|
قصص عن نوبات الهلع التي مرت بنا *_^
~ { السلآم عليكم ورحمة الله وبركآته } ~
كيفكم ان شاء الله ( بخير ) لو بخير الله يجعله دوم في حيآتكم يآرب ، حبيت اطرح ذ1 الموضوع كل واحد ابيه يكتب قصته الي مر فيهآ في مرحلة الهلع ، لكي نستفيد من قصته ويتسفيد منا سواء من كان في داخل المنتدى ومن كان خارج المنتدى ، وانا إول من راح اكتب قصتي فديت روحـكم لآن من شاف ناس مثله في نفس مرضه ر1ح يرتاح نفسيا وإهم شي الراحــه النفسيه . وفآلكم العافيه إخوكم / Abdulaziz |
متااابعه..!
|
السلام عليكم ورحمة الله وبركاته المهم اريد ان ابدا قصتي وان شاء الله راح تستفيدون في يوم من الايآم وفي الجامعه جيت عند اصحآبي وقالوا لي تعرف فلان قلت ايه قالو توفي بحادث سياره صراحه انا خفت مع ان الادمي مابيني وبينه الى سلام وبس لا اقل ولا اكثر المهم مرت ثلاث شهور من ذي اسالفه .. وكان احساس الموت يجيني في وقت لاخر بس على تفكير خفيفي وعادي ولا ادير له اهتمآم : ومرت الثلاثه شهور وفي يوم من الايام قلت ابي افطر برى مع واحد من اصحابي ورحنا فطرنا بعدين حسيت ضيقه وملل لا حدود له وقلت خلاص انا بروح البيت ابي اجلس شوي وان شاء الله نتقابل العصر قال لي اوكيك ورحت البيت وجلست مع اهلي شوفي وطبعا توي راجع من برى في ابي اخذ لي ( شور ) دخلت الحمام الله يكرمك توي شغلت المويه نزلت المويه على راسي واذا بنتآبني شعور مخيييييييف مره الي هو دقات فلب متسارعه واول تفكير في راسك الموت قرب ؟ لبست بسرعه وطلعت عند اهلي وكانت امي جالسه واختي قالت لي امي تعالي وجلست عندها شوي وانا ارتجف ومافيني حيل امسك نفسي اقول لها اني ابي اموت ؟ نفسي اقول لها انا ابي اموت بس خايف ؟ مابيها تبكي ولا يسير لها شي ؟ واناظر في اختي قلت تعالي وسمعت دقات فلبي وطلعت جهاز قياس الضغط ضغط دمي عادي مافيه ولا شي ؟ المهم وجاني غثيان مره قوي سرت اروح الحمام ابي ( اطلع ) عشان ارتآح وارتفاع درجة الحراره المهم جلست ربع نصف ساعه على ذ1 الحال والحمد لله عدة على سلام بعدها ارتحت شوي وماني عارف وش صاير فيني هو مرض قلب ولا وشي ؟ وش الي قلب حالي فوق تحت وش الي صاير فيني بـ / الضبط المهم واهلي نامو وطلعت قلت خلني امشي اشم هواء شوي وانا صايدني قلق وخوف الموت يمشي وراء ظهري ومر يوم على ذ1 لحال خوف وسرت من اصحى من النوم اتحلم بـ : قبور و موت واشياء مرعبه وذ1 شي عادي لاي واحد يعاني من نوبات الهلع وسرت خايف وسرت موسوس مره وجات فترت اختبارات الجامعه وكنت اروح عند واحد من اصحابي كل سنه نذاكر انا وهو سوا مع بعض اطلع اشغل السياره وفي نظرات الحزن في قلبي وكل نظرات قلبي تشآؤميه في عيوني واقول في نفسي لو رحت الحين يبي يجيني حادث يبي ينسف اهلي ؟ واروح في المشوار وانا في بالي خلاص يبي يسير فيني حادث وامشي وانا افكر في الموضوع .. واروح واجلس اذاكر وصاحبي يذاكر ويشرح لاصحابي ؟ وانا قي نفسي اقول ليتكم تنقلعون وش تشرحون لي ؟ هههههههه وربي التركيز صف الجسم معهم بس الافكار في الموت وفي دقات القلب وكل شوي يدي على صدري واطلع من عندهم ونفس الحاله ابي ارجع اللحين وابي اموت في الطريق بحادث .. واقول بسم الله توكلت على الله وامشي .. وحمد لله اوصل بـ : السلامه ويارب لك الحمد .. وسرت اخاف اي شي يجيني مرض زكمه اقول سرطان .. جلطه .. مرض خطير ؟ اما حالت البكاء كنت كل ليله ابكي من دون اي سبب ابكي على حالي مافي ولا شي يسليني في حياتي كل شي ماله طعم كل شي ماله داعي وافكر في اشياء كله تشاؤميه .. والحمد لله كلمت اختي بـلي فيني وقالت ذ1 كان مع امي اول ؟ فحت قلت اخيرا في واحد مثلي ؟ ورحت على طول جري لآمي < مبسوط في احد عاش الي اعيش فيه ؟ رحت لها وقلت لها قالت اي عادي ذ1 كان معي وقامت تعدد لي الي احس فيه وانا اقول اي اي < ومبسوط فل وقالت لي اللحين روح لدكتور في مكه شاطر .. وقلت اوكي ورحت له وربي دكتور مره عسول .. وقال لي عادي الي فيك نقص في شي كميائي في الدماغ وقال لي تحس بغازات وتحس بخمول وتحسب بشي يمشي في جسمك وتحس بتعب وراء رقبتك .. وتحس تعرق وخوف وافكار موش كويسه وانا اقول ايه ايه < فرحان قال كل شي فيني .. واعطاني دواء سبراليكس والحمد لله العلاج مره حلو وافادني مره .. وقال لي اول ما يجيك قلق .. قال لي شوف محل ترتاح فيه وتستلقي على ظهرك وتغمض عيونك وتفتح فمك وتاخذ نفس بعقمك الين يرتفع صدرك ونزل النفس من فمك مع كلمت " اووووه " تخيل كانك تتآرجح بس النفس طلعه ببطئ بشوي وسارت لو جاتني نوبة الهلع على طول اسوي التمرين وتخف وتروح شوي شوي الين حمد لله راحت واللحن هذي هي قصتي .. ويارب لك الحمد والشكر على كل حال .. |
السلام عليكم ورحمة الله وبركاته اهلا بك ياغالي الاثمان " نعمة انك لقيت اقرب الناس لك يعاني مما تعانية لانة راح يحس فيك ويدري تماما في الالم والشعور الي تحسة لانة مر بنفس هذة التجربة اللي مريت فيها وهذا اكيد يساعدك كثيرا مع هذة النوبات اللعينة اول ماجتني اعراض الهلع كنت في دوامة طووووووويلة من طبيب قلب الي الصدر الي الانف والاذن الي الجهاز الهظمي طبعا الاطباء كل تخصص اروح لاثنين لاني مااقتنع يعني اروح لطبيب قلب واروح لطبيب قلب ثاني واسمع كلام اخر سبحان الله كل مااطلع من اي طبيب احس انة مو فاهمني وتجيني ضيقة فظييعة وابكي من شدة القهر واروح لطبيب اخر ونفس القصة واطلع منة وكلي الم وحسرة ،، الا اخر طبيب زرتة الي هو طبيب الباطنية كان شباب وتوة خريج وفهمان كثير واسلوبة جدا جدا رائع الله يجزاة كل خير من ثاني مراجعة عندة وبعد الفحوصات كتبلي البروزاك وقالي هذا علاجك اللي انت محتاجة وكان يقنعني ويشد من عزيمتي وكان طبيب جهاز هظمي يعني مو نفسي لما اخذت البروزاك وقالي اصبر علية اقل حاجة 6 اسابيع حتي تشوف النتيجة وفعلا بديت اخرج من البيت جتني ثقة اسوق السيارة وانا مرتاح شوي يعني مونفس قبل خوف شديد وتعرق واقول متي اوصل البيت بعدها كلمت الدكتور / انور اللي هو طبيب الجهاز الهظمي وقلتلة بروح لطبيب نفسي وشرايك يادكتور قالي : ممتاز رووح واشجعك علي الخطوة هذي وصدقني كلها كم شهر وراح تشوف الفرق بأذن الله وفعلا رحت للدكتور/ عصام الانصاري ووصفلي السبراليكس وقالي انة اقوي علاج حاليا للهلع بأتفاق جميع الاطباء لانة فعال جدا واخذتة وحسيت بتحسن لكن عندي الغصة بالحلق ماراحت عندي غازات وانتفاخات بالمعدة مازالت موجودة واحيانا تفكير سلبي ويروح بس عموما افضل من قبل بكثير وسعت انة السبراليكس زين من كلام الاخوان في المنتدي والله اعلم .. اخي غالي الاثمان شلوونك مع السبراليكس حاليا ؟؟ وهل اخذت مهدئ مع العلاج وشكرا ... واسأل الله الشفاء للجميع ،،، |
موضوع راااااائع
قريت قصصكم انتا شي حلو الحمدلله ان فيه احد نصحك الوالده الله يخليها لك والله يشفيك اخوي جهراوي انا كنت متابعه موضوعك السابق اما انا كنت مسافره وفي قمة الوناسه وكنت حاضره حفلة زواج وراجعه مبسووطه ع بس سبحان الله بالحفله جتتني ضيقه ومانبسطت مره افكر رجعت ابي انام فتحت روايه اقراها مو قادره اركز مره بالاحداث كنت مو مرتاحه مدري ليش وصلت الصفحه الثالثه ضربات قلبي زياده بدون سابق انذار قلت في نفسي بسم الله وش هذا فجأه الموووووووت نقزت من مكاني صحيت ابوي انا قاعده اموت يلا وديني اموت بالمستشفى وابكي واصرخ وهو يسمي علي ياحياتي ارتاع مرره :( وامي صحت وكنت ابي اطلع من الفندق بدون عبايه من الخرعه وطول الطريق اصرخ يلا الحين الحين بموت اسرررررررررررع الين دخلت المستشفى وكل شي سليم واستغربو مره الظاهر انا اول حاله تجيهم قعدت بالمستشفى مابي اطلع لاني استغربت وشو فيني المهم طلعت والى يومك هذا اعاني الحمدلله على كل حال |
