نفساني - لكل من يستخدم علاج نفسي؟؟

نفساني (https://www.nafsany.cc/vb/index.php)

- ملتقى التجارب الشخصية للحالات الأخرى (https://www.nafsany.cc/vb/forumdisplay.php?f=24)

- - لكل من يستخدم علاج نفسي؟؟ (https://www.nafsany.cc/vb/showthread.php?t=26140)

لكل من يستخدم علاج نفسي؟؟

أنا صار لي سنتين استخدم السيروكسات وأتوقع إني صرت مدمن عليه لم استطع

التوقف عنه وصار عندي خوف إني اذا تركت العلاج سوف ارجع لحالتي القديمه

أرجوا التواصل معي لكي اعرف كل من يعاني من هذي المشكله

وبصراحه انا استخدمت السروكسات سنه ثم وقفته وبغيت انهبل رجعت لحالتي القديمه وأسوء ورجعت استخدمه والحين لي سنتين استخدمه وخاااااااااااايف اتركه ورجع زي أول.........

الله يستر !!!

ياليت الأخصائيين يفيدونا في الموضوع

لأني توي في بداية المشوار لي أسبوع فقط في السيروكسات

وياليت اعرف وش نها يتها ؟؟

أعانك الله وشفاك يا (رهاب اجتماعي متخصص )

وتذكر التدرج في ترك الدواء و بناءا على استشارة الطبيب

والله الله بالطبيب الزين !!

قمر الزمان

قمر الزمان انتي عندك رهاب اجتماعي ولا وسواس قهري

وش اسم العياده الي تروحين لها اذا ممكن

تختلف نوعية الدواء وفترة إستخدامه وحجم الجرعة بإختلاف شدة المرض......بعض المرضى يكفيهم إستخدام الدواء لبضعة أشهر وبعضهم يستخدمه مدى الحياة....مثل مرضى السكر والضغط اللذين يستخدمون الأدوية مدى الحياة.

قال من لا ينطق عن الهوى صلى الله عليه وسلم :

عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم .

وعند الإمام أحمد عن صهيب رضي الله عنه قال : بينا رسول الله صلى الله عليه وسلم قاعد مع أصحابه إذ ضحك ، فقال : ألا تسألوني مم أضحك ؟ قالوا : يا رسول الله ومم تضحك ؟ قال : عجبت لأمر المؤمن إن أمره كله خير ؛ إن أصابه ما يحب حمد الله ، وكان له خير ، وإن أصابه ما يكره فَصَبَر كان له خير ، وليس كل أحد أمره كله له خير إلا المؤمن .

تأمّــل :

أحد السلف كان أقرع الرأس ، أبرص البدن ، أعمى العينين ، مشلول القدمين واليدين ، وكان يقول : "الحمد لله الذي عافاني مما ابتلى به كثيراً ممن خلق وفضلني تفضيلاً " فَمَرّ بِهِ رجل فقال له : مِمَّ عافاك ؟ أعمى وأبرص وأقرع ومشلول . فَمِمَّ عافاك ؟

فقال : ويحك يا رجل ! جَعَلَ لي لساناً ذاكراً ، وقلباً شاكراً ، وبَدَناً على البلاء صابراً !

سبحان الله أما إنه أُعطي أوسع عطاء

قال عليه الصلاة والسلام : من يستعفف يعفه الله ، ومن يستغن يغنه الله ، ومن يتصبر يصبره الله ، وما أعطي أحد عطاء خيراً وأوسع من الصبر . رواه البخاري ومسلم .

السلام عليكم

أخوي رهاب اجتماعي ومتخصص بعد

انا استخدم السيروكسات لي تقريباً خمس سنوات

والله يشفيني ويشفيك ويشفي جميع المسلمين

اخوي السيروكسات مايدمن عليه

ولكن مشكلتنا ان حنا ناخذ الدواء ونحسب انه هو علاجنا

لالالالا

السروكسات عامل مساعد يساعدك ويغطي بعض المشاكل ويعطيك فرصه للتدريب والتدرج

علشان انت تساعد نفسك وتزيل المشاكل النفسيه الداخليه الاصليه المسببه للمرض

وطالما ما علجنا الاسباب سنضل نستخدم السيروكسات العزيز .....

