نفساني - عرض مشاركة واحدة

01-08-2012, 11:46 AM

بالنسبة للمثل " القط بيحب خناقه "

بصّي يا ستي

في مرّة قرأت فيها كتاب كان بيتكلم عن العنف ضد المرأة , الكتاب ده كان فيه دراسة لحالات كتير واقعية بيحصل فيها ضرب و إهانة للمرأة

كانت نتيجة بعض الحالات هو إن الزوجة هي السبب الرئيسي في تعرضها للعنف مش الزوج , و ده لأنها _ نفسياً _ اكتشفوا إنها شخصية " ماسوشية"

يعني من الآخر كده , الإنسان أحياناً كتير بيكون قادر على تجنب الأذى , ولكن بسبب ماسوشيته بتلاقيه بيعمل حاجات أو بيكرر بعض الأفعال _ بدون وعي وأحيانا بوعي _ عشان يظل يعيش دور الضحية أو المُعذّب

،

بالنسبة لـ حب من يتاجهلنا وتجاهل من يحبنا ، أعتقد دي بتختلف أسبابها من شخص للتاني

في احتمال كبير إني _ مثلاً _ بتجاهل إللي يحبّني عشان أنا أصلا مش بحمل أي مشاعر ناحيته , مش عشان مجرد وجود شخص أفضل منه ! أصل الحب وميل المشاعر مش بييجوا بمزاجنا

في احتمال تاني _ إذا كان في علاقة مُسبقة _ إن حبّي ما كان صادق للإنسان إللي معايا , أو يمكن كان حب مؤقت " إن هو ده أحسن حد موجود قدامي دلوقتي " فاتقبله لحد ما ألاقي الأحسن
وظهور الأفضل _في نظري وقتها _ يسبب تجاهل للإنسان إللي بيحبني

الاحتمال التالت _ إذا كان برضو في علاقة مُسبقة _ وهو "فراغة العين " و عدم الرضا والإكتفاء بإللي معايا , و غالبا النوعية دي بيكون الفضول و الجهل بالشيء وبناء الواقع على اساس من خيال هو المُحرّك

,

و خلينا نقول في الآخر ,

أن الإنسان صاحب المشاعر الصادقة تُشبّه له الخسارة _فقط , فـ الفوز حليفه دائماً وهو لا يدري

/

كل إللي فات كان وجهة نظر بحته

/

تسلمي يا قمر ع الموضوع

:))