قصص متتكررة كلها نفس الاعراض بأختلاف مواقفنا وظروفنا
لكن مسكييييييين اللي تجية هالاعراض ومايعرف وش السالفة .... راح يكون فريسة لنوبات الهلع والرهاب والاكتئاب .... !! |
انا اللي حصل معي شي جدا مرعب ومخيف فجاه قبل ماانام حسيت بكتمه وخوف وابكي بصوت عالي واقول بموت بموت خمس دقائق واغمى علي وبعد 3 او 4 فقت ويالله على الاحساس اللي شعرت فيه من خوف من الموت رحت الدكتور وانا بحاله يرثى لها حتى متغطيت من الخوف كل تفكيري مركز على الموت لاني حسيت بحراره تصعد من اسفل ارجولي حتى راسي مثل العاصفه حتى اغمى علي اسفه مقدر اكمل بس حالي انقلب من حال الى حال
|
السلام عليكم ورحمة الله وبركاته
كيفكم مع الصباح ان شاء الله بخير يآرب .. اخوي جهراوي حيآك الله في الموضوع وتسلم فديت روحـك ع الرد .. اما عن سبرالكيس والله الحمد لله مرتآح معآه ع الاقل خفف اعراض كثير واحلى مافيه لا فيه ادمان ولا قلق مثل الادويه الباقيه يعني راعراضه الجانبيه بس في اول فترة من العلآج يعني خلال شهر مثل لو بلعت الحبوب راح يجيك صداع او غثيان خفيف الخ .. والحمد لله كل شي عال العال يارب لك الحمد ^_^ |
السلام عليكم ورحمة الله وبركاته
اختي الغاليه يارب ارجوك .. من ميزات نوبات الهلع انها تجي من دون اي سابق انذار وتتعب الواحد من الناحيه النفسيه + الجسديه بعد ماتعدي نوبات الهلع تحسي خوف وقلق اضطراب تفكير في امور الاخره تفكير في القبور الخ بس نحن نبي نعتمد على انفسنا انتي عارفه الامراض النفسيه اكبر نسبه لشفاء منها الي هو انتي .. يعني مثل حالتي اقول حمد لله شفت تحسن كبير وملحوظ يعني لو جاتني افكار سلبيه اجيب لها فكره ايجابيه .. يعني افكر اقول القبور فيها عذ1ب ونار الخ .. اجيب لها فكرة اعمل في دنيآك بما يرضاه ربك تكون القبور روض من رياض الجنه في هذي الحاله الواحد يتطمن نفسيا ويكثر من العبادات راجيا المولى عز وجل في الشفاء والرضاء عليه .. وذ1 يمر على ناس كثييير بس لآزم من العلاج النفسي .. والحمد لله كل شي ماشي حلو .. ومشكوره ع القصــه ونسال الله ان يشفيك مما انتي فيه ويشفي كل مريض يعاني من 12 المرض الفظيعَ .. |
السلام عليكم ورحمة الله وبركاته
اختي الغاليه ( ام هنوف ) معروف اي احد يجيبه نوبات الهلع تجيه دقات القلب السريعه وفي بعض الناس يغمى عليه وذ1 الي حصل مع الولده ربي يطول في عمرها كانت لا جاتها النوبه يغمى عليها وناخذها المشفى اول .. ولا ادري عن السالفه .. وبعد النوبات هي هات من افكار حولين الموت وامراض وسوسه الخ .. يعني مو تتعبك إلآ تدمرك وبعدين يجينآ الاكتئاب تغير نضرتنا للحيآه ليه احنا نبني ونسوي وفي الاخير نبي نموت .؟ وخوف فوق الازم على الاهل والاخوان والحمد لله حنا نصبر على ذ1 الشي ونحآول نحقر ذي الافكار قدر المستطاع انا ما اقول احقروا فكرة الموت الموت حق بس انو يخرب علينا الحياه ذ1 مرض والحمد لله احقروا الافكار الي هي السوداء الي تمر عليك وتجيك وساويس بعض الاحيان لو تبي تروح محل يبي يصير لك شي وانت عارف مايبي يصير لك شي بس هي كذ1 تتعب راسك .. اونصحك باذكار الصباح والمساء والله فيها راحه وسالوا مجرب .. داوموا عليها اقرا كل يوم صفحه من القران ذ1 اقل شي قال الله تعالى ( إلآ بذكر الله تطمئن القلوب ) وبعد ماتقرى قران تحس راحه نفسيه عجيبه والحمد لله حاول تشغل نفسك بقدر المستطآع تجيك افكار على الموت قول لعقلك خلاص وقف ذي الفكره تدريجيا الين خلاص يمل ولا يسير يفكر فيها انا تعبت في البدايه بس قلت الين متى ابي ابقى على ذ1 الحال ؟ وسرت احقر الافكار وتشوفيني كل يوم حرب هههههههه يآ انا ياهي وذ1 الي صاير معي والحمد لله واسال الله ان يشفينا مما فيــنآ .. ومشكورين ع المشآركه فديت قلبوبكمَ .. |
