كرات البطاطس بالدجاج وسينابون ....... بالصور ومن مطبخي
 

هههه بس طبخي احلي ههههه امزح ماشاء الله مره حلو شكله شهي

اكيد تالين انتي احلى فكيف مايكون
طبخك حلو شاكره مرورك ياعسسل

ايش الاشياء اللذيذه هذي يالولو مفرووض تعطيننا نذووق مالك حق

تسسسسسسلم ايديكي يالووولووو

بسس انا مااعرف طريقه كرات البطاطسس ياليت تحطي الطريقه

عندي قاعده الطباخه الماهره هي اللي تضبط الحلويات
و السينابون شاهد عليك ما شاء الله تبارك الله
الله يحميكي و تسلم يدك.

تسلميلنا انتي ومطبخك لوليتا
يمي يمي ههههه
طيب كتير باينته
صحتين وعافية على قلوبكم حبيبتي :)

يسلموا الايادي عزيزتي لو لو

شكلها يشهّي ..

الله يسلمك حبيبتي يلا اعمليها ونافسيني هههههه
ان شاء الله احط لك طريقتها في رد لاحق بس خليني اخلص من الردود (-:
ةاهلا مستكفه بالعكس الحلويات والحلا بصفه عامه هي اسهل الطبخات اللي تتعمل فلاتحكمي على وحده بمجرد عملت حلا لان الكل يقدر يعمله هههههه
تحياتي لك وشكرا لمرورك وتعليقك
الله يسلمك ظلوليتل مااستغني عنك وعن نصايحك ومرورك ياذوق
الله يسلمك امولتي
اسعدني مروركم ياغوالي

لا يا قلبي الحلى مو سهل ابدا انا ما اقصد التخبيص الحديث صواني بارده قشطه و بسكوت و تمر في الثلاجه لا هذه اصلا ماهي طبخات دي دلع واي طفله ممكن تعملها في الخلاط و غيره.
انا اقصد الحلويات على مستوى السينابون و البقلاوه و السويس رول و المعمول و التورت و انتي ماشيه
حتى الكيك لو اقل غلطه يخرب و مستحيل تتصلح غلطات الحلى ههههههه
انا اشوف الحلويات اصعب من طبخ الرز و المكرونه و الصواني و المشاوي هذه الحاجات الرك فيها على الخلطه و درجه السواء فقط.
مدري هي وجهه نظر مو حكم يا قمر
ننتظر جديدك الله يحفظك

تصدقي السويسرول سويته مره وحده والحمدلله كان زابط
اما البقلاوة عندي عجينه الجلاش اشترتها اختي وخزنتها بالفريزر وتزوجت ولا سوتها
شكلي بجرب اعمل بقلاوة وان شاء الله تزبط معي
شاكره مروك ياعسل واقتراحاتك

ما شاء الله عليكي
حطيها قبلها بليله في الثلاجه عشان تفك في البروده
ننتظر التنفيذ و الصور شدي حيلك

انا الجلاش بالذات اسويه بالطريقه المصريه مالح باللحمه المفرومه يتمسح اول ما ينحط على السفره هههههههه حبيب الجماهير عندنا في البيت.

هذي طريقتها ياقمر


كرات البطاطس بالدجاج

المقادير :

6 حبات بطاطس كبيره

6 حبات جبن مثلثات

3 م ك مايونيز

فطر

نصف علبة قشطه

جبنة موزاريلا

2 صدر دجاج

بصل وفلفل رومي مقطع شرائح

مكعب ماجي وملح وفلفل اسود وثوم بودره

الطريقه
نسلق البطاطس ونصفيها عن الماء ونضيف لها الجبن وهي حاره ونهرسها وبعدين نضيف المايونيز والملح والفلفل

نحمرالبصل والفلفل مع قليل من الزيت . ثم نضيف له الدجاج ونقلب لمده 5 دقايق وبعدين نضيف له المح والفلفل والثوم

نضيف كوبين ماء ونغطي عليه عشان يستوي وقبل يجف الماء نضيف له الفطر

نخلط القشطه مع كاسه شاي ماء ونضيفها للدجاج ونقلب لمده دقيقتين ونطفي عنها

نجيب صينية بايركس وسط ونحط بها خليط الدجاج

ونكور البطاطس الى كرات متوسطه ونرصها بالصينه فوق خليط الدجاج

ونحط عليها جبنة الموزاريلا

وندخلها الفرن حتى يصير لونها ذهبي

وبالعافيه ...

ماشاء الله بالعافيه عليهم
ولامره جربتها العجينه هذي احسها صعبه
طيب علميني طريقه للي يلحسونه لك اول ماينحط بالسفره هههههههههههه
ابغى طبخات جديده مليت من اللي اسويها

طيب يا ستي خدي عندك الجلاش باللحمه المفرومه
بالطريقه اللي انا اعملها انا اوقات تزيد عني اللحمه المفرومه خاصه في رمضان واحتار ايش اسوي فيها اقوم اطلع عجينه الجلاش من الفريزر و اعملها انا حتى مره عملت بها مطبق مالح

حتحتاجي ما يأتي
صينيه مستطيله
زيت
ملح و فلفل اسود
لحم مفروم مطبوخ مع كشنه البصل
كاسه حليب كبيره
حبتين بيض

الطريقه
حطي كميه زيت في زبديه صغيره و معاها فرشه للدهن
ادهني الصينيه ثم افردي طبقه من العجين ثم ادهني الطبقه بالزيت سوي دي الحركه كرريها الين تخلصي نص كميه العجين
بعد كدا حطي المفروم اذا حابه ضيفي معه اي خضار تحبيه كرات او بقدونس او شبت اي شي انا اعمله بدون خضار
بعدين حطي طبقه و ادهنيها و طبقه و ادهنيه الين تخلصي
طبعا لو الصينين اصغر من حجم العجينه ممكن تثنيها جوه
المهم هي فكرت طبقات عجين و الحشوه لحمه
بعد ما تخلصي قطعي الصينيه الى مربعات عشان يسهل الغرف
عارفه لما تقطعي العجينه وهي نيه اسهل من وهي مقرمشه راح تتكسر
بعد ما تقطعيها بالسكينه كويس اخلطي حبتين البيض مع كاسه الحليب و شويه الملح و الفلفل الاسود و صبيها على الصينيه احرصي انك توزعي الحليب على كل اجزاء الصينيه وبس
دخليها الفرن على نار متوسطه و كل شوي طلي عليها الين تتحمر و تستوي.
و بالعافيه