ايش رايكم بالتساريح؟؟
 

السلام عليكم
جمعت لكم كم تسريحه اعجبوني
http://d.top4top.net/p_30575jbi0.png
اعجبتني اللي بالنص فوق

هذي مررره روووووعه |
http://e.top4top.net/p_305udemp1.png


انتم ايش رايكم؟؟$$$

انا معروفه بتسريحه وحده بالزواجات مالي غيرها
لدرجه الكوافيره تقول غيري خلود مسكينه طفشت
في الصوره الاولى الصف الثاني على اليسار اخر وحده
لازم الم و قبه من قدام و افكه من ورا تقليديه هههههههه
ما اظنني بارتاح لو حطيت حشوه ولا جعدته ولا لفلفته
دايما اجيب الغثا للكوافيره اصلا صارت اتوماتيك اول ما تشوفني
تقول لي عارفه ايش تبغي بأفاجئها المره الجايه بطلب بدل القبه ظفيره من قدام بتنصدم.
حلوه انتقاءاتك حبيبتي يعطيك العافيه
عجبتني كلمه تساريح ههههههه تساريح يا قلبي العنا تساريح

نفسي احصل في جده صالون يسوي تسريحات عشوائيه
احبها كثير بس مو اي احد يضبطها
تعرفي صالون ممكن يطلع منه هالابداع ؟

هههههه خلود والله انك مريحه نفسك
انا غالبا تساريحي بدون حشوه
ومااطللب تسريحه الا اذا زواج قريب مررررره مررره
دايم اسوي استشوار ملفوف او سراميك واخليه مفتوح
شفتي التسريحه الثانيه سويتها بعرس اختي بس طبعا ماسويت مثلها تمام يعني تقريبا لان مستحيل الاقي صالون يضبطها الا اللي اسعارهم فوووق

عندك صوالين اشوف تساريحهم في الاستقرام
ملدا
وروزيل

اختي بعرسها سوت في ملدا شغلهم ناعم وحلو

عارفه انا احب اسوي الشي اللي يناسب شخصيتي واحس اني مرتاحه فيه حتى في المناسبات
بس ما اخفيك انا مجنونه موضه و متابعتها دوم بس ما اقتني منها الا اللي يناسبني.
هالصيف على نهايته كان ودي اسوي خصل وردي على رمادي جوا الشعر يطلع حلو وسط البني يبان تموجات خفيفه بس تذكرت ان في عملي ماراح ينفع معي هالشي فبطلت.
اول مره اسمع بهالصوالين يبغالي ابحث عنها يارب تكون بشمال جده قريبه مني والله ودي اغير الصالون اللي اروح له دايما صح خلاص عارفين مودي بس ودي اغير يمكن تتغير التسريحه ههههههههه

لا ماحبيتها انا الصبغات الملونه حسيت اننا دمى $$$
الصوالين ملدا له فرعين واحد بالتحليه والثاني بالخالديه
اما روزيل فهو قريب من مستشفى الملك فيصل للاورام
شفته لما كنت رايحه ازور ولد اختي الله يشفيه
شغلهم جميل وتلاقي حساباتهم في الاستقرام
انتي كنتي تروحي مشغل ايش؟

انا كنت من عشاق بثينه و ريما و لمسات و هذول ما اروح لهم الا في حاجه كبيره زي ما ذكرتي.
ادمنت صالون جنبنا اسمه لؤلؤة البندر طبعا ادمنته غصب عشان القرب مو عشان شي ثاني بس انبسطت ان حقت المكياج اللي عندهم كانت تشتغل في ريما من قبل و احب شغلها.
في كمان جومانه اروح له للتنظيفات كل ال Spa عندهم حلو
بيعملوا يومين في الاسبوع بنص القيمه ما عادا الدلكه و المغربي.

الصالون اللي في الرد سي حلو في شغل الحواجب و المساج و الصبغات حتى سشوارهم روعه في عندهم كادر طيب بس الشي الوحيد اللي ما عجبني البوديكير سيئ للغايه

الله يشفي ولد اختك و يمتعه بالصحه و العافيه و يبارك في عمره يارب معليش دوبي انتبه لهالنقطه الله المستعان.

اللهم امييين الله يشفى مرضى المسلمين
انتي مثلي دايم ابحث عن صالون قريب مني
لان بعض الصوالين ماخذه سمعه فقط
ممكن اروح للصوالين البعيده واللي اضمن شغلها تمام لو كنت عروسه لان ماتقدري تورطي نفسك بصالون ماتعرفيه او شغله يمشي الحال
يلا غيري الصالون اللي تروحي له يمكن تتغير التسريحه ههههه ويعجبك شي ثاني حلو التغيير

اكثر شي استمتع فيه بالزواجات روحه الكوافير هذه
يمكن ما اجلس في الفرح قد اللي اجلسه في الصالون هههههه
بس استمتع بهالشي اسوي كل اللي نفسي فيه يومها لا رجيم و لا نومه بدري ولا تفكير باي شي رايحه اغير جو و انبسط و اشارك الناس بسطتهم عارفه بعد فين و فين لما اروح زواج عشان كذا .

حلوين يا لولو ذووووق جدا

ربي يسعدك :)

دخولك هو الحلو والذوق ياسمين
شكرا لكم

جديد تساريح:

http://d.top4top.net/p_307ml3d00.png

http://e.top4top.net/p_3073r8a11.png

http://f.top4top.net/p_30787kx32.png

http://a.top4top.net/p_307nt0vy3.png

http://b.top4top.net/p_307d3c054.png

http://c.top4top.net/p_3077z8jq5.png

http://d.top4top.net/p_307zvhia6.png

http://f.top4top.net/p_307st7cp7.png

روووووعه يالولو
مشكوره