رفيق الدرب ساكن الرياض طالت الغيبة ترانا رشحناك كمشرف للتجارب الشخصية.
 

هلا والله باخوي العزيز ساكن الرياض وش هالغيبة طمنا عنك الاسبوع الماضي كنت في الرياض لزيارة عمنا الدكتور السبيعي تراه شايب لا بغرك شبابه ;)
المهم سالته عنك وبصراحة الرجال يمدحك بشكل كبير.
المهم وانا اوخيك ترانا فقدناك وعلى العموم ترى اسمك من المرشحين لقيادة المنتدى منتدى التجارب الشخصية.وترانا شادين الظهر فيك.
اخوك عبياني.

بسم الله الرحمن الرحيم

اخي ساكن الرياض.. سلام الله عليك

كيف حالك .. انشاء الله انت واهلك بخير..

اخي عبياني سبقي في السؤال عنك

اي والله لك وحشه.. ياريت تطمنا عليك

انت والله تستحق وعن جدارة انك تكون المشرف على تجارب شخصيه

اتمنى ان غيبتك ما تطول

اختك ام احمد

اخوتي الكرام هانا اعود لكم
 

اخوتي الكرام جميعا

السلام عليكم ورحمة الله وبركاته

هانا اعود اليكم واعذروني لغيابي الطويل ولكن تأكدوا انكم في قلبي طوال هذه المدة والسبب الرئيسي لغيابي هو زي ماقلت لكم ماقدر ارد عليكم من العمل ومافيه الا من جهازي في المنزل كذلك اخوي جزاه الله خير اخذ جهازي وحاسه اصلحه الله وتوني مصلح الجهاز (شركناه شرك ببطاريه):D وهانا اعود اليكم مشتاقا مشتاقا جدا اليكم

بشروني عنكم عساكم طيبين ومن يعز عليكم

عموما ترشيحكم اني اكون مشرف المنتدى على عيني وعلى راسي وهذا نتاج ثقتكم لكن مثل مانتم عارفين علشان اكون مشرف لازم اتابع المنتدى بإستمرار وبشكل يومي ولكن ظروف عملي تمنعني من المتابعه بشكل يومي وزي ماقلت لكم طولة لساني اللي انتم خابرين انتهت بحجب المنتدى عن طريق العمل

لكن تامدوا اني متابع لكم وتراكم على راسي وانا تحت امركم في اي وقت

عبياني ياليت توصل تحياتي الحارة الى استاذنا الدكتور السبيعي

اخوكم بعد طول غياب

ساكن الرياض