نفساني - عرض مشاركة واحدة - جرثومة معده سببت اللتهابات ثم وهلع واكتأب ورهاب وسواس اليك القصص وبيدك الحل بأذن الله

22-11-2015, 07:11 PM

اقتباس:

المشاركة الأصلية كتبت بواسطة ربي يحبك

السلام عليكم ورحمه الله وبركاته ..
اخواني وأخواتي ما أبغى اقعد اتفلسف وارتب الكلام احب اتكلم بعفويه أفضل اسمحوا لي يعلم الله أن مافيه شخص زائر او عضو في هذا المنتدى الا يعاني من أكتاب واللي من هلع واللي من رهاب واللي من وسواس الموت واللي من الم بين الكتوف واللي من نغزات بالقلب واللي من غصة بالحلق واللي من حرارة بمنتصف الظهر ومنتصف الصدر واللي من ضيق تنفس واللي من كتمة واللي من خفقان بالقلب واللي من دوخه واللي ما يقدر يمشي واللي من صداع ألم بمؤخرة الرأس واللي من حرارة باليدين والرجلين رعشة برودة الاطراف نوبات البكاء حرارة بالبطن إمساك وأسهال أعزكم الله .

وكلها بسبب اللتهابات في المعده والقولون

وللأسف فيه الكثير توجه للعلاج النفسي ولا عرف وش المشكلة كل يوم ياخذ علاج نفسي ولو يتركه راح ترجع حالته اسوأ من قبل من غير ألاثار الجانبية اللي راح تسبب له ليه لأن الشخص من الناحيه النفسية سليم بس يبغى علاج عضوي .

وحبيت اذكر لكم قصص من عدة منتديات مع ناس عاشوا قصص رعب مع جرثومة المعده لكن للأسف كلهم ما عرفوا أن اللتهاب هو اللي مسبب الاعراض اللي يحسون فيها فجرثومة المعده امرها سهل كلها علاج اسبوعين وتقضي عليها لكن مشكلتها أنها دمرت المعدة والقولون وسببت فيهم اللتهابات والقروح وأثرت على الاعصاب
واللتهابات المعدة والقولون تستمر اشهر بل في بعض الحالات سنوات ويمكن طول العمر يعني لو تروح وتفحص مره ثانية راح يقولون لك ما فيك جرثومة بس ما راح يقول لك ما زال اللتهاب موجود لأنهم ما يقدرون يشوفونه الا عن طريق المنظار والمفروض على الشخص يعمل فحص بالمنظار افضل مية مره من الفحص عن طريق الدم والنفخ حتى يتأكد اللتهاب راح او الى الآن ما زال موجود وصدقوني تبي تعرفون أن اللتهاب راح إذا راحت الاعراض منكم خلاص اللتهاب راح لكن اذا استمر الألم معكم اعرفوا أن اللتهاب ما زال موجود .

لذلك يا اخواني ويا أخواتي أنا ما كتبت الموضوع هذا الا أبي نكون يد وحده وكل واحد منا يسأل ويبحث في النت ويتذكر اعشاب استفاد منها أو عنده طريقه تساعد المعده والأمعاء والقولون على أنها تعيد ترميم نفسها بطريقة سريعة وتخلص من اللتهاب اللي هو تهتك في غشاء جدار المعده ولأن اللتهابات والقروح مثل ما ذكرت لكم هي اللي مسببه الأعراض اللي ذكرتها فوق والجرثومة هي سبب المشاكل كلها وسبحان الله تقضي عليها باسبوعين بس ما تقدر تعدل اللي هي قامت بتدميره تهتك في غشاء جدار المعده والقولون وفيه ناس سببت لهم قروح الا إذا الله اراد ويمكن احد فينا يكون سبب وعنده علاج خاص للتهابات عامه لعله يتذكر ويقوله لنا .

وأنا استغربت من الكثير يقول استخدمت الثوم واستفد وهذا اكبر خطأ لأنه يهيج المعده ويزيد اللتهاب والزبادي قليل الدسم هو اللي يخفف اللتهاب والثوم ما له علاقة والمفروض ان الواحد يا كله مطبوح حتى يصير بارد على المعده واللي يقول قشر الرمان وهذا بعد اكبر خطأ المفروض لب الرمان واوواواواووا لـــــخ

لذلك اتمنى من الكل يشارك لو حتى بكلمه بس نطلع بنتيجه وكل اللي في هذا المنتدى يستفيدون ما نقعد كل واحد يشكي على الثاني المفروض ما نشكي الا على الله والواحد منا يبحث عن طريقه كيف المعده والقولون تحاول تساعد نفسها طبعاً فيه ناس استفادة من الحمية والعلاج والقرآن وفيه ناس ما راح ما زالت تعاني من الاعراض عندها وهذا يدل على وجود اللتهاب .

