استفسارين عن تحليل Valproic acid ودواء الرباجيلا
 

السلام عليكم
تحليل الديباكين او يسمى Valproic acid
عندي 61 الطبيعي من 50 إلى 100 م رفع مقدار عشره هل نحتاج إلى توقف الديباكين؟ تحت إشراف طبي

السؤال الاخر متى تزول اعراض الارق في الرياجيلا والآلام الجسمانية؟

هلا وغلا فاقد الف سلامة عليك ما تشوف شر

لازم دكتورك النفسي يشوف التحاليل عشان يوازن جرعة الدباكيين

اهم شي لا تقلق
السؤال الثاني ما اعرفها كم مدة بقاءه في الجسم
انتظر اخوي الهجام


اسال الله العظيم رب العرش العظيم أن يشفيك

حياك الله يجزاك خير عسى الله يسهلها علينا
والله امس تذكرت عندي زياره مجانيه ورحت للدكتور
كان زعلان ليش توقف مضادات الذهان اليبونكس و الزايبركسا
وهذا الدكتور ماطلب مني تحليل الديباكين ثم قالي ليش تاخد رميرون مايصلح معك
المهم صرف لي زونام 3 ملج بختلف عن الزولام
قالي خذ رياجيلا 6 وارفع السيروكوذل 600 قلت ليش ما انام مع السيروكويل قالي هذا اكس ار ما ينوم قلت الرياجيلا ذبحرن الارق قال امورك تمام
قلت بس يادكتور قالي اسمع الكلام
اخدَذت العلاح ونص ساعه نمت لكن نومه لك عليها

وش رايك ارجع للدكتور الجديد الي صرف الريمرون مع انه كان زعلان على كثرة المضادات الذهان

هلا فاقد راجع استشاري يخاف الله فيك ويكون شاطر فاهم حاذق
ثانيا انحاش ولا تعود للي،صرف لك ثلاث مدري،اربع
مضادات الذهان

بعدين يا فاقد اعطني اسماء الدكاترة خاصة الى صرف لك ثلاث مضادات ذهان

يقولي استمر على زايبركسا و سيروكويل و رياجيلا و ليبونكس
اسمه محمد قنديل لكنه ماهو استشاري عيادته في مطمئنه عنيزة
كان كويس لكن اول مادخل البنات عنده المتدربات مدري اخصائيات او اتمتياز
جلس يهاوش يقول انت لا تلعب انا ماقصرت معاك عطيتك الادوية وغيرت جرعات وماتبي ادوية كثيره اي شي تبيه تعال اعطيك حنا قاهمني بعدين سكت وجلس يكتب الوصقه ثم يقول بصوت خفيف وحنون كيف عملك وكيف انجازك بغيت اقول زانت علومك سكت ومشيت عنه

الجديد اسمه حاتم الحربي ادراك ببريدة اشوف انه كويس واستشاري

انا اشوف انه تستمر مع حاتم واصل معه ولا تغيره اما الى اسمه قنديل خلاص انسه تماما لا عاد ترجع له

فيه دكتور اسمه عبدالحميد اليحي في مطمئنة بس،مدري،بريدة او عنيزة

لاحول ولاقوة الا بالله ربي يشفيك يا اخوي فاقد صبري

استغربت كيف يهاوش ثم يرجع يكون حنون معاي ويسالني عن عملي
المهم يا محمد عبدالحميد اليحيي هذا في سليمان الحبيب ببريده

يمدحونه والله يا فاقد
اني ناصح لك عندك ثلاثة اطباء فاهمين
البروفيسور طارق الحبيب له عيادة عندكم
البروفيسور عبدالله السبيعي
البروفيسور عبدالرحمن الاطرم

يا اخوان خصوصا اخوي الهجام
انا قررت اترك الرياجيلا 3 ملج ذبحن بالارق وبنص النهار احس اني سهران
الحين ماكلته اخر جرعه امس قبل الضهر والحين كملت 27 ساعه
كيف اوقف على طول ولا اشتري علبه 1.5 ملج واستمر فترة
مع اني اخد سيرركويل اكس ار 600 وديباكين 500 وزونام 3 ملج قبل النوم مباشره

الحل انتطر ردكم

اخي اشعر ببعض من الخمول والكسل ولكن هذا ايجابي بالنسبه لي مع وجود تثاوب
عَكس مع الرياجيلا وهن وتعب جسماني لاني نمت البارح لكن بعد الاستيقاض
رجعت محاولة النوم لكن انتبهت للساعه في بداية الشروق ولا اعرف هل انا نمت ام لا لكن متاكد اني استيقضت كليا الساعه 3 والنصف الفجر و نمت الساعه 7 المغرب
اخبرني ماهذي الحاله الشعور اني نمت او لا لا اعرف حتى اشعر اني متخدر

ولكن انا اتناول علاج زونام 3 ملج للنوم وليس زولام