السلام عليكم ورحمه الله وبركانه
انا ماعرف ليه سجلت بالمنتدى ولا ليه جالسه اكتب بس انا في حزن وخوف مع اني اثق انو ربي بيكتب لي الخير وين مااكون بس يجيني شعور انو ربي مو راضي علي وانو انا مقصره مع اني احاول قد مااقدر تركت كل شي لوجه الله وغيرت حياتي بس مازلت احس بالتقصير وانو ماراح اوصل لرضى الله وما راح يحقق لي شي بحياتي عقوبه على ذنوبي انا عارفه اني ولا شي من غير الله وانو مافي بحياتي احد راح ينفعني ولا احد بيكون معي غير الله ومابي غيره بس عندي خووف انو مايتقبلني ...
كنت ادعي انو الله يرزقني بالزوج الصالح وفي فتره خطبتني صديقتي ومره انبسطت بس امي قالت انه لاختي مع انها اكبر منه ويجيها خطاب اكثر مني وترفضهم لاسباب تافهه بس هالمره لمى صار الشي لي وافقت انو تاخذه لانها متعوده دايم انو تاخذ مني كل شي واكثر من مره يكون سبب الخلاف انانيتها اللي تاذيني جدا حتى اول لمى كان وضعي خطا وكنت اتعرف على اي احد كانت تسعى انها تاخذه حتى لو لفتره وبعدين تمل منه وتتركه ولمى اسالها ليه تقول ليه تزعلين احنا نلعب مره ومرتين وثلاث تعيد نفس الحركه وكنت اكل بنفسي واهتزت ثقتي بنفسي كنت من صاحبات الوزن الزايد ونزلت 18 كيلو وحاولت استعيد ثقتي من كلام اللي اتعرف عليهم اللي تغيرت وجهه نظرهم فيني بعد التغير اللي صار والحمد لله الهادي هذا شي من الماضي بس قلته لتوضيح الصوره ويشهد ربي انو مو مجاهره بالعكس انا في قمه الخجل من اللي سويته .... انا مشكلتي لها اطراف كثيره ومتداخله ابي اطمئن انو ربي مو غضبان علي وانو اللي صار لي مو عقوبه ...
اكمل قصتي مع الخطبه اللي صارت انا طبعا حزت بنفسي السالفه خاصه كلمة امي انو لو ماببيه اختك خذيه تقصد الولد طبعا مع انو الولد جاي من طرف صديقتي يعني اناالمذكوره مو اختي .. وغير هالشي قبل النظره الشرعيه كانت تقول الولد بدوي ومايصلح لك وانتي يبي لك عائله ارقى وهي بنفس الوقت تدبر الموضوع لاختي.. الى اخرمكالمه قبل النظره الشرعيه اخت الولد تسال عني وامي تصرفها قالت لها انو تقدم لي واحد من عائله راقيه وانا رفضت الزواج وقلت لو عصرتوا عليه ليمون مااخذته :confused: كل هالشي عشان تصرف نظر اخت الولد عني وبالاخير تقولي امي اصلا اخت الولد ماحددت مين تبي .. الولد على ذكر اخته مره طيب وهذا الشي اللي كنت اتمنى يكون عليه نصيبي . اذا هذا الولد كويس وطيب ليه تاخذ مني هالفرصه وتقدمها لاختي ؟ ليه اختي تنازلت عن كل طلباتها فجاه لمى حست انو انا اللي باخذه ورضت فيه ؟ (( مع انها اكبر منه وتعليمها اعلى ويدخن وكل هالامور كانت سبب رفضها للاثنين اللي قبله ))
اهل الولد بيجون وانا جالسه اتصرف واخلق بداخلي سعاده لاختي بس بنفس الوقت احس بغصه كل ماذكرت الموضوع وتخنفني العبره احس انو اخذوا شي غصب عني وبصراحه مابي افرح لاختي لانو كانت تاذيني دايم وتحسسني اني اقل منها مابي تكون مبسوطه وانا تعيسه عشانها :redface: هالاحساس طبيعي او انا سيئه ؟
امي تحاول تخفف عني الاحساس الشين اللي سببته بتصرفاتها بس انا بداخلي غضب لانو اللي تسويه ولا شي قدام الالم اللي بداخلي وتقول عني طيبه القلب وهي ماهي عارفه اني شايله بقلبي عليهم ليه مطلوب اكون طيبه واسلم حياتي وقرارتي بيدها لمى تقرر تاخذ مني وتعطي اختي ؟؟ ليه لازم اكون طيبه القلب وانا اجهز لاختي شي المفروض يكون لي ؟؟ وليه لمى اعترض تقول اعتبري الموضوع خيره ؟
انا حاسه بضييييييييييييييق وحزززززززززززززززززززززن وكل مره ابكي على حالي وكرهت حياتي وكرهتم عندي موعد لعمليه مراره برمضان وكثير اتمنى انو تكون سبب عشان تنتهي حياتي ارتاح واريح واروح لربي اللي بيكون ارحم بي من هالبشر .......
ياربي الفرج من عندك :frown:
اللي يقدر يساعدني ويجاوب عن اسئلتي او يشوف الموضوع بطريقه ثانيه يمكن انا ماشوفها لا يبخل علي ........ ابي ارتاح ..