جزاك الله خير الله يرفع عنك البلاء ويجعل ما اصابك تكفير لذنبك اللهم آمين

تفائل بالخير اخوي اشكو إلى الله والله يا كل كلمه تكتبها احس بألمها يمكن تقول كيف تحس بألمها راح اقولك من درس وجرب المعاناة ماهو زي اللي درس ولا جرب المعاناة وتبي بعد اقولك وش يقولون الناس المحيطين حولك اترك عنك الوسواس ما فيك شيء ما دام الفحوصات كلها سليمه صح او لا

اخوي اشكو الى الله أنت الله يهديك عند اصابك بالعارض هذا أخذت فحص شامل وما اخذت فحص بالمنظار على المعده هذا اللي زود عليك مشكلك من الأساس لو انك فاحص من بداية المشكلة كان ما صار فيك اللي صار لكن بإذن الله راح يتمم الله عليك بالشفاء مثل ما قلت تفائل بالخير

أنت تقول شريت

عسل اليانسون ولا تقول لي أنه اصلي الا اذا اتبعت اللي راح اقولك عليه الحين شف ابغاك تجيب ملعقة وتحط فيها شيء بسيط من العسل وتحط الملعقه هذي على نار هادية جدا وتخليه الين يغلي العسل ياخذ وقت وشف إذا تغير لونه اعرف أنه مغشوش واذا ما تغير لونه صار مثل لونه الاصلي اعرف انه اصلي .

أخوي اشكو إلى الله

ارسل رقم جوالك إلى اختي أمل الروح وراح ترسله لي وبإذن الله راح اتصل عليك واعلمك بكل الامور ومن يوم ترسل الرساله بلغني لالالالازم .

وحاب اقولك مقدما ً شيء طبيعي أنها تحصل لك انتكاسة لأن اساس المشكلة ما انحلت مشكلك الله يشفيك باطنيييييييييييييييييييييييية والعلاجات النفسية مخدره فقط وانت ما تدري الله يهديني ويهديك أن كثرة استخدام العلاجات تسبب اللتهابات وتقرحات . وأنا من اشد الناس على استخدام العلاجات النفسية الا في الحالات الصعبه خلال فترة العلاج .

وأتمنى من أي شخص يرجع لملفي الشخصي ويشوف مواضعي في كل ملتقى سواء بالرهاب او الوسواس او الهلع او الاكتئاب وردودي على الاخوان والاخوات في مواضيعهم لأن في كل ملتقى تختلف الرودود وكذلك ردودي على الاخوان والاخوات في مواضيعهم بعد تخلتف الردود و صدقوني بإذن الله راح تستفديون كلكم بس أبي منكم شيء واحد فقط دعوة بظهر الغيب ،،،،،،