القصة الأولى

اول ما جتني جرثومه المعده اكلت قطعه من شاورمه كانت له يوم مجلسه فوق المايكرويف .. بعده احسست بضربات سريعه بالقلب يعني نوبه هلع وكانني بموت بل اعتقده انه الموت بنفسه بعده كتمه وضيق في التنفس ارتجاف وخصه بالحلق مع العلم اني اعاني من رومتيزيم في عضلات القلب منذ ان كان عمري 14 سنه ..رحت لمستشفي عملت تحاليل شامل وضغط وحراره واخذت اشاعه وتخطيط للقلب طلع كل شي سليم ..لاني سويت تحليل مثلث ما اعرف بظبط اسمه بالطب ايش بيسمونه ..هو عباره عن فحص يكون من القلب اذا سليم يكون من العضلات اذا سليم يكون من المعده ..استشار علي الطبيب ان اعمل تحليل للمعده وهو كيس تنفخ فيه هواء . وبعده اخبرني انه عندي جرثومه بالمعده ..هذي الجرثومه اتسبب قلق وتوتر واكتآب صداع حرقان حراره بالمعده غصه بالحلق بعض الاحيان كانك ودك اترجعين ..لو تاكل تحس بشبع لو كاست مويه وتحس كتمه ضيق تنفس وتوتر ..
صرف لي علاج واحد احذه 3مرات باليوم والثاني 2 مرتين بعد الفطار والعشاء والثالث قبل العشاء بنص ساعه ..بعده رجعت للبيت ومزال الخوف يلازمني قلق وخوف قلق وخوف وسواس الموت ..استمريت علي العلاج لمده اسبوع واحس الاعراض الجسميه خفت بس الاعراض النفسيه احسها ملازمتني بكل ثانيه .تجيني ضيقه صدر فجأه وودي اصيح وخوف بشكل موب طبيعي .. يعني ما ارتاح الا اذا نمت وبعض الاحيان افز من نومي .. قلت مالي الا افتح النت وادور عن جرثومه المعده ..وبلفعل قريت عنه وعرفت انه الاعراض تختلف من شخص الي شخص آخر .. اخذت بنصيحه بعض الاخوات اللي كانو يعانون من هذي الجرثومه بكاس مويه وملعقه عسل علي الريق اذوبه واشربه بعد كذا افطر شئ بسيط واخذ علاجي والغداء والعشاء نفس الشئ وفصين ثوم تفرمينهم مع الزبادي قليل الدسم وتاكلينهم انا كنت اكل ولا ربع العلبه لاني اشبع بصرعه وحتي لو شربت بس كاس واحد مويه خلاص هنا احس كتمه وتجين ضيقه وتوتر وقلق ..يعني من يوم ما حللت وبعد العلاج لدرجه اني اجلس اسبوع كامل ما ادخل دوره المياه الا مرتين او ثلاث مرات تقريبا وانتم بكرامه حتي البراز في بعض الاوقات ما ابرز كثير يعني مره بالاسبوع وانتم بكرامه ..بعض الاحيان احس بحراره ببطني وا مغص .. الغازات اللي تطلع من الفم جدا مريحه لاني احس انه اطلع الهواء .. بس الاعراض النفسيه اه اه انا علي وجه اختبارات وصار لي اسبوع غايبه ..