تعالوا نفضفض لبعض واتمنى الكل يشارك.
 

سلام عليكم
اتمنى الكل يشارك ويقول لنا على حالته

والله الوسواس ذبحنا حالتي كل يوم تتطور سنه ونص
وانا اعاني اليوم تعبت مره لاني ماخرجت وطلعت جلست اوسوس
حاولت اخرج لكن اصاحبي اكثرهم مسافرين ومافي احد جلست بالبيت على الجوال بس اوسوس
وافكر فالموت واحس اني بموت والله احس اني بنفجر من كثر التفكير والهم اسأل الله انه يشفينا ويطول في اعمارنا في طاعته
ابغاكم تسولفون محتاج احد يغير علي جالس بالبيت مهموم وطفشان سولفو وقولولنا عن حالتكم الله يشفينا منها نستفيد من بعض
حاب اقلكم عن حالتي كتمه معاي على طول النوم مانام الا انا مادري عن نفسي والتفكير فالماضي واذا تكرر علي نفس اليوم اجلس اوسوس
اقول في نفسي ان الواحد حياته تتكرر قبل مايموت والله تعبني ذا التفكير صرت احاول اني ماكرر الاشياء مثلا ما اكرر المطعم علشان ما اوسوس وزي كذا والله حالتي سيئه اسأل الله ان يشفينا
اتمنى منكم المشاركه ومعليش طولت عليكم واعتذر اذا الكلام مو مرتب

المشاهدات كثير ولا احد يشارك اتمنى تشاركونا مابتاخذ منكم شيء الله يسعدكم..

يسعد الله صباحك أخي
احكي فضفض كلنا معك وانا بعاني من الوسواس بس بتجاهلو قد ما اقادر وانت اعمل هيك واشغل وقتك كمان ما تخلي له فرصه عليك ..قاوم بكل الطرق ما تستسلم له ونحن معك هون ان شاء الله..

وعليكم السلام ورحمة الله وبركاته

حياك الله أخوي محمد

أمس كنت أدور على موضوع فضفضة مثل اللي كان بقسم الهلع والحمد لله ماقصرت بإنشاءك للموضوع بيض الله وجهك ياذيبان $?

بدأية أنا مثلك موسوس من حوالي 7 سنوات الله يشفينا وياكم وتغيرت حياتي للأسوء لكن متمسك بحبل الله سبحانه وأيام أتحسن وأيام الله لايوريك وسوسة مرات في الأمراض ومرات الموت ومرات الصلاة ومرات في الناس ومرات في الأحلام وفي كل شئ.

لكن أصبحت أمل من الوسواس وأفكاره اللي مدري ايش تبي وأصبحت أي شئ أسمعه أو أقراه عن الأمراض أقول يمكن يجيني أو إن مافعلت هذا الفعل راح يصير فيني وهتك وسوسة ويضيع يومي بالكامل على وهم لانهاية له ونتيجته تعب وقلق مستمر وأعراض تجعلك في دائرة مغلقة الله المستعان والدواء اللي أستخدمه سيبرالكس بعد نتائج طيبة وبدأت أحس بعودة الوسواس وعودة الأفكار اللا منطقية لكن الشكوى لله أشكرك لفتح الموضوع فليكن بيتنا الدافئ :) في مناقشة هذا المرض القاسي أسأل الله أن يجعل لنا مخرجاً منه وأحنا بخير آمين

أخوك أبو عبادي

يسعد صباحك اخي
تعرف أخي انا من زمان اعاني منه واصعب مرحله مرت علي برمضان ولهلا تجي لحظات علي قاسية جدا بسبب الوسواس ..
لكن الحمدلله احس اني بخير لما اقرا لكم استغرب سنوات و و و هل انا يعني لسه ما شفت شي ؟؟
ام انا قوية قاومته وما قدر علي هههه
المهم ما باخذ اي علاج وصرت بصراحه اخاف ع نفسي لما اقرا هون بالملتقى اخاف من المخاوف يتطور عندي ..الله يشفينا جميعا يارب ..هاي تعتبر اول فضفضه اللي هون

