رهاب اجتماعي متخصص وام عبد العزيز وكل من يستخدم السيروكسات
السلام عليكم ورحمة الله وبركاته
ودي نتناقش في مسئلة زيادة الوزن الي يسببها السيروكسات كيف تعاملتو معها اما من ناحيتي فأنا في الاصل مليان قبل لا استخدم السيروكسات ولما استخدمت السيروكسات حسيت انه وجد ارض خصبه لزيادةالوزن ههههههه نبي الحلول بس المشكل كل ماسويت رجيم احس بضيق ويرجع لي الاكتئاب بنسبه معينه ويخرب كل الي بنيته. يله عطونا تجاربكم اخوكم الأمل القادم |
أخوي الأمل القادم
أخوي الأمل القادم أنا كان وزني قبل سنتين 65 ولحين 97 ولا حاولت اسوي رجيم لأن
الرجيم لازم توقف معه العلاج ونا صراحه ماقدر اوقفه ولا يوم صرت مدمن عليه. |
المشي
والاكل الصحي يعني اكل كثير بس خضار الياف ابعد عن جمع النشويات والبروتينات والمشي المشي |
السلام عليكم
رهاب اجتماعي متخصص ام عبد العزيز شاكر لكم ردودكم وما قصرتو واتمنى من الاخوه الاخرين كتابت تجاربهم مع الوزن لكي يستفيد الجميع اخوي رهاب اجتماعي انت كم الجرعة الي تستخدمها منا السيروكسات اخوكم الأمل القدم |
......
الاخ الأمل القادم استخدم حبه وحده كل يوم بعد العشاء
|
السلام عليكم..
انا استخدمت السيروكسات لمدة عدة اشهر..لكن اللي صار معاي عكس اللي صار معك نزل وزني كثير و فقدت الشهية..كان يمر علي يوم كامل بدون اكل عادي..واللي زاد اهو النوم..كنت انام يمكن 14 ساعه باليوم و حتى ما تكفيني.. |
السلام عليكم
اختي ساره شافاك الله وعافك غريبه بالعادة السيروكسات يسمن بس يله احسن لك بس اذا نحفتي كثير بعد مشكله قولي لطبيبك وش يصير معك اول بأول علشان يعدل لك العلاج او يشوف لك حل اخوك الأمل القادم |
الحمدلله على كل حال
|
انا وصلت للجرعة القصوى
وترى زاد وزني 15 كيلو مع الاحتياط تخيل ؟ عاد الان الحمد لله بدأ يرجع وزني لطبيعته تدريجيا |
السلام عليكم
اختي ام عبدالعزيز كم الجرعة الي وصلتي لها وكم الي تستخدمين الان وكيف بداء يتراجع الوزن عندك لأن انا زاد وزني تقريباً مثلك في حدود 15 كيلو غير الي انا مجمعه قبل السيروكسات انتي ذكرتي المشي والعناية بالاكل هل هذي الطريقه من بداية استخدام السيروكسات او بعد ملحظتك للزيادة الوزن اخوك الأمل القادم |
مشكله زيادة الوزن
انا كان وزني 63 والحين 79 لكن بنزله ان شاء الله الى الوزن المثالي |
السلام عليكم
اخي العزيز دوت كوم حفظك الله وعاك وجعل الجنةمثواي ومثواك هل زاد وزنك بسبب السيروكسات ؟ وكم الجرعة الي تاخذها اذا كنت تستخدمه اخوك الأمل القادم |
اولا اللهم لك الحمد كما ينبغي لعظيم وجهك وجلال سلطانك انت هونها وتهون اذا بعد ماتترك العلاج بيرجع وزنك لاتهتم بعدين انت ولد موبنت ليه تحرص علي هالشغلات |
صبـــــــاح الخـــــــير
موضوع مهم ....بالنسبة لي أكثر من سبعة اشهر وانا استخدم السيروكسات ولازاد وزني ولاشي وزني 52 كجم من قبل ومن بعد العـــلاج .... والضبط صــار معي مثل الاخت ســــارة فقدان الشهية و كثرة النوووووووم .. وعلى طـــاري السيروكسات بدأت المـــأونة تقل منه و صيـــدلية المستشفى ماعندهم .....هل هو موجود بالصيدليات وكم سعـــره؟؟؟؟؟ تحياتي للجميع |
عليكم السلام والرحمة
جزاك الله خير اخوي الامل القادم على دعائك نعم زاد وزني بسبب السيروكسات والجرعة كانت حبتين والان واحده |
الساعة الآن 10:40 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا