نفساني - عرض مشاركة واحدة

31-03-2024, 08:57 PM

اقتباس:

المشاركة الأصلية كتبت بواسطة بخير رغم كل شيء

وعليكم السلام ورحمة الله وبركاته

الله يحفظ لها عافيتها ويتم لها الصحة ..
ويقومها بالسلامه ..

كلنا ندعيلكم وكل من قرا موضوعك .
والله معكم .

أي أحيانا أمور روتينية إخلاء المسوؤلية قد وقعت عليها نيابة عن الوالدة .
لكن ما في إلا العافية .. لاتخافين .🩷

وأهم شى اكتشفتوها بدري والحمدلله .

وما يجي من الله إلا كل طيب . وبإذن الله تطيب ❤️

راجعة لك حبيبتي يا وجه الخير بشيء من التفصيل

بالنسبة للوالدة الله يعافيها اليوم الصباح أجرت العملية و ما زالت منومة ، اليوم بعد ما فاقت من البنج صابتها حالة غريبة قعدت تصارخ و تقول يا الله طلعيني من هنا عشان ما يقتلونا تراهم بيذبحوني و يذبحونك و جلست تتفلت عليهم بالسب لين ربطوها بالسرير و قامت تصارخ زيادة عيونها طايرة كلها هلع و انا احاول أهديها
عيونها المرعوبة قطعت قلبي خفت صابها فصام زي اخوي الله يعافيه
طولت و هي على ذي الحالة ما بين الساعتين و الثلاث ساعات شالت المستشفى بصراخها ، المشكلة ما تصرخ من الألم تصرخ من الرعب ، حرفيا مرعوبة عمري ما شفتها بذي الحالة و ما تبي اقفل باب الغرفة و شوي تطالع بالستارة تقول شوفيه شوفيه يبي يقتلنا و انا عشان اطمنها اقلها يمة هذي الممرضة مو واحد مع ان مافي احد ، قالت متأكدة انها الممرضة قلت ايه زي اللي تطمنت شوي و صدقتني
اللي خوفني انها تشوف اللي ما نشوف

قلت للطبيبة اللي اجرت العملية هل هذا طبيعي قالت ايه بعد البنج ، بس هي وقتها فاقت من فترة و خلاص صارت واعية .. احس الطبيبة تقول كذا عشان فقط تطمني

دعواتك لها حبيبتي مرة خايفة عليها ، مدري أباري الجراحة و الا حالتها ، المشكلة انها جراحة ماهي منظار

ربي يطمني عليها و يطمنك على غواليك يا غالية