أهلا وسهلا وصباحك نور وسرور

ماشاء الله لا حول ولا قوة إلا بالله عليك وهذا يدل على العزيمة الله يتم عليك وكويس
مواجهتك لوساوسك فالعلاج السلوكي هو الوحيد الناجح وافضل من الدوائي حسب مواجهتك له مع الايام أنا اؤؤكد عليك عدم استخدام الدواء وان شاء الله ماتحتاجيه حمستيني اترك الدواء تعبت من الادوية واعراضها cry

وقدامك العافية وشكرا على المشاركه الطيبه

انا اعاني كمان من وسواس لي سنه وهو معايا كل شي احس فيه نبض وكتمه وتفكير في الماضي كل شي افكر فيه يسبب لي زياده في وسواس الموت الله يعافينا بس لازم تكون عندك عزيمه عشان تقدر تتقوى وترجع زي ما كنت

مو مسألة قوة أو ضعف العزيمة
بس بالاول كنا نحسبه شي عادي
ونطنش مرات
بس الشيطان شاطر ويدخل عليك من اكثر من جهه ويضعفك
ويخليك تستسلمي للأعراض والمخاوف
فجأأأأأأأأه تلقين نفسك حسااسه وتبكين من اي شي والمخاوف متجمعه عليك
ماتعرفين كيف بالضبط وصلتي لهالمرحله
بالنسبه لي عندي خوف و قلق وساوس
وعندي كتمه و آلام في الجسم وغيره

عز الله انك صادق ذبحتنا الوساوس والقلق وربي صار عندي خوف زيادة والنوم حكاية ثانية ومشكلة وضيقة التنفس ما تفارق كله من الشيطان لعنه الله يزين للانسان معصية او اذا كان الانسان على معاصي او سوة شي غلط يوسوس له ويخوفه زيادة ويصير الانسان كل يومه وساوس وتفكير الله يعين احسن شي يخوي ويفرج عنا

الله يعين على هالوساوس وانا اخوك انا اوسوس بالموت دائما واي الم بجسمي احس اني بموت بسببه شكيت بكل الامراض،
عندي كتمه والالام بجسم وارق بالنوم وخفقان وتنميل بالاطراف ودوخه وكل شي بالحياه، سويت فحوصات من زمان واعاني من هالحاله لكن سليمم والحين اخذ سبراليكس والله يفرجها ان شاء الله علينا وعليكم يارررررب

يعطيك العافيه اختي دجى القمر وان شاء حنحاربه ونوقف ضده ومانستسلم له ان شاء الله والله يشفينا ي رب.

ههلا والله اخوي ابو عباد ووجهك ابيض ماسوينا الا شيء يريحنا وكل واحد يقول اللي في صدره ويرتاح
كلنا كذا اي شيء نسمعه اما من مرض او قصه نحسب احنا المقصود وبنمرض بيه ونجلس مهمومين انا فيني مرض وبموت ونجلس مهمومين
وهو كله وسوسه من الشيطان القذر اسأل الله ان يشفينا ونرجع زي اول واحسن ويعطيك العافيه ي اخوي ابو عبادي على مشاركتك معانا.

هلا اختي ساره ويعطيك العافيه على المشاركه الحال والله من بعضه وكأنك تتكلمين عن اكثر الموسوسين والله حيل يتعب لكن مالنا الا الصبر والعزيمه والقوه وان شاء الله نشفا منه رنرجع احسن من اول ي رب.

عاد ي اخوي مالنا الا الصبر ومابعد العسر الا يسر بأذن الله سنشفى ونضحك على نفسنا يوم كان يوسوس لنا الشيطان بس يبغالنا نحاربه
ومانفتح له اي مجال علشا يوسوس لنا نحاول بكل شييء انن نتاجهل وان شاء الله نشفا ويعطيك العافيه اخوي الغاضب على مشاركتك

السلام عليكم و رحمة الله وبركاته
كيف العيد معاكم ياشطار 😂😂😋
كيف كان يومكم والافكار اللي جاتكم

أنا جاني خفقان شديد ولعب بالنفسية وهتك وساوس يارب يامعين 😑😣😥