شكرا شكرا ياغالي الاثمان من جد ارتحت من ردك وكنت دائما اسال نفسي هل الهلع يسبب الاغماء لدي اسئله كثيره حاببه اسالك عنها اذا مافي ازعاج وشكرا مره ثانيه يالغالي
|
السلام عليكم ورحمة الله وبركاته
لاشكر على واجب اختي ام الهنوف .. اسائلي وانا تحت امرك فديت قلبك وشي معروف في من الناس من يغمى عليه من نوبة الهلع بس مو اغماء طويل يعني نصف ساعه ربع ساعه شي زي كذ1 وذ1 شي مثبت علميا .. اما عن اسائلتك اسائلي وان شاء الله تحصلي رد مني باذن الله يارب .. |
صباح الخير ياغالي الاثمان السؤال هل الاغماء اي كان نوعه يسبب زيادة كهربا انا لما صار معي الاغماء او بمعنى اصح قبل الاغماء شعرت بشي مثل العاصفه يصعد من اسفل ارجولي الى اعلى راسي وكان معه بخار حار يعني حراره تخرج من جسمي وكل هذا حصل بثواني
|
صباح النور ام هنوف ..
الاحساس الي تحسي فيه يالغاليه هو مو كهرباء هو الخوف الزائد مثل ما يحصل لي قبل نوبة احس بدوخه وثاني شي الدوخه تجي من الخوف الزائد مما تسبب لبعض الناس اغماء ومعروف الحراه الزائده في الجسم .. ذ1 كله نتيجة الخوف الهلع كله عباره عن مخاوف فوق الالزم يعني انتي معك هلع وكل الي فيك طبيعي مروا فيه ناس كثير لا تشيلي هم ام هنوف واي شي تحت امرك .. |
[color="black"]السلام عليييكم ورحمة الله وبركاته
بسم الله والصلاة والسلام علي رسول الله ~> مشكلتــي بختصار بسم الله ويوم الجمعه في صلات العصــر وفي الركعه الثالثه <~ وانا خاشع في الصلاه اتاني شي مفاجئ وبدون سابق انذار وهو شخص احس يكلمني وبي الاساس مافيه احد شخص او نفس قال لي انو انت يا ابو سعـد رـأح تموت الحين اقطع صلاتك يا ابو سعد انا جاني شعور اول مره في حيـأتي يئتي لي وهو كتـألي .. 1- ارتجاف مستمر في الجسم <~ بدرجت الي جنبي يصلي حس فيني 2- كتمه غريبه 3- احس ضيق في التنفس وصعب التنفس <~ احس احد خانقني بدرجت رفعت راسي فوووق واحاول اتنفس بقوه ومن هنـأ بدئت المشكلــه الخوف من الموت واكثر الاوقات يئتيني شي يقول انو هذـأ احسـأس وانا بعلم والكثير قال لي انو مافيه احد يحس بيومه ..~ .......... ولله ثم ولله ثم ولله ان حياتي كلهىأ الم في الم احس اني انسـأن مالي وجود في الحيـأت نضـأمي اليومي انام اقوم من النوم اجلس علي النت <~ ولا استفيد منه ابدـأ مثل اول ما ابي احد اسولف معه مابي اطلع من البيت ابي اكون جنب اهلي بس اذا بغيت اطلع يجيني شي احس اني بموت برا البيت اليوم ولا اطلع وبعض الاحيان اكون برـأ البيت وتجيني الحاله .. علطووول اروووح لي البيت مدري ليه حـأله غريبه جدـأ لك اجد من يحلهىأ لي 24 سـأعه احس اني بموت لي وقت اتعذب وقت النوووم <~ من التفكير في القبر اتعذب وانا في البيت <~ من احساس الموت اتعذب من الضحك <~ احس اني بموت اتعذب من كل شي <~ احس بلموت اشيـأء غريبه دأيم تئتيني 1- احسـأس بالموت 2- خوووف شديد لم يئتيني من قبل 3- كتمه في الصدر 4- احس احد خانقني 5- الام قريب من مكـأن الثدي الايسر 6- الام غريبه في الصدر 7- الام غريبه بعض الاحيـأن في البطن 8-حين وجود هاذي الحاله فيني تزداد حاله كانت موجوده من قبل وهي هزه في الرجل اليسار 9-نغزات وقشعريره في الجسم <~ واكثرر شي في رجولي انا مليت وربــي من هأذي الحاله ........................ انا بعلم ومتقن هذا الشي انو كل انسان مخلوق في هاذي الحيات راح يموت وله يومه ..