نفساني - جديده من بينكم فهل لكم مساعدتي

نفساني (https://www.nafsany.cc/vb/index.php)

- ملتقى أصحاب نوبات الهلع (https://www.nafsany.cc/vb/forumdisplay.php?f=58)

- - جديده من بينكم فهل لكم مساعدتي (https://www.nafsany.cc/vb/showthread.php?t=98782)

جديده من بينكم فهل لكم مساعدتي

السلام عليكم يا جماعه ^^ صراحه حالتي مثلكم او اخف والله مدري بس
بقولك سالفتي انا قبل سنه كنت بالحمام وجرحت نفسي بالموس وانا أشيل يدي المهم خفت
عاد نزلت عند أهلي ولا كني خايفه وكنت بطلع الا فجائه أطيح وتبرد أطرافي وكأني بموت المهم ترقى علي أمي وارجع الي في بطني وعادي قمت ما كن فيني شي
المهم عاد ومرت الأيام وبعد عيد الفطر الي راح كان عندنا زواج ومبسوطه ونفسيتي متحمسه له المهم وصدف ان علي دوره يوم زواج ورحت الزواج مع بنات خالتي وفجائه بزواج احس كني ببكي !!! بس طنشت وعادي وأكملت رقص !!! ما ادري ذا نفس ولا من دوره يوم انكتمت بزواج.
المهم رجعت البيت وإيزي اليوم الي بعده كان فيه زواج ثاني عندنا رحت وكشخت وبروح انا وأختي له المهم كانو عندنا خالاتي وكنت كاشخه وشكلي يهبل :/ بس ما كنت مبسوطة مدري ليه المهم رحت زواج وأول ما ركبت مع سواقنا ورحنا لزواج جاتني حاله انا ما اعرف انها نوبات زبده وأمر البقالة وأخذ مويه وعصير ولسه التعب ودقات قلبي سريعة رحت طوارئ وفحصو على كل شي وكله سليم وأعصب عليهم أقوالهم انا تعبانه وطلعوني من نفس اليوم زبده ورجعت للبيت وصارت تجيني نوبات وحراره بجسمي وقت رقيه ورحت لشيخ عطاني سدر وزيت زيتون خفيت عليه وراحت نوبات بس ضيقه وتفكير بالموت ذبحني ما عاد احب شي صرت أشوف نفسي بالمرايا وزي صوت يقول بيروح شبابك وجمالك. وبتموتين ') صرت اكره النوم وأخاف ما أقوم

تعبت يا اخوان تعبت مع العلم اني قبل فاصخه والبس عاري مدري فيني مس م ولا عين ولا انا مريضه ولا مجنونه مدري ما عاد ادري

مع العلم اني ما أخاف من اني اطلع او اروح بالعكس انبسط بس تجئني ضيقه من الليل والمغرب وأخاف أهلي ينامون وانا لسه ما نمت
وبعد أقوم مختلعه اذا ما لقيت أمي نايمه عندي ):

عمري توه في بدايته ليه يصير لي كيذا ادري التزمت سببت ذا الشي بس ابي ارتاح بعد

هلا فيك اختي دلال .. مافيك شي ان شاء الله هذا من الشيطان وانتي بنفسك تقولين لبسك مو بزين بس حبيبتي معليش لا تقولين انك تهبلين .... لانو المنتدى مو خاص بالنساء مختلط .. هذا تنبيه لك ياقلبي ماهو نقد .. تحصني بالاذكار وقري البقره وقدامك العافيه

صدقت ياختي الله يجزاك خير بس والله ما ادري وش ذا الي امر فيه

أنتم نفسي !!! وربي أحزن على نفسي وين كنت إنسانه عايشه حياتها ذلحين أخاف من كل شي ')

حتى لا تسوقت ورجعت البيت أقول وش الفائدة أخرتها ميته قريب ') تعبت من ذا الي يزن برأسي

ومن ذا الأفكار

اقتباس:

المشاركة الأصلية كتبت بواسطة دلال سالم (المشاركة 986280)

السلام عليكم
أختي الكريمه : الحمد لله أنك عارفه أن التعري والفساخه حرام
وهذا جيد ..وتقولين في نفسك وأنتي تسريدن قصتك أني اتعرى
وتعزي مشكلتك الي العين بسبب التعري والعياذ بـ الله .
أولا نرجع الي الدين في كل شي فأنتي مدامك تقولين وبكل جرئه أنك تتعري
ولبسك فاسخ .. فأنا أظن أنكي لا تصلين ..ولوكنتي تصلين ماكان هذا حالك
من التعري ..لان الصلاه تنها ءعن الفحشاء والمنكر .
أختي الكريمه ..اولاً وقبل كل شي أرجعي الي الله .
لقوله تعالى ..وما خلقت الجن ولانس إلا ليعبدون .
والله سبحانه وتعالى يحبك ..لانه بهذا المرض أعطاكي
أنذار أنه يوجد حساب فأ أنتبهي ..
وهذا من حب الله لكي .
أختي الكريمه حافظي على الصلاه والرجعي الله الله
وتوبي توبه نصوح ... وحافظي على حجابك وتحجبي
لله وليس لناس تسعدي أختي الكريمه ..
لا مانع أن تزوري طبيب نفسي ويقيم حالتك
ويعطيكي العلاج النفسي المناسب لك ولحالك
تحياتي لك

انا رجعت لربي الحمد الله ،، بس دكتور نفسي اروح صعبه احس نفسه نفس الرقاه ماحد راح يحس بالي احسه ')
انا مابي أموت ابي أهلي ابي صديقاتي مابي اروح والله ادعي ربي يطول عمري بس احس ذا شي مو بيدي تعبت

اشتقت أنام زي الناس نومه عميقه ')

بس الحمد الله على كل حال

كلنا مثل الوضع عاد وش فينا الله يعلم به ..المهم الرقيه أن شاء الله راح تفيدك ..وأنا من ناحية الأفكار والزن كل يوم وهي تزن ..بس الشكوى لله..أسأل الله أن يشفينا اجمعين