اخذ العلاج ارتاح من الناحيه الجسميه بس الإرتجاف والخوف لازال موجود .. لدرجه اني ما اعرف وش اكل ..يعني متعوده علي الحرار علي البهار علي االوجبات السريعه صرت ما ادري وش اكل ..بحثت بالنت عن الاكل المناسب واجمع انه يكون زي الحميه الغذائيه .. يعني مسلوق مسلوق مسلوق بس ابتعد عن الاشياء الله اتسبب انتفاخ بالبطن زي الخيار والملفوف والاأشياء اللي زي كذا ..بعدين داومت بالكليه اول ما سمعت ااصوات البنات حسيت بخوف او رهببه ..لاني تعودت انام واحوس حول امي ..الله يخليه لي ..بعدين سلمت علي صديقاتي وجلست معهم الحمد الله ان اختي معي بالكليه ولا كان صدق عشت بخوف .. المهم مع السوالف وكذا حسيت اني اشواء اشوي بس الاعراض النفسيه متعبتني للحين ..بعد 14 يوم رحت لمراجعه بالمستشفي لان اعلاجي خلاص وسويت تحليل للجرثومه عن طريق النفخ داخل كيس والحمد الله طلعت اخف من قبل اول تحليل كنت 14،8 والتحليل الثاني 0,8 .. صرف لي علاج بس اللي قبل العشاء بنص ساعه لانه يقول بطانه المعده للحين تعبانه ورجعت اخذ علاج نقص فيتامين د ..اللي هو حبه كالسيوم بعد الفطور وحبه فيتامين c بعد الغدا ..وحبه للمعده عن الجرثومه قبل العشاء بنص ساعه ..وامداومه عليه من اسبوعين ..بس الاعراض النفسيه تروح وتجي ..يعني اكون اكويسه بالنهار اقلب باليل .. والعكس ..بعض الاحيان من خوفي الشديد اصير ارتجف صرت انام اغلب الاوقات عند امي .. اول كنت احس برجفه وكتمه لما رحت لمستشفي حكومي عند دكتور ممتاز قالي انه هذي من النفسيه وصرف لي شراب هستوب اخذه 5 ملي قبل النوم ..بس عشان يهدين اشوي
كنت قبل اذا خفت او جت اي حاله الخوف كان كل الخوف احسه ببطني حتي بعد ما خفيت بعد التحليل الثاني نفس الشئ احس الم ببطني وكتمه ودي بس اصيح احس زي الغصه 😔 .. مع اني احاول احاول اشغل نفسي اساعد امي واضحك مع اخواني بس ماش احس قلق من شدته راسي يثقل من التفكير ..لدرجه اجلس لحالي او افكر اني اروح لحالي مقدر ..حتي دوره المياه صرت اخاف اروح له ولا اتروش ولا افكر اطول له ..
جو الجامعه احسه يلهين اشوي او يخلين انسئ اشوي .. حتي لو خفت بعض الاحيان انام عند اختي ..من يوم ماجتن الجرثومه ونا صايره كلمه او اي شي ينهرج لي او الم بسيط بجسمي خلاص كلي احس بعوار ودوخه وخوف ..
الله يشفين يارب ويعافين وينزل علي لباس الصحه والعافيه وكل مرضئ المسلمين يارب العالمين ..

