حبيبة الورد

بيانات اضافيه [ + ]

رقم العضوية : 6157  تاريخ التسجيل :  04 2004  أخر زيارة : 22-06-2008 (06:46 PM)  المشاركات : 236 [ + ]  التقييم :  10

لوني المفضل : Cadetblue

صديقتي واختي الجديده...غلا...

اولا اسمحي لي ان ارحب بك في منتديات نفساني فمرحبا بك واهلا

واتمنى ان تستمري معنا دائما

بالنسبه لموضوعك انا بكون معاك صريحه جدا فلا تاخذي كلامي انه قاسي او انه يجرح صدقني انا فاهمه الوضع اللي انتي فيه

اول شي بنصرف نظر مؤقتا على انه اللي سويته من اول غلط.. انا ما راح احاسبك ولا لي الحق اصلا بس خلاص شي صار وانتهى وانا عارفه انك ندمانه عليه ولا ماكان الموضوع متعبك لهدرجه

في البدايه كان عمرك 17 سنه وهو عمر تكون فيه المشاعر مثل الورده المقفله اللي تستنى اللي يسقيها ويخليها تكبر

وسبحان الله صار اللي صار وربي ماكتب لك انه هالحب يشوف النور وصدقيني هو خير لك ان شاء الله وتاكدي من الشي هذا بس انتي خلي نيتك وداخلك يقول يارب انا غلطت سامحني واغفر لي ويارب انت صرفت عني هالموضوع فعوضني خير منه واجرني على صبري لاني ما ابغى اطيح بنفس الغلط مره ثانيه واحرصي انك ما تكرري نفس هذا الموضوع لانك انتي الوحيده اللي حتتعبي..

بعد ما انتهى هذا الحب اللي استمر اربع سنين هي اكيد من عمرك وراحت فعادي جدا انك تبكي مره واثنين وثلاثه ومليون المهم انك تعطي الحزن حقه علشان مو كل ما تتذكري الموضوع ترجعي تبكي من اول وجديد وتتعبي زياده

ولا راح اخبي عليك الوحده مننا اذا حبت حبت من قلبها وبكل جوارحها واذا اختفى هالحب فجائه وانتهى وماصار شي يشغل مكانه وصارت الدنيا سوداء من بعده بتعيشين بحاله عدم استقرار عاطفي وبتحاولين لا شعوريا انك تبحثي عن بديل انتي اكيد ما حبيتي بعد ما انتهت القصه على طول لا خليتي قلبك الى ما تشافى من بعض جروحه وبدأت فعلا تبحثي عن شخص ثاني

يمكن ما يكون في بالك انك تبغي تحبين مره ثانيه بس الفراغ اللي انترك من وراء الحب الاول وحاله عدم الاستقرار وعدم التوازن النفسي اللي كنتي فيه كانت هي المحرك الاساسي علشان تبحثي عن بديل وشخص ثاني وحتى لو ماكان هالشخص الثاني يستاهل

من الاشخاص اللي انتي قابلتيهم في النت يمكن هم اشخاص طيبين فعلا وكانوا بالنسبه لك اخوان وواحد منهم شخص مثالي ومهتم فيك علشان تنسي اللي مريتي فيه واهتمامه هذا خلاك انتي تتعلقي فيه بشكل لاشعوري

مثل الطفل الصغير يتعلق بكل من يهتم فيه حتى لو كان غريب عنه المهم انه يهتم فيه وخلاص يطبطب عليه يقول له شوف الدنيا لسه بخير

هذا مجرد وصف بسيط للشي اللي انتي مريتي فيه واتمنى انه يكون وصف صح

لا تندمي على شي راح الا على الذنب اللي صار يوم كنتي تحبين الشخص الاول حتى ولو كانت نيته زينه وصافيه بس اربعه سنين تتعلقين فيها بشخص غريب عنك حتى ولو كان قريبك استغفري ربك واطلبي عفوه لانه هذا اللي بيساعدك

والشخص الثاني كمان كان يكلمك وقابلتيه وطلعتي معه وهذا من كلامك لو فهمت انا شي غلط قولي لي هو صح كان بالنسبه لك اخ ويمكن لفتره تعلقتي فيه صحيح انه كان يهتم فيك ولا يحبك تغلطي بحق نفسك ولا يغلط معاك حتى بس يظل رجل غريب ويمكن فتره انقطاعه عنك علشان تتدريجيا يبعد عنك لانه حاس انك تعلقتي فيه ويمكن علشان هو طيب وما يبغى الشيطان ياخذه بغفله
ويمكن... ويمكن.... ماحد عارف ظروفه وبكل الاحوال هو حر انتي مو بحاجه له ولا لغيره

اللي ابغاه منك شي واحد لا تخليي ندمك على انه ماكان تبغي شي مثل هذا يصير من اول ماكان عمرك 17 سنه هذا شي مكتوب وصار وخلاص

خلي ندمك واحساسك انك اذنبتي واطلبي المغفره من ربي بس

ربي هو اللي بيساعدك وييسر لك طريقك كله صدقني

وقولي دايما الحمد لله على كل شي كل ما تذكرتي واوجعك قلبك قولي يارب عوضني خير ويارب انا اشكرك واحمدك الف الف مره على كل حال

واذا تذكرتيهم هم لا تقولين الدنيا ما فيها خير وهم تخلوا عني قولي الله يجزاهم خير لانه لولهم ما كنت انا اقوى التجربه هذي خلتك تكونين اقوى وانتي فعلا قويه

واعرف انك بتتجاوزين هذا الموضوع وبتجي فتره وتضحك على نفسك فيها من قلبك وتقولين يالله انا كنت كذا

لا تلومي نفسك ولا تحتقرينها ابد ابد ابد ولا يجيك خاطر ي بالك يقولك ايوه انتي هبله وماتعرفي تتصرفي شوفي ايش سويتي بنفسك وخليتي نفسك مثل اللي كنتي تقرين عنهم وصرتي صاحبه تجارب سابقه

انا ما اقول هالكلام علشان يجي في بالك انا اقولك علشان اذا جاء تصرفيه عنك

انا ما ابيك تزعلين مني او من صراحتي معك صدقني كلها علشانك

ويدي بيدك اذا حبيتي اساعدك ولا راح اتخلى عنك ان شاء الله

واعتبريها دعوه صادقه من اختك لك تحبك في الله

وصديقه ان شاء الله اكون خففت عنك واي سؤال او استفسار عيوني لك اختي


وانا اعتذر من الحين عن اي خطأ مطبعي لاني ما قريت اللي كتبته

ارق التحيات لك اختي ...

اختك...حبيبة الورد