نفساني - المساعدة تكفووووووون لصديقكم الجديد..please

اولا السلام عليكم وانا ضيف جديد عندكم هنا بالمنتدى وانا شاء الله ماكون ثقيل عليكم..
اخـــــــوكم جـــــــارح و آآآه من اللي فيني..
يا جماعه انا فيني مشكلة الخوف واحمرار الوجه بشكل ملفت وتصبب عرق غزير اذا كنت في مواجه او وسط مجموعه من الناس وبدأت بالكلام او حتىبالمزاح ينتابني حالة خوف شديدة مرررررة ويحمر وجهي بدون سبب واتصبب عرق مما يفلت الاخرين لي وانا ماودي احد يقولي وش فيك وش صاير لك .. كم مرة صارت معي والله العظيم يوميا تصير معي الحالة هاذي وحاولت اني اروح لطبيب نفسي مهما كلفت الامور بس المكشلة انه مالقيت عيادات نفسية بالروضه (ساكن بالرياض وادرس بالظهران) ونفس الوقت انا طالب عسكري وقتي ما يسمح لي اروح ازاور دكاترة نفسية وهذا اللي راح اسويه انشاء الله متى ماتخرجت لكن ابي حل عاااااااااااجل لمشكلتي تكفووووووووون وانا والله فرحت واستبشرت خير اول ماعرفت هذا المنتدى وقلت راح القى الحل هنا عند اخواني الدكاترة النفسيين وراح يتفهمون حالتي الللي والله معقدتني ومسببه لي الاحراج حتى من اقرب الناس لي وهم اهلي واخواني وزملاء الدراسة .. واكثر ما تنتابني هذاي الحالة وقت الدراسة اخاف من نظرات المدرس الي والطلبة واشعر بالموت والخوووف اللي ماله حد اذا وجه المدرس اللي سؤال او كنت في جلسة عادية سواء مع الزملاء او الاهل ((طبعا غير متزوج انا وعمري 22 سنه)) وصار الكلام موجه الي سواء مزح او غيره تنتابني الحاله و تبدء الاعراض السابقه احمرار الوجه وتصبب العرق ولو كان الجو باااارد .. وانا والله ما بالغت ولا بحرف من اللي قلته والله يشهد على ماقول واسف للأطالة عليكم اخوني.. وتراني من كثر ما درت ولفيت بالموقع هنا وقريت من مشاكل الاخوان واطلب من الله ان يشفيهم جمعيا اشتريت اليوم (بالتحديد) دواء الاوروريكس ومن بكرة انشاء الله ببداء من نفسي العلاج وعسى الله ان يكتب لي ولكم الشفاء العجل باخذ حبة وحده يوميا.. ماريكم وانا انتظر ردكم القريب العاجل ...
(((مشكلة اخرى والله ثم والله انا اسف على الاطالة تعرفون العسكرية ماتسمح لي بالخروج الا يوم الاربعاء والخميس بس اذا لم يتم توقيفي لكن راح انتظر ردكم الاسبوع القادم انشاء الله))))