بعد اسبوعين من التحليل ..حسيت بكتمه والم شديد من جهه القفص الصدري علي اليسار وحراره موب طبيعيه تجي وتروح ..رحت للأخصائي وقالي انو جرثومه المعده راحت نهائي بس فم المعده للحين مفتوح هنا يسبب حراره وكتمه للمرئ ويسبب لي ضيق بالتنفس وكتمه .. وصرف لي علاج وجد مرتاحه معه لاني اذا اخذته احس معدتي مرتاحه واكل بدون وجع ..وهي حبه قبل الفطور بنص ساعه وحبه قبل العشاء بنص ساعه واعلاج ثاني اكله بس قبل العشاء بنص ساعه .. بس حابه اعرف قريت كثير مواضيع عن جرثومه المعده بعضهم قال انه فتره وتروح وبعضهم قال بدايته كانت الم بمعدتي بس انا اب. اعرف اللي جتهم زي الخوووف او كذا فجأه .. وانا عرفت انه من اكل المطاعم 😔💔 .. بس الحين وس اسوي بحالتس النفسيه والله صايره اخاف مره يعني حالتي انتكست بعد الجرثومه .. ما اعرف وش اسوي !! والوسواس ذبحني وما ودي اتعود على مهدأت .. 💔

طبعا المرضوع اللي فوق انا كاتبته .. وحبيت اكمله بعد العلاج والحاله النفسيه .. وراح تلقون اغلب المواضيع اللي كاتبته انا في نفساني كله عن الجرثومه .. وخلفت لي الجرثومه القالون .. كرهت عيشتي ليل نهار ابكي حتي ما انام . .. كل اللي يقراء عن الجرثومه ابيك تعرف اشيااء وتحفضها كويس .. راح يجيك وسواس الموت .. وراح يجيك خفقان وخصه بالحلق وحموضه وارق وبكااء وتوتر وقلق .. بعدين العلاج استمر عليه ولا اتخليه .. واهم شي المشي لانه يشد الاعصاب .. وكمان الأكل صحي .. ووقت العشاء شربه بيضاء خفيفه .. قبل النوم بساعه او ساعتين .. لا تتدر ادراستك ولا شغلك .. ولا تجلس بروحك واسأل مجرب ولا تسال طبيب .. كله فتره وبتعدي .. واهم شي مويه زمزم اشربها علي الريق اذا ما عندك جيب مويه واقراء فيها ايات اترح النفس .. ممنوع تاكل المقلي والبهار والحوار والغازيات والشاهي والقهوه ... وحاول اتخلي طبيبك يعطيك قائمه بالأكل اللي مسموح تاكله سوره البقره لا تتنساها وقراءه القران كل ما تقراء انفث بمويه او علي نفسك .. وانتبه تسترسل بالأفكار انتبه .. الجرثومه راح اتصيبك بالجنون حاول تمسك نفسك .. نوبات الهلع طنشها واول ما تحس انه بتجيك امسك نفسك ولا تجري .. ( اجلس مكانك ) ضم نفسك وحاول انك ما تصارخ وتعوذ بالله من الشيطان الرجيم بعد ما تروح استرخي وكمل حياتك .. كنبت هذا عشان راح تقراء كثير ناس جتهم الجرثومه وسببت لهم حاله نفسيه .. يعني الزبده ماراح تبرد كبدك مواضيعهم .. انتظم علي العلاج وعلا الاكل الصحي السليم .. واذا حسيت بكتمه خذ لك بخار ماراح يضرك .. وصل علي الحبيب عشر مرات

القصة الثانية

جرثومة المعده وأعراضها واليوم سأتحدث بالتفصيل عن كل دقيقه مرت بحياتى خلال السنه الماضيه منذ إصابتى بها في أول يوم من رمضان للعام 2013 وبعد الإفطار مباشرة شعرت بإحساس غريب جدا يحدث داخل جوفي ضربات بالمعده والقلب معا مع هبوط حاد فى الدوره الدمويه استمر لليوم الثانى فكانت نفس الأعراض حينها قررت الذهاب إلى المستشفى وكان المستشفي بشارع البترا لايف لاين هناك تم إجراء الفحوصات وشكوت الأعراض للمرضى كانت فلبينية وعلي الفور تم تحويلي الي الأخصائي وكان عراقي الجنسية شكوت له الأعراض فقال لي لابد من قياس النبض لديك لمده يوم كامل تم تركيب جهاز صرت كما الرجل الآلي حضرت في اليوم الثانى وقال لي نبض غير مستقر كتب لي أدوية قلب ومهدات لم أتناول أدوية القلب فقد كانت لدى حاسه قويه بان هذا الشئ بعيد كل البعد عن مرض القلب مرت 4اشهر تغيرت خلالها اعزكم الله الفضالات بلون يميل الي الصفار الي ان انتكست بعد وجبه دسمه كانت مليئه بالفلفل الحار والمخللات فحدث معى فجأة ودون سابق انزار

*انتفاخ بطن
*غازات
*قلقل
*توتروعصبيه
*دمامل بالوجه
*حساسيه صدر لم ينفع معها علاج
*لوعه كيبد وفقدان شهيه
*دوخه
*حموضه عاليه
*ارتجاع مرئ
*ضريات قلب
*خوف وهلع
*تنميل اطراف
*وسواس قهرى يجعلك تفسر كل شء كما تتخيله انت
*اضطراب بالنوم
*الاام معده بشده
*انطوائيه وحب الجلوس وحيدا
*بكاء من دون سبب
*صداع دائم
*زغلله عيون
*اسهال حاد
*الم في فم المعده
*مرارة بالحلق
*واشياء اخرى غريبه الوصف

ذهبت الي مستشفى النور بعد ان اغمى علي من الالام المبرحه وقابلت طبيبه شخصت مرضى علي انه ارتجاع بالمرئ وتم صرف ادويه عباره عن مضاد للحموضه تم اسبوع والحال بحاله جن جنونى اصبحت اتمنى الموت ولا اجده عاودت المستشغي وقابلت اخصائ سودانى الجنسيه فقرر عمل منظار لي فكانت بعد 16يوم من مقابلتى له نسبه للازدحام الشديد مع العلم ان الحد الاقصى لبطاقه الضمان خلص وصرت اتعالج من دةن يطاقه بسبب كثر زهابي للمستشفيات اليوم هو اليوم المحدد للمنظار تم تخديرى واجراء المنظار فاكنت النتيجه الجرثومه اللعينه اتش بايولري سبيت اورام يالمعده والحمدلله سليمه لاكن كانت بدايات لقرحه حاده تم صرف علاج ثلاثي لي يالله منه بعد استخدامه هلع خوف بكاء قلق حتى اننى اتزكر كنت اركض خارج المنزل من دون سبب افكر يالموت سبب لي العلاج قولون واشياء غريبه احساس لايعرفه الا من جرب اللعينه ومع دعاء امى وابي حفظهم الله تماثلت ينسبه 50%للشفاء

وانتظر باقي تحسن حالتى للاخر وقد خرجت يمعطيات هي
#سبب تدهور حالتى هو سؤ التشخيص من الاطيباء
#كل شخص يتعالج من الجرثومه يصيه قولون هضمه ليس عصبي فهنالك فرق
#سبي اصابتى بالقولون هو خوفي من تناول الطعام فاحرص علي عدم التفريط في وجياتك حتى وان كانت بسيطه
#كل اضطراب ياليطن لابد لك من ان تطالب انت بفحص الحرثومه البراز والنفخ وان استفحل الامر اجرى منظار معده
#طالب بطبيب عربي فلم اتأزى انا الت بسبب الاطباء العجم وغير العرب
#سبب حساسيه الصدر عندى كانت بسبب دخول حامض المعده للرئه
#سبب الدمامل عندى كانت حموضه عاليه بجسمى
#الاسيوين لايستخدمون المياه للنظافه بالحمامات فقط مناديل ار :0016جو ان تكونو قد فهمتمونى
#سبب اصابتى بالجرثومه كانت عين ((الاسيويين عندهم ثقافه النظر لطعامك ولايعرفون كلمه ماشاءالله))فقط يعرفون الصلاه 16ركعه يعد الفرض اسلام ناقص
صبر الله كل من اصيب يالجرثومه وما كتبت ذالك الا لتعم الفائده انتظر ردودكم
وتقبلو تحياتى

القصة الثالثه

ليذهب الأطباء إلى الجحيم

ولتذهب معهم مستشفياتنا التي أصفها بمشرحة

بشرية لا ترحم الأجساد ولا الجيوب ؟؟؟

يا إخوتي :

هذه قصّتي مع المرض الذي أقلقني وعفّس حياة

أهلي ,,, !

المعدة ضاربه والأمعاء كأنّها متشققه من الآلآم

ما أقدر آكل زي الأوادم وحرقان وغثيان وحرارة

دكتور قال إلتهاب قولون !! والثاني قال تقرحات

في القولون بسبب جرثومة المعدة ؟؟؟ وهذا بناءآ

على نتيجة المنظار اللي عملته للمعدة ؟؟؟

طيّب العلاج يا دكتور ترى بطني خاااااااااست

أعطاني دواء لمدّة 40 يومآ !!!

راح أسبوع ومعاه أسبوع بدون أي تحسّن ؟؟؟؟

كمّلت الشّهر ( وبرضه مفيش فايده )

زارني رجّال أسألأ الله العظيم إنه يوفقه دنيا وآخره

قال يا أبو غلا :

علاجك في اليوم ما يتعدّى 20 ريال !!!!

قلت تكفى وأنا والله من يدّك هذي ليدّك هذي

وجيبي واللي فيه تحت أمرك والعافيه أشتريها "

قال هي اطلع كل يوم للمغمّس وعليك بحليب النياق

وبالفعل والله يا إخوان ما عدّت الثلاثه الآيام الاولى

إلا وأنا أشم العافية ؟؟

لا وجع معدة ولا جرثومة ولا التهاب قولون

ولا وجع ولا قرف !!

هذا كلّه من حليب النّياق يا بلاش !!!

