نفساني - عرض مشاركة واحدة - إعتبارا من اليوم قطعت العلاج النفسي من دون إذن الطبيب دعواتكم

12-06-2012, 10:18 PM

اقتباس:

المشاركة الأصلية كتبت بواسطة أبوبتال

الله يا حلم والذي نفسي بيده انك تصفني بكل كلمة كتبتها هنا ومحد راح يحس فيك الا اللي توقف عن العلاج..شوف انا لي تقريباً 7 شهور من توقفت عن الايفكسور ورغم انه كان تدريجي الا انه حاس ام ام اللي خلفوني..وش يخطر او مايخطر في بالك مريت فيه.. ثقل وتعب في الجسم موطبيعي ههههه ادخل المول تقول واحد جالس فوق ظهرك تمشي تحس انك بتطيح في اي لحظه وتناظر الناس وقلبك مليان حزن..

انا مابقيت شي ماسويته وساوس جتني بعد التوقف غيرت مجرى حياتي حجامة على تحاليل دم اسبوعية غلى علاجات درقية فيتامينات رقية ( وهي الافضل بينهم ) رياضة كنت اتمرن مع اول يوم بديت اوقف فيه العلاج ولمدة ثلاث شهور لين تعبت وصرت مااقدر اتمرن من الثقل والتعب اللي يجيني..كل شي يخطر في بالك جاني فجأة وانا اسوق سيارتي احس بضيقة وكتمة وكأني بأموت واختنق ورجفة ورعشة برضوا كانت تجيني..طبعاً كل هذي جتني ماكانت فيني من قبل كلها بعد استخدام علاجي ايفكسور لمدة 8 شهور بالضبط ولا انكر انه ساعدني ورجع لي حياتي بعد الله لكن متيقن اني عايش حياة بس مو حياتي انا ومشاعري واحاسيسي انا بل كلها تأثيرات العلاج..
وصلت لمرحلة اني فقدت الامل وقلت خلاص انا كذا طول عمري ومستحيل ارجع زي قبل.. لكن قررت وعزمت على كسر كل هالامور وسافرت وغيرت جو والحمد لله كل مالها تخف اوجهها مواجهه يعني يجيني تعب وثقل اطلع من السكن اللي انا فيه هنا بأمريكا وامشي شوارع وادوخ واتعب واحس بثقل وتعب براسي وتطنيش واشد على نفسي اقول خلاص مافي مفر انت بأمريكا يعني مافي شي تقدر تسويه غير انك تواجهه والحمد لله الان رجعت طبيعي صحيح فيه احياناً اكتئاب وضيقة بس انا اسيطر عليها بنفسي وليس العكس تغيرت نفسيتي وصرت اضحك واستانس..

كلامي هذا لك عشان ماتيأس وتقول ان الموضوع طول واعراض انسحابية بس شهر والا اسابيع، لا ياغالي فيه ناس استمرت معاهم سنه تماماً حتى عادوا طبيعي لكن طبعاً التحسن كان واضح بالتدريج..

بالتوفيق وبأذن الله تتذكر كلامي هذا وانت تضحك..وسلملي على الرياض وبس...

أبوبتال..

شكرا اخوي...

هذا ماكنت اتكلم عنه طيلة وجودي في هذا المنتدى ولكن للاسف لامجيب ولا احد يفهمني عن موضوع الادويه النفسيه في بدايتها تجعلك وكانك ولدت من جديد ولكن للاسف بعد الاستمرار تظهر العجائب والغرائب التي لم تكن موجوده قبل استخدامها...فهذا الذي كنت وساظل ادعوا له لاخواني الذين لم يستخدموا الادويه عدم الدخول في هذه الدوامه....فوالله ثم والله انها ليست العلاج ولا تساعد فنظروا الى الاغلبيه الذين يريدون التخلص منها باي طريقه فلو كانت فعلا ادويه علاجيه لما احد اشتكى منها اطلاقا....فلقد كتبت سابقا من يستطيع اخراجي من الادويه النفسيه لعطيته اي مبلغ يريده اريد ان اكون مثل ماكنت قبل استخدامي هذه الادويه....والله جحيم نعيشه بسبب هذه السموم التي خدعونا بها تجاره في تجاره...وتدمير لعقولنا التي يقول سبحانه (وخلقنا الانسان في احسن تقويم)...لاانكر بان الانسان يمر بامراض عضويه ولكن العقل لاتدمره الا مذهبات العقول(الكحول_المخدرات_الادويه النفسيه).يكفينا كذب وخداع واوهام وابحاث خادعه تتبناها شركات الادويه فلابد ان نغير ما نحن فيه وكاناا قطيع اغنام ينقاد وراء اي شي لونه اخضر.....واسف على الاطاله وارجوا ان يكون مااقصده مفهوم ...والله ولي التوفيق... وشكرا