اخوي الطائر المجرب الخطير شخبارك وش علومك

بغيت اسئلك عن السيروكسات الجديد المسمى سي ار وش عندك معلوما ت عنه.

اخوكم المحب الأمل القادم

أنا أعاني من نوبة اكتئاب و شوية رهاب اجتماعي

الدكتور اللي استشرته : السبيعي الله يحفظه ويرده للمنتدى آمين

الأخ العزيز الأمل القادم

السيروكسات الجديد سي ار حسب ما عرفت من بعض الإخوة هو نفس تركيبة السيروكسات القديم والفرق أن الجديد ذو مفعول أطول فقط.

مشكورين على مشاركتكم

اخوي الامل القادم هل انت تعاني من الرهاب الاجتماعي

وهل تستخدم العلاج مده 5 سنوات من مزاجك ولا بستشاره دكتور لأنه شي يخوف انا كملت سنتين وبنهبل مليييييييييييييييت من العلاج والله ..

اخوتي -------------
لابد لمن يعاني الرهاب الاجتماعي ان يواجه مخاوفه --- وان يغير سلوكه السلبي حينما يتعرض لموقف يشعر فيه بالعجز --------- وان يتدرب على مواقف يحس انها تحرجه مع صديق له --- والتعود على الشعور السلبي وعدم التاثر به ------------ والاهم هو تقدير الذات

مرحبا اخواني
احب اضيف معلومه العلاج النفسي يعتمد على عده جوانب.
علاج معرفي وعلاج سلوكي وبعض الحالات علاج كيميائي.
وحسب دراستي كاخصائيه اول شيء يقوم به المسترشد النفسي هو التفريغ الانفعالي مع المعالج المختص الذي يعطي اهتمامه لك في وقت الجلسه لان البشر مكون من نفس و جسد و روح واذا المعالج اهمل جانب اكيد حيكون فيه خلل في طريقه العلاج.
انت كشخض مدرك لمشكلتك احسبها ولا تنسى تحسب من هو الشخص الذي يخطط للخطوه القادمه انت ام المعالج ام انتما معا لانها تدخل في العلاج بشكل او بأخر
دعواتي لكم بالصحه النفسيه الدائمه

الأخ مساعد دوت كوم لك جزيل الشكر والله يعطيك العافيه..

الأخت ساره عبدالله كل مشاركه تكتبينها يزداد ثقتي بخبرتك القويه بالعلاج النفسي

والله يوفقك في هذا الدرب وتتخرجيين بسرعه وتعالجينا بسرعه بس ماراح أعطيك

فلوس:).......

مرحبا
انا وعدتك وانا عند وعدي
ياليتك تكثرلي دعواتك عشان اخذ الماجستير والدكتواه في العلاج العيادي لانه لو دخلت مسار غير راح تكون مساعدتي لك اقل من بسيطه وكمان بالمجان

الاخ رهاب اجتماعي متخصص والاخوة اصدقاء المنتدى الكرام

السلام عليكم ورحمة الله وبركاته ,,

انا لي تقريبا 4 سنوات وانا استخدم سيروكسات ولكن انا من وجهة نظري ان الامراض النفسية

مالها علاج نهائي ابدا ولاكن لها علاج مؤقت زي مرضى السكر والربو والضفط يتكيف المريض

مع العلاجات ولا فيه مانع انك تستخدم العلاج النفسي مدى الحياة زي ماقالوا الدكاتره الاستشاريين

ولاكن بعض المرضى يتعرض من اثر العلاج لنقص في الشهوة الجنسية فيترك العلاج تدريجييا لمدة

ست اشهر ثم يعود اليه وزي اللي عنده سمنه زايدة يترك العلاج مدة معينه حتى انه يخف وزنه

وسلامتكم وماتشوفون شر

العلاج النفسي يجب أن يكون استخدامه وتركه حسب توجيه الطبيب وبتدرج حتى يتكيف الجسم مع أنقطاع العلاج

وش رايك يالراكد

الاخت ساره عبدالله يارب تكونيين الاولى على الدفعه مو بس تتخرجين ويارب يوفقك.

اخوي الراكد معقوله راح استمر طول العمر على السيركسات ياخي والله سمنت

والشهوه دمار والله ياخوي لازم نلقى حل جذري ....