ياللي ابتليت في بطنك لا تحزن ولا تهتم

خلّك على حليب النّياق أقسم بالله إنّها آية من آيات

الله الكريم "

وأزيدكم من الشّعر بيت المسافة ما بين بيتي وموقع

النّياق تقريبآ 23 كلم يعني 46 كلم رايح جي

بدون كلل أو ملل وما زلت مستمر إلى يومنا هذا

وبأمر الله لن أقطع هذه النّعمة الرّبانيّة "

وأسأل الله العظيم أن يبارك لنا فيه ويزيدنا منه

اللهم هل بلّغت اللهم فاشهد

اختي صارلها جرثومه في المعده ويتها حاله نفسيه كله تقول انا بموت وعيالي صغار وتخاااف وااااايد من الموت وطااريه وتخاف تنام بروحها وعصبيه بشكل فضيع وماخلت عياده ولا مستشفي في العين اما راحتله وكله يعطونها مضادات وادويه بعد شهوووووور بدت تتحسن شوي شوي وحمدالله الحين من سنتين وصارت احسن
جرثومة المعده يبالها وقت الله يشفيج

القصة الرابعة

السلام عليكم بنات شحالكم

مثل ما شفتو العنوان انا صارلي شهرين فجأه تغيرت حياتي كلها

تعبت تعب كبيييير خوف هلع دقات قلب سريعه وسواس ويع في المعده فضيع لوعه

اعصاب في الرقبه والاكتاف وتعب وخمول اعتزلت عن كل الي احبهم

من بدت هالحاله عندي ماخليت مطوع الي يقولي عين والي يقول سحر

والحمدالله مداومه ع البقره والاذكار.

ومن اسبوع سرت لشيخ محمد وحيد الي كنت اسيرله واكون خلاااص تعبانه ويقرا عليه ويقول عين اقوله يا شييخ يمكن مش عين انا تعبانه

قلتله يمكن سحر او شي قال الي فيج عين

قلتله ياشيخ حالتيه النفسيه واايد تعبانه ماقدر حته اهتم بعياليه

قالي لي ماسيرين واسوين فحص للغده ترا حته هيه اسوي حاله نفسيه قلتله لا يا شيخ انا معدتيه وايد تعورنيه ما اقدر آكل فيني خوف من الاكل حته نزل وزني سبعه او ثمانيه كيلو

قال سوي الغده والمعده

وسرت وسويت فحص والصدمه طلع فيه جرثومه في المعده وهيه مسويه كل هذا فيه

عطوني اثنين من المضاد الحيوي وحبوب لحموضة المعده

حالتيه شوي بس احسن بس الخوف والوسواس تاعبنيه

القصة الخامسة
السلام عليكم

يادكتور انا خلاص بيجن جنوني

الاعراض
ضيق في التنفس - قلق -لايوجد نوم والله ماابالغ خلاص ماانام -اليوم فطرت مااكملت صيامي - اكتئاب - الهلع - التفكير بالموت كثير - دقات القلب سريعه لدرجه ان بطني تتحرك - دوخه احيانا

التشخيص
ذهبت الى مستشفى الصدرية قالوا سليم كشفوا القلب قالوا سليم مافيك شي شكلها حاله نفسيه ماصدقت ذهبت الى دكتور باطنية سويت تحاليل قال عندك جرثومة المعده وكتبلي ادوية واعطاني ابرتين وحده اسمها زنتاك والثانيه نسيت اسمها بس هي تقريبا اسمها امبرو ماني متاكد بس هي قريبة من هالكلمه من بعد الابرتين حسيت بضيقة تنفس شديده
لدرجة اني امشي في البيت بسرعه من مكان لمكان اجري اجلس اروح للمكيف واحط وجهي امامه استمرت لمدة ربع ساعه فقط بعدها حسيت براحه كبيره وارتحت جدا بعد ضيق دام اسبوع لكن في اليوم التالي رجعت الحاله وقلت في نفسي امكن الادوية راح تادي نفس غرض الابرتين
الادوية كالتالي:
1-Dompy
2-E-Mox (Amoxycillin) 500 mg
3- Gasec -40 (Omeprazole)
4-Tavanic

استمريت لمدة ثلاثة ايام ولكن لايوجد تحسن لدرجة اني فطرت في الصيام

الاعراض نفسها ضيق تنفس الم بالمعده والقلب وكتمه بالصدر كتمااااااااان نفسي على طووول انفخ اوووف اوووف من الكتمه وخدر بالجسم وصداع وافكار ودوخه واحساس بالموت
وغثيان واذا ترعت ارتاح شوي وامساك مرات واسهال مرات عزكم الله ورجفه قبل النوم او اثناء النوم وتشنجات بالمعده تحس انه بيغمى عليك وبكاء واعراض كثيره الله يرحمنا برحمته الله يرحمممممممممممممممممممممممنا برحمته ان لله وان لله راجعون