يوميات الفضفضه ........
السلام عليكم ورحمة الله وبركاته
اخواني واخواتي هذا الموضوع لتفريغ الطاقات السلبيه فضفض وطلع اللي في قلبك اكتب إحساسك اليومي وش مضايقك وش مخوفك وش يألمك قلق توتر خوف دوخه خفقان زغلله عدم اتزان هلع ضيقه طلع اللي مضايقك وكلنا معك |
انا اكثر شي مقلقتني الدوخه ادخل عالم الرعب والضعف واحس مو واثقه من حالي وش الحل منها تعبت والله واحس داخلي شخص بِسْم الله شعور غريب وحاولت اهدي نفسي واطنش ماراحت مستمره
|
اقتباس:
في المنتدى هذا تواصلت مع 6 أشخاص كلهم يشتكون من هالدوخه وانا أولهم وكلهم راحو لااستشاريين أنف وإذن ومخ وأعصاب سليم مع أني انصحهم بالتطنيش |
التطنيش يعالجها لا جربت انا بس يخفف انا ابيها تروح تعبت منها ابيها تفك لو ثواني ناشبه بعدين امس وانا نايمه رجلي جاها زي الشد يفك ويرجع طول الوقت اصحى وانام وهي كذا مرا خفت بس الحمدلله يوم صحيت ولا كأنو شي صار تتوقعون مَس شيطاني بِسْم الله
|
الان اعاني من قلق وتوتر وحزن فمنذ ٤ ايام حدثت حالتي وفاة لاناس مقربين بنفس اليوم واليوم ذهبت للتعزية لاحدهم وكنت قد زرته خلال مرضه الاخير وكان وضعه يرثى له وكان لايغيب عن مخيلتي، وكنت مترددة جدا في الذهاب لما اشعر به من خوف وحزن وضيق ولكن الحمدلله ذهبت وخلال طريق عودتي وانا اشعر بضيق نفس ورجفة وتوتر واريد البكاء ولا استطيع ، والافكار تتلاطم بمخيلتي اقول لو لاقدر الله حدث مكروه لاحد من اقاربي هل ساتحمل الصدمة وهذه المشاعر هذا مااخافه حقا مدى تقبلي للصدمات ،الحمدلله على كل حال ، الله يرحمهم ويرحم جميع موتانا.
|
اقتباس:
خلي في بالي يااختي جمله وحده قل لن يصيبنا الا ماكتب الله لنا ردديها دايم اذا جات لك هذي الأفكار |
والله التفكير والوسواس يذبح تصحى من نومك تجي تنام بالحياة العادية فكرة الموت والاوهام مسيطرة عليك تشوف الناس متوكلة على ربها الا انت تعاني كل يوم
|
والله الموت ارحم من احاسيسنا هذي اللي مالها حل
|
لاحظت انو صرت عدوانيه وعصبيه مع اني قبل هاديه وأحب الناس
|
اقتباس:
|
اختي داعية نصيحة لاتتركي نفسك هكذا يجب ان تساعدي نفسك من هذا العذاب،استشيري طبيب نفسي بخصوص العلاج السلوكي واذا نصحك بالدواء لاتترددي فسيخفف عنكي كثيرا،فكل اعراضك نفسية
|
اقتباس:
حاولي لازم تساعدين نفسك |
انا بس لو تروح الدوخه مني انا راح ارجع طبيعيه متاكده
|
اقتباس:
|
اولا: شكرا بن دايم علی هذا الموضوع الرائع رغم حضورك القريب في المنتدی الا انك اثريته وتواصلت مع الجميع.
