقعدون في دورة المياة يتوضون لصلاة الظهر ما يطلعون الا مأذن العصر من شدة الوسواس ، خلايق بعدد شعر الراس و لا يفكرون يغامرون بالعلاج النفسي مع انهم أولى الناس بالعلاج ، من يوم تجيب لهم طاري العلاج يتنافضون بينما عرسان جدد يدهورون أنفسهم بالأدوية من بداية حياتهم الله يعينهم |
أعتقد ان جسمك من النوع الذي لا يستجيب للعلاج بسرعة ولكن انصحك بالصبر والصلاة
واذا كان العلاج متعب لك بشدة فهذا دليل فأل جيد بأن الدواء مناسب لخريطتك الجينية أنا مثلك عندما استخدمت دواء انافرانيل في اول ثلاثة ايام اتعبني بشدة وسببلي ضيق وكرب شديد ولكن في اليوم الرابع بدأت اشعر بالتحسن بشكل ممتاز ولكن انا من حسن حظي ان جسدي يتكيف مع العلاج خلال اربعة ايام الى اسبوع لذلك انا متفائل جدا ان الدواء وقع على الداء لذلك اصبري وقاومي وان شاء الله تتحسن حالتك الى الافضل |
اقتباس:
السلام عليكم ورحمة الله وبركاته حياك الله اخونا الكريم انا لي شهرين اتناول العلاج و ما زالت أعراضه الغير مرغوبة و الله المستعان انا أتفهم ان بالبداية يصير كذا مع كل الأدوية بس مو كأن طالت المدة ربي يجزيك خير على الإفادة ما قصرت |
اقتباس:
|
طيب هل سبق لك استخدام دواء قبل فافرين وهل تحسنتي عليه وبعد كم شهر بالضبط شعرتي بالتحسن؟
|
هلا بك أخوي اشكر مساعدتك
انا ما عندي مشكلة اصبر على العلاج و لا إني اغيره بس يكون تعودت عليه تخيل امس على أذان الفجر كنت افكر اني أصبت بجلطة و العياذ بالله نفس اعراض الجلطة دوار و زغللة و غثيان فظيع لدرجة ماني قادرة اقوم من مكاني اصلي كل ما جيت أقف الغرفة تدور و يختل توازني و أجلس غير الغثيان الفظيع و الرغبة في الاستفراغ و انت بكرامة قعدت احاول من الساعة خمس الفجر لين الساعة ٩ الصباح لين استطعت الاستفراغ الحمدلله و بدأت الدوخة تنفك تدريجيا مع اني ما آكل غير بعد صلاة المغرب شي خفيف و غالبا زبادي و شابورة او زبادي و بسكوت الغريب الاكل من المغرب لين الساعة ٩ الصباح ما انهضم زي ما هو هل يعقل ان كل هذي اعراض جانبية للفافرين طيب وش اسوي عشان اتفادى كل هذا هل اتناول حبوب الغثيان دومبي كل يوم انا اتناول حبة الفافرين قبل النوم يعني تقريبا عشرة مساء |
اقتباس:
بس ما اذكر الأعراض الجانبية غير النوم الطويل مدة عشرين ساعة يوميا و صار لي تاركتها مدة عشر سنين و أكثر لين حدني عليها الوسواس و الحمد لله على كل حال و اول مرة اتناول الفافرين انا اخاف من التغيير و ما ودي اغير الفافرين ودي اتناول شي معاه بحيث استطيع اتناول الطعام بدون خوف و ألم مجرد ما آكل لو شي بسيط أشعر بامتلاء فظيع و غثيان و تلبك في المعدة لين اليوم الثاني ما عمري الحمدلله عانيت من اوجاع الجهاز الهضمي لين تناولت الفافرين ذا |
تخيل امس قعدت اقرا استشارة نفسية لوحدة تعاني من الوسواس اخذت الفافرين مدة سنتين و طوال السنتين انواع الحرايق في الجهاز الهضمي نفس معاناتي لين طاح نصف وزنها
في الاخير قال لها الطبيب غيريه انا خفت ان تطول المدة و تظل مشكلة الجهاز الهضمي و اخاف كذلك من الاضطرار لتغيير الدوا ثم اتعب من الدوا الاخر |
صراحة قصة البنت هذي غريبة سنتين وهي تعاني من الغثيان بسبب فافرين مع انه المفروض يختفي الغثيان بعد ان يعتاد الجسم على الدواء؟!
انا استخدمت فافرين ولا صابني عرض الغثيان ولكن كنت استخدم معه دواء زيبريكسا وهو مضاد للذهان وله خاصية انه يسكن الغثيان ولكن برضه حتى لو ما استخدمت زبريكسا ماحس بغثيان ابدا !! بس اذا راجعتي الطبيب كلميه يكتبلك مضاد للغثيان وان شاء الله تنحل معك مشكلة الغثيان |
الساعة الآن 04:03 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا