25-12-2004, 05:01 PM
|
#2
|
عضو نشط
بيانات اضافيه [
+
]
|
رقم العضوية : 6644
|
تاريخ التسجيل : 07 2004
|
أخر زيارة : 30-06-2018 (05:11 PM)
|
المشاركات :
202 [
+
] |
التقييم : 10
|
|
لوني المفضل : Cadetblue
|
|
من أخطاء التفكير التعميم المبالغ فيه ..
نجد الشخص فيه هذا النوع يكثر من قول " كل " أو " أكثر " أو " جميع " فمثلاً يقول :
- كل المدارس الأهلية سيئة وهمها تجاري بحت !
أو جميع مقاهي إنترنت الرياض متميزة !
فيعمم الخير أو يعمم الشر ولا يرى الأمور بنظرة عادلة ومتوسطة ، تأملوا المشهد التالي ..
يزور بوسعد بوخالد الذي تعرض لحادث مروري بسيط انتقل على إثره للمستشفى ..
بوسعد : سلامات ..سلامات ..سلام عليكم ..
بوخالد : وعليكم السلام ورحمة الله وبركاته ..
بوسعد : حياك الله بوخالد ..طهور إن شاء الله ..لابأس عليك ..
بوخالد :هلا بك والله يابو سعد ..
الحمدلله على كل حال ..
كلفت على نفسك يابوسعد ..
بوسعد :أبد .. حق وواجب يارجَّال ..هذا أقل شيء سويته ..
بس قلي يابو خالد أنت مالقيت إلا هالمستشفيات الأهلية تدخل فيها ؟!
بوخالد : هذا يمدحونه ..والطبيب حق العظام يقولون مممتاز ..
بوسعد : أبداً ..
كل المستشفيات الأهلية مافيها فائدة كلها ؟!! كلها !
بوخالد : الحمدلله ..العافية من الله يارجَّال ..
بوسعد :إلا قل لي وشلون صار الحادث ؟
بوخالد :إييييه ..الحادث ..مثلك عارف يابوسعد احنا طالعين للبر ..
بوسعد : إيه نعم ..
بسيارتنا اليابانية ماغيرها ..
يقاطعه بو سعد :
عجييييييييب ..قلت سيارتكم اليابانية !
كل السيارات اليابانية مايعتمد عليها ..
كلها يارجَّال هي أساس المشاكل ..
بوخالد :
بس يابو سعد هذه سيارتي وأنا أبخص فيها ..
بوسعد : أبداً ..كل السيارات اليابانية معروفة ..أنت ضيعت نفسك ؟!
بوخالد : المهم خلنا في الموضوع ..
بوسعد : إيه نعم ..
بوخالد : أم خالد قالت تبي تطلع البر ..
بوسعد : إنت عرفت مشكلتك يابوخالد وش هي ..
أنت تسمع كلام الحريم ..
كل الحريم ما ينسمع كلامهم ..
أنت صاحي تسمع كلام حريم !!
بوخالد : يابوسعد خلني اتكلم !
بوسعد : كل المرضى المفروض ما يتكلمون ..يسكتون ..
واللي يزورونهم هم اللي يتكلمون ؟!
|
|
|