|
حد جرب مضادات الذهان لعلاج القلق أو الوسواس والاكتئاب
أنا ذهبت للدكتور النفسي اللي كنت بتابع معاه قبل كده وحكتلوا كل حاجة وقاللي فعلاً ده مش فصام لأن مرضى الفصام بيكونوا غير مدركين أصلاً وكتبلي برشام إسمه سيكولانز 25/6 ولما جيبت البرشام وقريت عنه عرفت إنه مضاد للذهان فخوفت جدآ إن الدكتور يكون مخبي عليا بالقصد إني أعاني من أعراض ذهانية، فذهبت له تاني وسألته إن حضرتك قولتلي إن معنديش فصام واللي عندي قلق نفسي وإكتئاب ليه حضرتك كاتبلي برشام مضاد ذهان مع إنك ف كل مرة بتكتبلي مضادات قلق وإكتئاب، قاللي بالفعل أنا عند رأيي وإن أنت عندك قلق وإكتئاب ومفيش فصام ولا أعراض ذهانية خالص، وإن إحنا كدكاترة أحياناً بنكتب مضادات ذهان بجرعات محدده لمرضي القلق والوسواس والإكتئاب وأنا شايف إن الدوا ده مناسب لحالتك جدآ.
أنا أستخدم الدول بقالي شهر مع العلم إن بقى عندي كثرة تبول بشكل غير طبيعي مش عارف هل البرشام ده له علاقة أم لأ، مع كثرة النعاس مع أني أستخدمه من فترة حوالي 30يوم لحد دلوقتي.
فهل كلام الدكتور صحيح؟ ولا ممكن يكون مخبي عليا بالقصد؟ وهل فعلاً مضادات الذهان اللي زي سيكولانز بتتكتب لعلاج القلق والٱكتئاب؟ وليه الدكتور كتبلي الدوا ده تحديدا وهل هستمر ع الدوا ده قد إيه؟ لاني مش هعرف اروح للدكتور تاني فكنت عايز اعرف اقدر ابطل الدوا امتى لاني مستمر عليه بقالي 3شهور وحالتي مستقرة
|