{ قل لن يصيبنا الا ما كتب الله لنا }.. ....................... ولاكن الحاله زـأدت عندي <~ احسـأس موت صرت اتعقد اكثر واكثر من هذـأ الشي مليت ابي اتغلب علي هاذي المشكله مقدر ابد ابد ابد جـأزفت وطلعت وسويت بس حاله غريبه جدـأ ........ رحت لي شيخ <~ قرـأ علي وقال لي انت مافيك شي ابد ولا انت مسحور ولا عين ولا لمس ....... رحت لي المستشفىأ ~> دكتور نفسي واستقبلني بكل حب وتقدير وقال لي بمعنىأ كلامه صعب اوصف لك دوـأء لئن حـألتك جديده .................. انا الحمد الله اصلي وادعي الله انو الله سبحانه يبعد عني هاذي الحاله اقرا قرأن بكثره والحمد الله وفيه شي بعد فتره طلعت اعراض جديده <~ ومتكرر طول اليوم الي هي حاله غريبه تئتيني بتمرار 1- الام غريبه جدأ في العيون يعني نقدر اركز بلي قدـأمي الا اذا صغرت عيوني احس الي قدـأمي شي سراب صعب اني اركز فيه 2- الام غريبه جدآ في الراس واحس بدووخه غريبه جدـآ واذا قمت من نفس المكان والدوخه فيني اقعد ثواني عساس اواززن نفسي 3- قشعريره في الجسم 4- الام فـي القلب غير طبيعيــه مدري وش هاذي الالم وقبل لا انهي كلامي اليومين هاذي انا صاير احس بشيا غريبه جدأ جدأ 1- اوهام في الموت في كل موقف 2- احس انو اكثر المواقف الي تمر علي في اليوم قد مرت علي من قبل وافسرها بي الموت 3- الام في الصدر وقبضات ووقزات ونغزات .................................................. واخيرأ عندي فكره الي هي وضع قرووب لي الشباب عن طريق الاميل انا عني اميل فيييك كذـأ شخص يعانون من نفس هذا الامرض هذـأ هو الاميل الي حاب ينضم يسوي اضافه |
مساء الخير ياغالي الاثمان اللي اقصد انه لما عمل لي الطبيب تخطيط مخ قال زيادة كهربا بس مارضي يعطيني دوا قال مااحتاج وطلب مني مراجعه بعد اسبوعين بس من الخوف رحت لطبيب ثاني يعني مو نقص بقدرة الطبيب الاول بس الخوف اللي انا فيه من اللي حصل لي كل شي تغير بثواني وبعدين ظهرت اشياء تحصل لي مثل الارتجاف الخوف من الموت الخوف من النوم وحدي ياه اشياء كثيره
|
وعليكم السلام ورحمة الله وبركاته
اهلين فيك ابو سعيد وحيــآك الله ومشكور على طرح قصتك .. الي معك يا ابو سعيد مر علينا واكيد من معه نوبة الهلع عنده وسواس يطفشه مثل الي صار لي يوم اقول لكم اذا بطلع برى احس اني بموت ؟ واطلع وارجع وانا سليم مافيني ولا شي الحمد لله بس الي نبيه منك يا ابو سعيد ماتجلس لحالك روح اطلع وتعال قاوم المخاوف الي تجيك مثلا لو جاك احساس انك اذا طلعت تبي تموت اطلع وعاند نفسك راح تحصل انه ما يسير لك شي وراح الشي ذ1 يزيد فيك الطمآنينه اقول لك انا كنت طالع بسياره عند اصحابي فجاني احساس انو لو تركب والسياره وتمشي تبي تموت في حادث ركبت السياره وشغلتها وقلت توكلت على الله انا عارف ما يبي يصيبني إلآ شي مكتوب ودام كل شي مقدر حمد لله .. وشغلت السياره ومشيت وحمد لله وصلت بسلامه ورجعت بسلآمه يعني لو جاني الاحساس ذ1 مره ثانيه اقول ذ1 قلق نفسي ولا هلع حاول تحقر الاشياء اما عن عذ1ب القبور اكيد هذي حقيقه بس ليه ماقلت لنفسك ان القبور روض من رياض الجنــه نعمل صحيح في دنيانا وتسير قبورنا ان شاء الله روض من رياض الجنه يارب للجميع اما عن الاشياء الي تجيك مرت على كل واحد يعاني من الهلع واكثر شي التفكير في الموت بس اسمح لي كل الاعراض الي معك معنا والدكتور الي رحت له غريبه قال لك مالي حل لمشكلتك روح شوف دكتور غيره حمد لله نحنا ماشين على حبوب وكل شي حمد لله في تحسن يارب لك الحمد فكر زين اعرف ان الموت والحياه بيد الله لو جاك قلق وخوف استرخي وسوي تمارين الاسترخاء صدقني راح تنفعك شي كثير واخيرا اسال الله ان يشفيك يالغالي وان شاء الله نشوفك بصحه وسلامه يارب .. بعدين الايميل مو طالع .. |
مساء النور اختي ام الهنوف ..
