المشاركة الأصلية كتبت بواسطة جواهرر

أبو نجلاء شيء كويس أنك راجعت عند دكتور عبدالله وفعلا يستاهل انك تتعنى له .. صراحه فرحت لك

لازم تثق بالدكتور وبقولك شيء عنه ترى هو مايقولك تشخيصك بالضبط يعني انا قالي ذهان فقط! ماشرحلي ولا حدد لي وشو بالضبط انا نشبت له وسألته اكثر من مره قلت له وش يعني ذهان وصدق اول ماشخصني بالذهان بحياتي وقتها ماسمعت بهالمرض وجلست اعيد السؤال له وش يعني ذهان!! ابيه يشرحلي وبعدين قالي هذا فصام ، يعني بالجلسه معه ماقالي ع طول انتي عندك فصام قال ذهان وبس يتكلم عن الذهان يمكن انت نفس حالتي مايقولك بالتحديد وش مشكلتك لين يتاكد بالضبط منها وبيشوف هل بتنفعك الحبوب ولا ، حتى الى الان انا مادري فصام اي نوع ماحدد لي وماعندي اهتمام اسال اهم شي عرفت انه فصام وبس

وشيء ثاني الي يفرق بيني وبيك ي ابو نجلاء حتى لو افكارنا فيها تشابه او انها غريبه انا جاني المرض وانا كبيره وفهمت الحياه الواقعيه واذا جاني عرض غريب صرت افرق اذا حقيقي او وهم لكن انت تقول عندك من المراهقه طبيعي بيكون شوي معقد علاجك لأن هالاعراض جتك من طفولتك ومراهقتك فصعب تفرق بين الواقع والوهم ، لكن بما انك رحت لدكتور عبدالله انا متفائله خير فيه اهم شيء خلك واثق فيه وامش ع كلامه لاتتشتت وصدقني علاجك بعد الله عنده