استفسار عن كبسوله عشبه شجره القديسين
 

السلام عليكم
انا قرأت عن هذه الكبسوله وانوي استخدامها بأذن الله
لكن حبيت استفسر عن نقطه عن هذه الكبسوله انه خلال فتره استخدام الكبسوله يجب عدم التعرض للشمس
يعني م اخرج من البيت تماما ولا كيف ؟

العشبة تستخدم لحالات الاكتئاب الخفيفة والمتوسطة .. يعني في حالات نوبات الهلع والقلق ربما لا تكون خيار مثالي للعلاج حسب كلام الأطباء ..

امممم ي ليت لو تجاوبني ع استفساري اخي ابو لطيفه

شوف وانا اخوك تراها تعتمد على اجسام الناس يعني بعضهم يستفيد منها وبعضهم مايستفيد بس اهم شي لازم تراعي عدم اكلها على معدة خاوية لازم تاكلها مع الاكل لانها حارة على المعدة ويمكن تسبب التهابات في المعدة والامعاء وتهيجات في الجهاز الهضمي بشكل عام عند بعض البشر

اخي الحكيم الفاضل
انا بنت
والف شكر لك اخوي م قصرت
لكن ايش الخطوره من التعرض للشمس اثناء فتره استخدامها
وانت جربتها وجابت نتيجه معك

نعم جربتها وجابت معي نتيجة بس انها سببتلي تهيجات في الامعاء والمعدة وضطريت اتركها وترا ماهو بشرط اي واحد تجيه تهيجات في المعدة فقط 2% هم اللي تصيبهم التهيجات...

وبعدين اذا انك تفضلين استخدام الاعشاب في علاج الاكتئاب فيه اعشاب كثيرة غير عشبة القديسين تفيد في الاكتئاب مثل لسان الثور وحسب تجربتي لعشبة لسان الثور هي الافضل من كل انواع الاعشاب في علاج الاكتئاب ونوبات الهلع اذا كان مصاحب للاكتئاب غثيان وقلة شهية وفقدان الوزن وعدم القدرة على النوم...

واذا كان الاكتئاب يصاحبه شهية زائدة للاكل وشره عصبي وكثرة النوم فعشبة المليسة او الترنجبان افضل على الاكتئاب من هذه الناحية ولكن كل عشبة لها طريقة استخدام واعراض جانبية تختلف عن غيرها

انا ابغى استخدمها بس عندي حموضه وقولون والتهاب فالمعده ينفع استخدمها والا لا.
اما بخصوص انو مستخدمها لايتعرض لشمس قرأت فاحد المنتديات لانها تسبب حساسيه جلديه والله اعلم لا اعلم مدى صحت هالمعلومه .

اللي عنده التهاب في المعدة او الامعاء ماينفع يستخدم عشبة القديسين لانه حريفة لذاعة للمعدة والامعاء او ذا مرة مصرة على استخدامها استخدميها مع الاكل او مع شيء يبرد حرارة العشبة مثل الحليب او الخيار او البطيخ او اليقطين بس بعدين لازم تتحملين النتائج اذا سبتلك مغص شديد واسهال لان العشبة ماتصلح للمصابين بالتهابات في الامعاء والمعدة من الاساس

إستخدمتها ولا إستفدت منها أي شيء

اها مشكورين والله فرحت فيها قلت شي طبيعي ويمكن يخفف عني بس بصراحه جهازي الهضمي لايتحمل اكثر مما فيه ....لعلها خيره باذن الله.

ليش انتي وش عندك بالضبط في جهازك الهضمي ؟؟؟

ترا للمعلومية العلاقة بين الجهاز الهضمي والجهاز العصبية علاقة طردية يعني اذا عندك التهاب في المعدة والامعاء والمريء لها دور على النفسية وتسبب نوبات هلع وقلق وفزع ليلي وكوابيس واحلام هائلة ...

واذا عندك اكتئاب ونوبات هلع تأثر مباشرة على الجهاز الهضمي وتسببلك امراض في الجهاز الهضمي ناشئة عن الجهاز العصبي....

لانه انا حاليا اعاني من التهاب المعدة والامعاء والمريء بس يوم مشيت على الحمية وبعض الاعشاب عشان الجهاز الهضمي عندي يتحسن لاحظت ان النفسية تغيرت عندي 180 درجة بدون استخدام اي علاج نفسي

انا من زمان عندي قولون متهيج دايم مغص واضطرابات بعد بعض الاكلات ..
لكن بعد الهلع صار عندي حموضه والتهاب ..بذات مع التوتر تزيد الحموضه عندي..
وما اخذت اي علاج ولاروحت كشفت ...ولا اتبع حميه..

طيب انتي على كذا لازم تتبعين حمية عشان مايتفاقم عليك وجع القولون وتزيد حدة الالتهابات مع الزمن ..

وترا للمعلومية اكثر الشعب يقولون عندنا قولون عصبي او هضمي او التهابي وهو في الحقيقة ماعندهم شي في القولون يمكن مجرد ديدان او غازات ..

لان القولون اذا صاب واحد يجيه اعراض مثل اعراض الذبحة الصدرية وخفقان شديد في القلب وتطريش والم رهيب في البطن وحرارة مثل النار ودوخة شديدة ولا تروح هذي الاعراض الا اذا راح المريض المستشفى واعطوه ابره مسكنة ومضادات للتقلصات عشان يخفف الالم...

وللمعلومية انا عندي قولون واذا هاج علي اقعد اتشهد واحس نفسي باموت وخفقان في القلب وتطريش ووجع شديد في البطن مثل النار لدرجة اني ما اقدر اسوق السيارة عشان اروح المستشفى ماغير اتصل على الاسعاف يجون يشيلوني او اتصل على احد اقاربي او اصحابي يشيلني على المستشفى ...

واذا انتي متأكدة ان عندك التهابات (وانصحك تسوين تحليل في المستشفى لانه يمكن ديدان او فطريات) لازم تحتمين عن الاكل الحار مثل الفلافل والثوم والبصل والزنجبيل وكل مايجري في مجراها وايضا الاكل المقلي والسكريات ....

وفيه فاكهة جدا ممتازة للالتهابات وحموضة المعدة وارتجاع المريء والحرقان اسمها السفرجل ...

وهي فاكهة تشبه التفاح تقشرينها وتاكلينها حبة او حبتين في اليوم ولها مفعول سحري في الشفاء من ارتجاع المريء والحرقان والالتهابات وايضا لها مفعول قوي في علاج الاكتئاب وتفريح القلب بس داومي عليها فترة مع لبان الكندر وانشاء الله تروح الالتهابات بس اهم شي الحمية وبعدين انصحك تاكدين وتسوين تحاليل في المستشفى يكون افضل

جزاك الله خير اخوي انا والله ما كشفت بس بناء على احس فيه عرفت انها حموضه وقولون وانا دايم معي خفقان والالم جهة القلب مع الكتف من الخلف والذراع ومغص شديد بس لحظات بعد الاكل ويروح بس مولدرجه اني اروح المستشفى يشد علي شوي ويخف ..وان شاء الله اعمل تحاليل واتاكد..