الشفاء من خوارج الانقباض
 

حبيت اعمل الموضوع ده مخصوص علشان الناس اللي عندها نفس مشكلتي وميعانوش زيي وهو الموضوع ممكن يكون بسيط جدا....كان عندي مشكلة خوارج الانقباض واستمرت معايا لمدة سنة كاملة وكانت بتجيني من 100 ل 200 مرة في اليوم والموضوع ده كان تاعبني اوي ومخليني عمال بلف حوالين نفسي عملت جميع الفحوصات رسم قلب وايكو فحوصات غدة درقية ودم واشعة علي الصدر جربت جميع انواع العلاجات والعلاجات النفسية والعصبية ومفيش حاجة نافعة لحد ما فقدت الامل وقولت خلاص هحاول اتجاهلها مادام مفيش سبب عضوي وكان كل الاشعات والتحاليل سليمة لحد ما بدا شهر رمضان الكريم اول 3 ايام مجتنيش الخوارج غير مرة واحدة وقت الصيام فقولت يبقي السبب باطنة وللتاكيد استنيت يومين كمان وكان نفس الموضوع برضه فخلاص قررت اكشف باطنة المهمت روحت فقولت للدكتور علي مشكلتي المهم كشف واكدلي انه التهاب في جدار المعدة وارتجاع في المرئ وقالي ابعد تماما عن المشروبات الغازية والمقليات والبهارات والتوابل واللدهون طبعا انا في الاول مكنتش واثق في العلاج لان الاعراض بتاعت التهاب جدار المعدة وارتجاع المرئ مكنتش كلها عندي بس استسلمت وقولت اجرب مش هخسر حاجة خدت ال3 انوع علاج اللي كتبهوملي الدكتور لمدة 5 ايام طبعا اختفت الخوارج نهائيا لحد انهرده بس احيانا بتيجي مرة في اليوم واحيانا متجيش طبعا ده تحسن كبير جدا علي العلاج بعد ما كانت مبتفارقنيش طول اليوم وانا مخدتش منه غير 5 ايام والدكتور اكدلي ان هاخده 4 اسابيع فطبعا بعد كده هتختفي حتي المرة الواحدة اللي بتيجي دي كانت تجربتي مع الخوارج يارب اكون افدتكم وشكرا

ما شاء الله , من هل الحال للاحسن ان شاء الله

حبيبي ربنا يخليك

ماهي خوارج الانقباض ؟ لها علاقه باضطرابات الهلع

الخوارج ببساطة بتبقي زي ضربة او نغزة في القلب بيتفاوت عددها في اليوم من شخص للتاني وبتيجي ممكن ضربة او نغزة واحدة او بتبقي علي شكل رفرفة كذا مرة ورا بعض و اه ممكن يكون سببها هضمي او قلبي يعني يكون ليها علاقة بخلل بسيط في كهرباء القلب و في معظم الحالات مش بتكون خطرة او يكون سببها نفسي وعصبي

يعني الخفقان قصدكم

طيب اذا فحص التخطيط العادي والمجهود سليم يبقى سببها كهرباء القلب ولا شي ثاني ولا ايش

طيب اذا فحص التخطيط العادي والمجهود سليم يبقى سببها كهرباء القلب ولا شي ثاني انا زيك ضربات ونغزات وضيق نفس وتشنج عضلات الصدر مكتومه

انا سالت كذا دكتور في الموضوع ده قالولي ما دام تحاليلك سليمة يبقي انسا موضوع القلب ده نهائي لان اي مشكلة في كهرباء القلب اي دكتور بيعرفها من رسم القلب ومش محتاجة ايكو او جهد احنا عملنا كل الفحوصات والتحاليل يبقي نطمن بزيادة
واي دكتور بروحله بينصحني اروح لدكتور باطنة او مخ واعصاب فاطمن/ي حضرتك

فعلا لاحظتها مع الاكل بتزيد ومع قل الاكل يتخف كثيييييييييييير

نأمل إفادتنا بأسم العلاج الذي صرفه لك الدكتور للبطن ، وهل الخوارج التي تأتيك يصاحبها كثرة تجشؤ ، ولك جزيل الشكر

ايش تجشؤ

وش صار على العلاج

الله يتمم عليك الشفاء

ربنا يشفيك بس ياريت توضح لنا العلاج