يعني انتي اول شي طلع عندك زيادة في الكهرباء وبعدين جاتك الافكار في الموت زياده في الكهرباء دام الدكتور ما اعطاك علاج لها فعرفي انها ربما زياده قليله بعد فتره تروح لان المعروف عن زيادة الكهرباء لو كانت قويه ان الواحد يتشنج وذ1 الي حاصل مع اخوي الصغير زمان بس حمد لله انتي بصحه وسلامه يارب وابي اطمنك لا تخافي دام زياده قليله فما راح تضرك في شي ابدا .. بس انتي روحي لدكتور وشوفي وش الي يقوله لك بس اذا كانت قليله اطمنك انتي بخير فديت روحك بعدين اعراض الهلع حدث ولا حرج وربي شي يهد الحيل بس وش نسوي نصبر اذا تبي الشفاء وان شاء الله ربي يشفينآ .. |
مساء الخير غالي الاثمان اخوك الصغير وشلونه وبعدين هل زيادة الكهرباء تخوف الله يخليك قولي الحقيقه ازعجتك
|
اخي غالي الاثمان مساء او صباح الخير ارجو منك ان لاتنزعج مني انا دائما ابحث عن اي شي يدلني ويفسر لي ماحدث لي اتعلم انني شعرت بالموت بل اوشكت عليه اعراض ماحدث معي مخيفه مرعبه حتى عندما اتذكرها اخاف لقد كنت ابكي عند الطبيب واطلب منه ان يعطيني اي مهدئ لكي انام اسفه ان كنت ازعجتك ان كنت لاتريد ان تجاوبني فلن اغضب لانني اطلت عليك بالاسئله الى اللقاء
|
وعليكم السلام ورحمة الله وبركاته
اختي الغاليه ( ام الهنوف ) اول شي ياغاليه اخوي وصفوا له علاج يالغاليه اما الشي الثاني يا اختي ترى مافيها لا تعب ولا كلافه اسالي قد ماتقدري يا غلاي وخذي راحتــك ياختي شوفي لك دواء عند الطبيب ولا روحي لدكتور معروف ولا ثقه واستشيريه قولي له عندي كهرباء .. وشوفي وش يقول لك .. وطمنينا عليك يالغاليه |
مساء الخير انا فعلا من اول رحت لطبيبة مخ واعصاب بس انت ماجوبتني عن سؤالي عن اخوك انا اسال عن صحته كيف حاله هوبخير وبصحه تمام وبعدين اليوم الصباح صارلي خوف مدري من ايش حسيت اني بموت اخذت بنادول وحاولت انام هذا الكلام الساعه 9 شويه الا اروح اصحي زوجي من الخوف بس مسكت نفسي ماادري شعور غريب اني بموت واني خلاص هاذي نهايتي نمت وانا خايفه حسيت بشي داخل جسمي مدري مثل لما يكون الشخص ينتظر شي وخايف يكون عكس اللي يبيه حتى اني اتنهد وبقوه احاول اخذ نفس وحسيت برعشه بسيطه بجسمي المهم نمت كنت اتمنى في تلك اللحظه لو احد عندي بس يكلمني انا خايفه جدا بس مدري من ايش انا رحت لشيخ وقرا علي بس مارحت مره ثانيه لاني لما اروح اجلس يومين وانا تعبانه نفسيا
|
مساء النور ، ام هنوف
اي والله اخوي بخير وبصحه وسلامه واذكر علاجه استمر سته اشهر بس اللحين حمد لله بخير وفي تمآم العافيه اللحين جالس اكتب الرد ع الموضوع واحس باشياء الي هي : 1- حاس تسارع دقات القلب بس على خفيف 2 - رعشه في جسمي خفيفه 3 - احس بجفاف ريقي 4- احس بخمول وتعب وش ذ1 الي ساير فيني : ( |
سلامتك يالغالي ماتشوف شر ياخوي كل اللي تحس فيه حسيت فيه بس اكثر والله احس ان راسي من كثر الحراره كانه بركان يبي ينفجر وبعدين قبل كنت احس بدقات قلبي لدرجة اني مااقدر اوقف وابسط مجهود ابذله اتعب حتى لما كنت افرش اسناني اتكي على الجدار بس اعطتني الدكتوره فيتامين وخف كثير عني يعني احسن من الاول وانا كان يجيني الم تحت صدري يعني بفوهة المعده يضغط علي بقوه ماخليت طبيب ماشكيتله حتى طب شعبي رحت كان شي يدخل بين اضلوعي واحس رقبتي ثقيله جدا وريقي دايم ناشف ومن غير الرجفه كانت جدا شديده لدرجة اسناني تصك ببعض وكل مافيني يرتجف كاني مغطسه بماء بارد وبشدة البرد والله ياغالي اني حتى مااشوف زين قدامي دائما نقط سواء مثل السراب سلامتك ياغالي الاثمان واسمك على مسمى
|
الله يعطيك العافيه اخوي غالي
مجهود رائع |
اخوي غالي طمني عنك ضروري اختك نور
|
اقتباس:
يعافيك ربي يالغاليه .. |
ام هنوف .. حمد لله احس اني بخير بس كان معي رجفه في الجسم واحس بدوار خفيف لا وقفت او صليت بس حمد لله كلش تمآم < قلب جنوبي ههههه
لا ابشرك بخير وبصحه وسلآمه بس ذي الحالات لآزم تمر فينآ |
السلام عليكم ورحمة الله وبركاته
شبآب مر علي شي غريب خلال يومين الي هو احس بتعب وضيق في التنفس وغثيآن واحس راسي فيه صداع خفيف احد مر عليه مثلي :( |
صباح الخير الصداع معي على طول الاجهاد الجسمي نفس الشي اقولك بصراحه انا 4 ايام زينه والباقي لا جسمانيا ونفسيا والله العظيم اني ماني قادره ارد عليك احس اني متضايقه
|
مشكوره اختي نور ع الرد ربي يسعدك يـ : الغاليه بس ذي الحالات تمر علي بين فتره وفتره بس ماعليك نبي نصبر ونقول عسى خير وربي يجزانا الاجر على الصبر فديت روحــك .. ربي يحفظك لعين ترتجيــك ..
|
مساء الخير على الكل من اول ماتعبت اصبح تحصل لي اشياء حاولت اطنشها بس ماقدرت اول مره احكيها لكم يعني احيانا احاول اني اغير جو انادي صحباتي واحظر كل شي ولما يجوا نجلس نتكلم احس اني نعسانه وابغى انام لدرجة اني مااقدر افتح عيوني ولمااحاول اركز عليها وهي تتكلم اشوف كانها وسط ضباب حوليها مثل السواد وكانها سراب واللي متعبني اكثر اني مااقدر اقرا قران شي يمنعني انا اصلي واقرا الاذكار بس لما اقرا قران اتضايق صار لي يومين احس بضيقه واني بموت واجلس افكر لما تردوا على بعض او بمعنى اصح تشتكوا من كذا وكذا اقول طيب ليه احنا حنموت حنموت ليه العذاب اليوم الظهر صحيت من النوم وانا في قمة الاكتئاب رجعت انام وانا احس اني بموت وان الدنيا ماله معنى وجودها وبعدين افكر بموضوع مهم بحياتي واتخذت القرار عليه ومستحيل ارجع عن راي مهما تكون العواقب ماراح اتكلم عنه عشان مااحد ياثر علي انا نفسيتي جدا تعبانه احاول اتواصل مع الطبيبه بس دوامها بالصبح وانا اكون نايمه مااصحى الا الظهر وكمان فيه شي جدا متعبني انو لما اكل اتضايق انا بطبعي مااحب الاكل بس يعني وجبة الغداء لو اكل سلطه اتضايق واقول طيب ليه احاول اكل اي شي خفيف بس مااعتقد فيه اخف من السلطه ودمتم لي اخوه واخوات وتصبحون على خير
|
السلام عليكم ورحمة الله وبركاته اهلين اختي : نــور حمد لله شفناك وتطمنا عليك .. ودوم ان شاء الله في صحه وفي سلآمه يآرب اول شي يا اختي عن قصة النوم شكله تستعملي علاج يجيب لك النعاس ولا النوم وثاني شي عدم التركيز فديتك زي ماقلنا لك شوفي لك يوم لا تنامي فيه وروحي لدكتوره وخليها تشوف لك حل او بـ : الاحرى تريحي نفسك من الوساويس اما عن قصة الموت كلنا نبي نموت ونقول يارب احسن خاتمتنآ .. بس ذ1 المرض هو خوف يجيك .. يعني شي مو بيدنا إلآ اننا نعابط المرض ونوقف الافكار الي تتعبنآ .. اما عن فقد الشهيه فكلنآ فاقدين الشهيه في كل شي .. وحمد لله على كل حآل اما الابتعاد عن القران وعن ذكر الله .. ففي ناس كثير يشكون من ذ1 الشي في المنتدى . يعني مو انتي لحآلك يـ : الغاليـه .. اصبري وتوكلي على الله ونقول يارب اشفينآ .. صح كل الي في المنتدى يعاني بس الحمد لله كلن صابر .. ويحتسب الاجر عند الله كل عضو او زائر دخل المنتدى هذ1 يعاني يعني شوفي كم عضوا في المنتدى وشوفي كم زائر .. حمد لله مو بس احنآ كثييير من الناس .. بس كلن صابر ولي يساعدوه اهله ولي يساعد نفسه ولي يبكي في الليل لحاله.. كلن له طريقه عشان يريح نفسه .. وان شاء الله ربي يشفينآ دمتي لنآ اختنآ ( نـور ) .. |
السلام عليكم ورحمة الله وبركاته
الي يبيني يحصلني في شات ( احسآس الحب ) بنك ( خذآني الشوق ) وشكرآ لكم ابي احد يدخل هنآك اشكي له لاني ضايق :( |
وعليكم السلام والله ودي اسمعلك واخفف عنك بس سامحني انا مااومن بشي اسمه شات ولا ارضى على نفسي اني ادخله الشباب عادي بس البنات صعبه جدا انا اول مره اشارك بمنتدى هو منتدى نفساني اذا تبي طريقه تخفف فيها عن نفسك خذ القلم واكتب اي شي تتالم منه راح ترتاح واسفه لاني اتاخرت بالرد عليك صدقني راح تروح الضيقه مثل غيرها
|
السلام عليكم ورحمة الله وبركاته حمد لله على كل حال ومشكوره اختي نور ع الرد وربي يسعدك ع الطريقه الي سويتها ونجحت معي الحمد لله يارب .. |
السلام عليكم قبل الساغه اربعه حاولت انام ونمت بس كنت منزعجه مز من احد يعني احس اني نايمه مو نايمه فجاه صحيت لاني احس اني بمزت يعني اللي صحاني اني مااقدر اتنفس وبسرعه عدلت وضعي بعد ماكنت نايمه ابغى اجري لاني احس اني مقدر اتنفس بموت وجلست وصرت اتنفس طبيعي كاني كنت ماني بالواقع ورجعت الله يخليكم هذا الشي اللي حصل طيعي مع الهلع ابغى الصراحه يعني مو تطمين الله يخليكم لي
|
اقتباس:
اختي الي ذكرتيه هذا يعتبر من اعراض نوبة الهلع..وهو امر طبيعي ومجرد عرض من اعراض نوبة الهلع لا اقل ولا اكثر ..وهو فعلا من اعراض النوبه انا ما اقولك هذا باب التطمين لا هو فعلا من اعراض نوبة الهلع واذا جتك هذه الاعراض يا اختي لازم تاخذي حبه مهدئه..وراح تختفي كل هذه الاعراض خلال دقائق وان شاء الله مع الاستمرار في الدواء الي تستخدمينه واظنه سيروكسات مثل ما ذكرتي.. ان شاء الله مع الوقت راح تزيد فعالية الدواء وتروح عنك نوبات الهلع نهائيا باذن الله |
السلام عليكم ورحمة الله وبركاته :
انا منذ سنه ونصف تعرضت الى نوبة هلع غيرت مجرى حياتي للاسوأ طبعاا واستعملت سيروكسات واستفدت منه كثيرا ولكن نظرا لااعراضه الجانبية الكثيرة ومنها السمنه والكسل قررت ابدله بالبروزاك يااخواني واخواتي من منكم جرب البروزاك وهل استفاد منه؟ ومتى تختفى اعراضه الجانبية المتمثله بالام البطن والرجفه باليدين ؟ وهل ينفع لعلاج اختلال الانية ؟ وشكرااا |
الله يعطيك العافيه ماقصرت انا اليوم بعد اللي حصل معي مانمت حتى دوام الطبيبه ورحت لها وبدل ماتفيدني اصبحت انا افيدها بالمعلومات اللي عندي وحكيت لها عن نفساني وكيف استفدت منه وسالتها هل توجد علاقه بين الاغماء ووجود الكهرباء بعد الاغماء وبين الهلع اكدت لي انه فيه مرضى كثير يحصل معهم اغماء وتحصل معهم كهرباء ويكون المرضع هو الهلع اسفه اكمل بعدين
|
| الساعة الآن 11:17 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا