st. Jhons ( حشيشة القلب )
 

السلآم عليكم

شبآب انا نويت ان شاء الله بكرة راح اشتري عشبة st. Jhons ( حشيشة القلب )
بس ابغى اعرف , انا شفت له اكثر من صورة .. ومادري وش النوع الزين

مع العلم اني اعاني من الرهاب الاجتماعي ..

وهل عليها اضرار ؟ وكم حبة اخذها في اليوم .. ؟

انا دخلت على موقع الدكتور عبدالباسط السيد .. وشفت الي يسألون عن ادوية للرهاب يجاوبهم بأخذ عشبة حشيشة القلب .. واقتبست رده لأحد المستفسرين :

انا استغربت قرصين صباحا وقرصين مساء يعني اربع حبات باليوم !!! واغلب الي جربو هالاعشاب يقولون 1 باليوم او 2 بالكثير ..

وشرآيكم ؟

عشبه سانت جونز يوجد بها 90 كبسوله ذات رائحه كريحه من اعشاب قد لاتفيد حالتك

هل تعلم ان الادويه النفسيه لاتوخذ مع عشبه القديس ( سانت جونز ) لانها تعمل بشكل بسيط على السرتوزين ( الموصل العصبي )

الرهاب الاجتماعي قبل ان اخوض فيه يريد جرعه علاجيه حقيقيه من دواء له كفيل باذن الله في علاجك لاعشبه تاثيرها ايحائي وقليل قد يصيبك بخيبه امل ..


وهل لك ان تشرح لي ماهي الفكرة التي تسيطر عليك ومن الذي شخصك بانك مصاب بالرهاب الاجتماعي

حياك الله وفي انتظار ردك

يعطيك العافية ..

انا بنفسني شخصت اني مصاب بالرهاب .. شفت كافة اعراض الرهاب تنطبق علي ..

مثل : اذا سمعت طاري اجتماع او عرس لأحد الاقارب تزيد من نبضات قلبي ..

أو اذا شفت في السوق او الشارع او اي مكان .. شخص يقرب لي او اعرفة تزيد من نبضات قلبي وتعرق شديد وتوتر وخوف .. فأحاول بشتى الطرق اتهرب منه , وممكن بعض الاحيان اقابلة واسولف معه عادي لكن مشكلة اني اتعرق اذا كلمتة وتزيد من نبضات القلب ..

او اذا بغيت اقول سالفة طوويلة قدام شخص واحد او اكثر ماقدرررر .. لأني اخاف اتلعثم واغلط في الكلام وانحط في موقف محرررج , ولو ولو قلت سالفة طويلة لازم قلبي ينبض بسرعة واتعرق واتلعثم بالكلام ....

لكن انا مثلا بالفصل اتكلم مع اخوياي واشاركهم بالسواليف والتعليقات وظحك ونكت ماعندي اي مشكلة .. لكن ماقدر اقول سالفة طوووويلة مثل ماذكرت قبل ..

هذي بإختصار شديد اهم الاعراض الي اعاني منها .. واكيد انها اعراض رهاب اجتماعي .. :(


بس اخوي .. بالنسبة للعشبة معقولة ماتفيد اطلاقا .. لأني قريت وتصفحت عن هالاعشاب وشفت ناس كثير تشافو من الرهاب بفضل الله ثم بفضل هالاعشاب .. وهذا موضوع في المنتدى لأحد تجارب الاعضاء ..

http://www.nafsany.cc/vb/showthread.php?t=63476

ويكفي ان الدكتور عبد الباسط السيد نصح بهذي الاعشاب للشفاء من الرهاب وماذكر احد الادوية النفساني ( مثل سيكروسات , سبرلاكس ..الخ )

..

والله جربتها مافادتني بولا شي

الحمد لله نسبه الرهاب عندك بسيطه جدا , وليست رهاب اجتماعي بماانك تقول تحدث لك فقط عند الناس الي تعرفهم كالاقارب وبعض الاصدقاء بعكس الرهاب الاجتماعي الذي يتعمم على جميع الناس ..

هي نوع من القلق البسيط يتمحور في بعض الامور مثل الاجتماعات ولما تفكر بانك مراقب اسئل نفسك لماذا في حين الحديث البسيط لاتتلعثم واذ طالت السالفه تاتيك الاعراض ؟

بكل بساطه انت تراقب تصرفاتك وكلامك ( لاتريد ان تخطي ابدا ولا ان تكون سخيف )


جرب عشبه سانت جونز وتحصلها بمحلات gnc بماانك طالب والحياة قدامك باذن الله

وعليك بالمواجهه يعني حاول قدر الامكان حضور الاجتماعات , بالنسبه لضربات القلق والتلعثم لايشعر به الذين حولك كما تشعر .! ابدا لاكن عقلك الباطن يكبر لك الامور


حياك الله