نفساني - عرض مشاركة واحدة

05-08-2005, 05:18 AM

السلام عليكم ورحمة الله وبركاته

الصراحه وأنا بمكاني أحس أن دمعتي نزلت معقوله أنسانه يطلق عليها لقب(مدرسه)تفعل هذا كله ؟ وين راح عطف المعلمين وين راحت القدوه الحسنه ..؟؟

ذكرتني بموقف صارلي :

مره بأول متوسط كنت خجوله بعض الشيء وأحترم معلماتي جداً المهم كان يوم قارس البروده عندما وضعت البالطو الجلد الأسود بشنطة المدرسه لأن أمي كانت تلبسني بلوزه بيضاء قطن وتكون تحت المريول بس ماكانت تدفيني حتى أني ماأرفع أصبعي وأشارك من البروده فلمن وصلت الصباح لبست البالطو ياااااااااااه كان دافي جداً وأستانست عليه ولمن جا وقت الطابور وقفنا ولمن شافتني المعلمه (أقصد المعذبه)قالت ليش لابسه بالطو جلد وطويل ولونه أسود وبصوت عالي وأنا ساكته وأرتعد خوفاًمنها وبعدين قالت لي روحي أوقفي بآخر الساحه وأنا دموعي أربع أربع وصياحي صيااااح قهر ومن شدة الوقاحه جاتني وقالت لي لاتبكين وجع أقولتس لاتبكين قمت مسكت أنفاسي بقوه ومن بعدها عييت أروح للمدرسه أمي تسألني ماما وش فيك قولي لي؟ أقولها مابي وخلاص وبعد يومين من غيابي دخلت علي الغرفه وأناأبكي وبعدين قلت لها عن الإهانه قالت: أناآخذ حقك يابنتي بس لاتبكين وراحت معاي من بكره للمدرسه وعينك ماتشوف ألا هواش أمي عليها وكلم أبوي المندوبيه وعطوها تعهد وأنذار وطلبت من المديره أنها تتأسف لي قدام البنات أللي أهانتني قدامهم وفعلاً لمن وقفنا الطابور قالت أناماقصدت أني أسوي كذا من لبسها كان غير نظامي وضحكت عليها بصوت عالي من بين البنات كانت ضحكتي مستقصده لأنها حقيره وماتصلح تكون معلمة أجيال ..

قلنا كيلوا وش سويت أكيد شي يقهرها ...؟

ننتظرك بفارق الصبر

مع السلامه