مترجم احاسيس

بيانات اضافيه [ + ]

رقم العضوية : 51839  تاريخ التسجيل :  09 2015  أخر زيارة : 18-04-2022 (05:29 AM)  المشاركات : 942 [ + ]  التقييم :  10

لوني المفضل : Cadetblue

حتي حالتي اللي انا مريت فيها من بدايتها من رمضان
لها 4 شهور مو حاس بشي منها حاليا احس اني فقدت
احساسي بكل شي...

انا مو كذا كيف تحول وضعي وصار كذا
هل ممكن يكون عين او حسد وليس
حاله نفسيه...?

حتي اني ما ابحث عن علاج لاني مو حاس
بنفسي ولا حاس اصلا ايش فيا ..
بالكتابه ممكن اكتب الاشياء اللي احس فيها
لكن بالكلام ما اقدر اوصف اللي حاس فيه
احس اني مو عارف ايش حاس فيه
اكتب كل شي احس فيه قبل فترة كل دقيقه
الحين مو عارف انا الشي اللي احس فيه
مو عارف انا وين وصلت بسبب اللي صار معايا..

حاس اني خلاص مارايح حتي اعرف اقول
اللي صار معي او اللي حاس فيه..
اغلب اللي كاتبه من اعراض مسجلها
وقت ما كنت احس فيها ..

( طبعا في2006 اصابتني حاله هلع وقلق
وخوف من الامراض والحمدلله خفت كثير
مني وكنت عايش طبيعي كانت تجيني
حالات غريبه كل سنه تاخذ اسبوعين وتخفي
بدون علاج كانت بعض المرات تمنعني من الخروج
من البيت لكن تختفي وارجع طبيعي)
حاس بنفسي واسافر واروح عملي واروح عند اصدقائي
ومستمتع بكل شي الين 17 رمضان2015 بداية حالتي وتطورها
لليوم



اليوم طبعا 1 نوفمبر
الحين ما ابغا اطلع من البيت مدري ليه اخاف اطلع تجيني حاله قلق وتوتر ويروح الهدوء اللي حاسه وخايف اكون مو طبيعي
احتمال اول كنت مطمن ان معايا زانكس لو توترت اخذ نص حبه والحين مخلص هذا احتمال مو متاكد هل هو السبب او لا مو عارف احدد ولا فاهم اللي صاير معايا



وضعي حاليا:
جالس بالبيت مو حاس بشي
الطبيعي :
اني اتابع حالة ابويا واروح اسال عن حالته
اليوم نهائي مارحت ..
الطبيعي ان بعد ما اخلص من متابعة حالة ابويا
اروح اقضي مشاوير خاصه بالبيت
والطبيعي بعدها ارجع اتابع التلفزيون
انا من اول كنت متابع للبرامج والافلام
الطبيعي اني احضر للعمل بكرة وروح الدوام
اشياء كثيرة المفترض اسويها
لكن حاس حياتي تعطلت وعقلي فقد
الشعور والاحساس بكل شي وتعطل حاس
اني مو طبيعي ..

(قبل هذي الحاله:
كنت اصحي للعمل وكلي حيويه ونشاط افطر واشرب الشاهي
واروح العمل وظيفتي علاقات عامه كنت استقبل المراجعين
واتعامله معهم تعامل ممتازه واحب مساعدتهم
وكنت محبوب من جميع الزملاء ..
بعدها ارجع البيت اتغدي وانام واصحي المغرب واقضي
احتياجات المنزل واذهب اقضي اي مشور خاص فيني
واذهب عن اصدقائي واجلس والعب معهم
وكنت احب السفر...
كنت بفضل الله مستشار الكثير في امورهم
لاني املك خبره متنوعه في اشياء كثيرة
.....
كل هذا اختفي مابقي شي حتي انا اختفيت
والدنيا اختفت وتفكيري اختفي مابقي شي نهائيا
من حياتي السابقه شي نهائيا
حاس ان عقلي اصابه شي فقده الشعور والاحساس
بالحياه ما ادري ماذا احس به لكن فعلا مو عايش كما كنت
ولا عارف او حاس كيف كنت فقط متذكرها وكانها شي لا اعرفه
حتي احساسي بالاشياء نسبنه نسيت كيف كنت عايش واحس وافكر

مدري كيف كنت عايش...

((((( حاس عقلي وتفكيري مو مستوعب شي مو فاهم شي
حاس اني مو طبيعي حاس اني فقدت عقلي حاس مو قادر
اتكلم وقادر افكر حاس في خلال مدري ايش هوا بالضبط
مو فاهم اللي يتكلمون فيه احس يتكلم اي احد ان اسمع
الكلام بدون استيعاب او فهم كان الكلام يخص عالم انا
ماليا علاقه فيه وهذا الشعور يسبب ليا احساس غريب
كل ما احد يكلمني او اسمع شي بالتلفزيون احس اني
صاير مو طبيعي )))))))))))

الشي الوحيد اللي اعرف اسويه اكتب اللي احس فيه
كل شويا

❌ هل ممكن يكون وسواس قهري
لكن بشكل ثاني في ناس يجيهم بالطاهره والتاكد وتكرار الاشياء لكن ممكن معايا بشكل ثاني......?