الدمع غلاب
 

الدمعه اللي حايره بين الاهداب
حسبي عليها ياعلي افضحتني
نفسي عزيزه لكن الدمع غلاب !!
ابكي من امراض بقلبي كوتني
عشرين عام بين الاطبا والاعشاب
وكل ادويتهم يا علي ما نفعتني
ولا استفدت الا الخساير والاتعاب
دنيا العناء من كاسها شربتني
مرت علي ايام وظروفً اصعاب
كشفت امورً ياعلي خافيتني !!
ولا فادني كل الاقارب والاصحاب
الا الحنونه بعطفها ما خذلتني♥

الله اكبر ..

صح لسانك اخي الكريم ، واعتلى شانك ..

وبارك فيك استاذي سعيد

صح بدنك وشكراً لمرورك العطر

يارب يخلي لك هالحنونه و يطول بعمرها
و لا يجعلك دمع ينزل غير في خشيه و فرح يارب
و يبدل دموع العنا مسره و خير و فرج .
جميله الابيات و القلب اللي اخر شي عامل اكشن عليها هههههه
دمت ياطيب بخير .

الله يطول بعمرك ادريتنا الفاضله ولا يريك مكروه
شهادة فخر اعتز بها كثيرا

صح لسانك أيوب

كنت متابعك من أول كان شعرك لك عليه لكن الحين تطور ما شاء الله عليك تبارك الله عيني عليك باردة

صح بدنك ابو نجلاء
شهادتك وسام على صدري