|
قصتي كاملة من طفولتي رهاب كبير وهلع وانفصام حتى شبه الشفاء
السلام عليكم
كيف الحال؟ هذي قصتي كاملة منذ طفولتي حتى الان عمري 20 تقريبا منذ عمر 6 سنوات حتى الان !! اعرفكم على نفسي: لدي رهاب وامراض نفسية كثيرة مثل الفصام والهلع كانت البداية بوجودي على الحياة بمن ذوي الاحتياجات الخاصة وكانت لدي امراض كثيرة جدا مثل العرج وقصر النظر (لبس النظارة) وميلان الرجل وتقوس اليد وقصر القامة وتقوس الظهر وتشوهات مفاصل وامراض كثيرة مثل الجلد في اليد حيث فيني مرض نادر جدا في اليد وهذا سبب رهابي حيث كنت استحي واخجل من امراضي جدا كنت في طفولتي عمر 5 سنوات العب والهو مع الاطفال مع اقاربي لكن كان عندي رهاب كبير مع الناس اللي نقابلهم قليلا مثل الجيران وفي الاماكن الكبيرة مثل العروس والسوق دخلت المدرسة بعمر 6 او 7 سنوات اولى ابتدائي كنت اعاني بشكل كبير من الرهاب فكنت اجلس لحالي في الفصل ( عشان كذا سميت الموضوع رهاب كبير لان حتى اللي فيهم رهاب يطلعون من الفصل ) ولا اكلم احدا ويعتبر شي كبير لو كلمت احد في المدرسة مثل صديقات الفصل استمريت على هذي الحالة واذكر كانوا البنات يقولون لي تعالي العبي معنا لكن في نفسي كنت اشعر بالحرج فلا العب معهم واذكر الابتدائي كله كذا اما خارج المدرسة صحيح العب لكن اللي نشوفهم قليل مثل اقاربنا من بعيد اشعر بحرج واانا اتكلم واتمنى ان لا نذهب لهم واقاربنا مثل اعمامي وخالاتي العب عادي لكن المشكلة في الرهاب اللي عندي مع الناس اللي نشوفهم قليل وحتى العروس والاسواق اي مكان كبير استحي واذكر مره كنت في المدرسة مسوين حفل امهات مدري حفل تكريم مدري ايش لاني نسيت وماطلعت في المسرح وعلى اني كنت ناوية اطلع وكل شي اخر لحظة خليت بنت بدالي تطلع بدلا مني ! لان فيني رهاب والسوق استحي منه كنت اقول ليش اروح هناك بيناظروني كالعادة - نظراتهم كانت عادية لكن كنت احسبه يناظروني لان فيني امراض - وهكذا قعدت على هذا الحال حتى المتوسط كنت في المتوسطة وصرت مااقدر اطلع من البيت ولا اكلم اهليي حتى بسبب شي فيني ( اعتذر عن قوله ) لكن مو امراضي اللي ذكرتها لا شي ثاني يعني صار فيني رهاب اكبر من اللي قبل فودوني اهلي امي وابوي واخواتي لاكبر مستشفى اهلي ومعروف لكن ماتحسنت حالتي ابدا وصرفنا 3 الاف تقريبا على الفاضي حتى اهلي قالوا للمستشفى اللي اتعالج فيه - انا اتعالج مثل ماقلتلكم من ذوي الاحتياجات - ودونا للدكتور النفسي ومن ودوني للمستشفى اسالوني اسئلة بسيطة وعطوني دواء على حساب الحكومة وهو دواء abilify طبعا ماصرفنا شي لان الدكتور والمستشفى والادوية على حساب الحكومة يعني اخذ ادوية مجاانا صرت اروح مع الناس بشكل عادي حتى اني صرت جريئة حتى صرت اجرا وحدة بين اهلي كلهم وانا اللي كنت مااطلع حتى السوق !! واستمريت على هذا الحال وكل شي تشافى من رهاب وصرت ادرس في المدرسة واحول للفسحة ومااقعد في الفصل مثل اول الا اذا احتجت وسوينا حفلة تخرج للثانوية حضرتها امي واخواتي ثنتين وهذا كان من اجمل ايام حياتي مره حلو شعور التخرج والحفلة حلوة كثير وعزمت صديقتي على بيتنا - صرت اروح السوق بشكل كبير - صرت اروح الحدايق واسولف مع الناس بشكل جريئ واخر مره رحت امس للحديقة - صرت اروح العرس وانا مااستحي وارفع راسي بعد والحفلات كل شي طبيعي مثل الطبييعيين وحتى اجرا من الطبيعيين حتى عادت لي الامراض النفسية بشكل آخر يعني جاني مرض الهلع صرت احس قلبي يدق وان فيه مصيبة بتصير فرحت للدكتور قلت له ابي دواء حق الهلع وعطاني وتشافيت من الهلع لكن مااذكر اسمه الحين بالاخير تم اكتشاف حالتي بان فيني مرض انفصام وجداني ومعي تقرير الحين عن مرضي مكتوب فيه اضطراب الفصام الوجداني وأي سؤال أنا حاضرة انا الحين الحمدلله تشافيت بشكل طبيعي لكن كتبت شبه الشفاء في العنوان لان للحين على الادوية ولا حياتي طبيعية جدا بدون امراض |
اقتباس:
انا ترا مثلك شفيت في الثانوي من الرهاب ورجعت لي برضو وزادت عليها شوي اختلال انيه بس مع الاحتكاك في الناس صارت خفيفه الرهبه بس عندي في الاماكن المغلقه والازدحامات مع اني بعض الاحيان احسها امراض جينيه احساس كذا او مشاكل في الاعصاب والعلم عند والله يشفينا ويشفي جميع المسلمين |
ماشاء الله تبارك الله عليك
احييك واحيي فيك روحك ومعنوياتك العاليه انك قدرتي تتغلبين على مشاكلك الجسديه قبل النفسيه لان غالبا اللي عندهم مشكله جسديه لو بسيطه تلقينهم منطوين ومكتئبين لكن انتي بفضل الله كملتي دراستك واختلطتي مع المجتمع افضل من بعض الناس اللي مايعانون من اي مشاكل لكن منعزلين عن الناس لكن لي سؤال وشهي اعراض الفصام الوجداني،ممكن تذكرينها؟ والله يسعدك ويحقق لك كل ماتتمنينه |
اقتباس:
واسفة جدا على الرد المتأخر !! |
اقتباس:
|
مرحبا اختي احب اشكرج على طرح تجربتك ،، الحمدالله دائما وابدا الذي عافنا وانعم علينا بنعم كثيره لاتعد ولاتحصى ،، وان مررنا بظروف قهرتنا واتعبتنا فإن الله معنا هذا يكفينا ،، اود فقط ان انصحك ان لاتحطي مسميات الدكاتره في بالك ولاتعتمديه انتي بنعمه وخير عن الاف من البشر والحمدالله على نعمة الدواء ولكن الدواء الاول والاخير والمعجز القران فياليت ان يكون لك ورد يومي من كتاب الله بنية الشفاء او جدول رقيه والتركيز على سورة البقره وال عمران والحمد والمعوذات ،، تقبلي مروري وجزاك الله خير الجزاء ..
|
اقتباس:
|
| الساعة الآن 12:07 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا