نفساني - عرض مشاركة واحدة

19-06-2017, 08:57 PM

اقتباس:

المشاركة الأصلية كتبت بواسطة أم محمد حكيم

اختي رياحين نفس المخاوف والتخيلات التي زكرتيها لما بتكوني مع ولدك في المنزل بخاف منها واعد أتخيل .طب ممكن اعرف ايه كانت وساوسك عن القلب

والله يوخيتي ذا المرض ما عمره طرى على بالي ولا حتى أفكر شلون بموت عايشه حياتي مرتاحه بحلوها وبمرها
لين بعد ولادتي بولدي اطريت اني اتنوم معاه بالمستشفى ومن بعد ما عملو له فحوصات قالو تبين لهم معه عيب خلقي فمحتاجين
يرجعو يعملو الفحوصات من جديد ولاكن بعد اربع أيام عشت اربع أيام بجحيم مغير ابكي والنوم عيني ماتشوف النوم و متنعت عن الاكل
لين قالو ولدي والحمدلله بخير وما فيه الا العافيه وكانو غلطانين بالفحوصات مع طفل تاني
مشيت الأيام معي عادي طبيعية لين التقيت مره مع ةقريبه لي وجلست تتكلم عن مشكلتها وهي قلبها يدق فجئه سريع وكل ماراحت المستشفى قالو لها مافيك شي وفحوصاتك سليمه
بس هي ماكانت مقتنعه ومحسبه انها بتموت كانت تتكلم بطريقة جدا سلبيه وللحين هي على هذا الحال من تجلس مع احد تقول قلبي ما ادري وش فيه وو
المهم بعدها بيومين سمعت عن ولد جيرانا كذالك متوفي بجلطه الله يدفع عنا البلا
وسبحان الله ما ادري كيف صرت من ادخل الاستقرام يطلع لي بالبحث صور عن امراض القلب او اخبار احد مريض بالقلب ولا متوفي منجلط
وهنا الموضوع علق فبالي الظاهر لانا مامر شهر من هالاحداث جتني اول نوبة هلع
وصار كل تفكيري بالقلب خاصه اذا جتني نوبه هلع القلب يدق سريع فكنت كل مره أأكد على نفسي اني أكيد باموت أو بجيني جلطه او قلبي اكيد فيه شي
فصارت كل هالافكار تدور فراسي خاصه اذا جلست بالشقه لوحدي أخاف تجيني نفس هالافكار الحين بجيني جلطه واموت ومحد درا عني

طيب ولو مت ومحد درا عني وبعدين وش بيصير ؟ ولو تدرو عني برجعوني للحياه

تخيلي من كثر خوفي صرت اسمع أصوات البطن تبع الغازات وتخيلها طالعه من قلبي وجلس اصيح ودور بالبيت لين اهدى