ثانيا:احاسي اليوم دوخه بسيطه والم بالصدر والمعده معذبتني كتمه وقولون بس الحمدلله علی كل حال |
غصة بحلقي وألم بصدري وخائفة تكون نوبة قلبية يارب رحمتك
|
اقتباس:
كلنا نحس باللي تحسينه اللي فيك مو نوبه قلبيه هذا هلع وآلام الصدر من العضلات لانها اكثر عضلات تتاثر بالنفسيه وغصة الحلق انا اكتب لك وهي فيني لكني مااهتم لها فصارت جدا عادي الله يشفيك ويعافيك ويشرح صدرك |
مساء الخيرات
نشكرلله تمام :) احد يعرف التمرد ؟ جربوووووه كثييير نافع للوسواس ولكثير من المخاوف $$$ ومشكووور ع الموضوع الجميل :) |
اقتباس:
اعجبتني الفكرة راح اقرأ عنها شكرًا دجى |
انا صرت كل ما اروح مكان اغير جو من اللي انا فيه
احس بغرااااابه وكأني ما استوعب الاشياء 😪 طفشت وقرفت من هالاختلال لاحقني بكل مكان 💔 |
اقتباس:
لو نقرأ عنه كتب الدنيا وان ما شعرنا فيه من دواخلنا ما راح نستفيد التمرد شعووور قوي وصموود نتغلب فيه ونحارب به كل مخاوفنا :) |
اقتباس:
تبين الرد من مجرب اختلال الانيه انت اللي تقدر تكبره وانت اللي تقدر تبيده نصيحتي لك من مجرب اذا جاك الإحساس لاتسترسلين كملي كأنه مو موجود مثل اللي يكلمك وانتي جالسه عالجوال ولا كأنه يكلمك جربي هالطريقه وصدقيني راح تدعيلي |
اقتباس:
واكتشفت أني فعليا لي فترة 10 ايّام متمرد على الهلع والوساوس وهي فكره نجاحه وقويه جدا لأي شخص قرر المحاربه |
اقتباس:
واصل المسير ربي يحقق لك كل صعب :) |
انا الان عند اهلي بين خواتي واخواني والله العظيم احس اني بعالم وهم بعالم مو حاس اني بينهم بسبب الاعراض يارب رحمتك
|
اقتباس:
بيعين الله حاولي تتجاهلي وتعيشي لو لحظه معهم الفرحه :) |
اقتباس:
|
انا ليه عايشه اصلا ليه مامت فجاه وارتحت مومستوعبه اللي صاير لي انا لي حول 8شهور في عالم غير عالمي الاول
|
انا احس اليوم كأني بطير جسمي من داخل بيطلع وش هالاحساس ابي اثبت مو قادره شي يرفعني لفوق وينزلني مثل الهبوط
|
اقتباس:
|
احنا مؤمنين بالله بس الاطباء مايعرفون يشخصون ضايعين بين الطب النفسي والعضوي او روحي
|
بعدين انا استنتجت من قرأتي للمواضيع القديمه والجديدة مافي مصداقيه في الكلام مرات يقولون اخذنا العلاج النفسي وتشافينا ومرات يقولون لا ماتشافينا كلام متناقض وصرت الان اشك انو الطب النفسي بحد ذاته يبغاله إعادة تأهيل ومن قرائتي لنوبات الهلع تكون على شكل متقطعه مو مثل اعراضنا مستمره
|
اقتباس:
انا قبل شهرين اول ماتعبت كنت عايش بجحيم ولله الحمد الان تحسنت 70 في المئه كيف تعرف ان اللي فيك نفسي او روحي او عضوي ؟ اولا سوي كشوفات اذا قالو سليمه روحي اقري عند شيخ كم مره اذا كل شي تمام اعرفي ان المشكله نفسيه وانا متاكد بان جميع ردودي نفس الكلام وفيه فرق بين الصداع العادي والصداع النصفي مثلا الان الأعراض عندي اخف ولله الحمد وبدت ترجعلي قوتي وبديت اقدر أواجه اللي احسه انا راضي باللي ربي كاتب لي اياه وعسى ان تكرهو شيئا وهو خير لكم |
ايه بس المشكله في الاعراض المستمره هذي احسها مالها علاج جذري ومن قرائتي للمواضيع حتى اللي تشافو منها ممكن ترجع لهم في المستقبل اجل وش فايده العلاج بكذا ماعالج الحاله عجزت اقتنع انو احد تشافى منها نهائي عموما الشافي سبحانه فقط هم اسباب لا اكثر بلجأ الى الله اخاف اخذ ادويه وادهور بعدين غير اعراضها الجانبيه المتعبه كافي اعراضي
|
اقتباس:
|
اقتباس:
نصيحه روحي دكتور نفسي وتوكلي على الله التعب النفسي مؤلم جدا قرري وانا اخوك |
وانا وش يضمن لي العلاج بجيب نتيجه او لا لانها تجربه وحظ مابي اصير محل تجارب مو فاره تجارب انا
|
بعدين الى الان ماشفت احد تشافى من الدوخه المستمره ماشفت
|
اقتباس:
وكنت أعاني من الدوخه لدرجة أني اقتنعت ان اللي فيني التهاب في الإذن الوسطى وصرت كل وقتي منسدح الى ان نصحني واحد من المشائخ اقرأ عنده ورحت لدكتور نفسي وخذت علاج 6 شهور وشفيت ولله الحمد تماما إنتي مشكلتك يائسه نسيتي ان هناك رب رحيم ارفعي يدك وادعيه وباذن الله بيعافيك |
اقتباس:
|
الساعة الآن 03:59 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا