نفساني - عرض مشاركة واحدة

08-07-2013, 08:32 AM

بسم الله الرحمن الرحيم

اسمي / حامد
مهندس كمبيوتر

عندي مشكلة وعايز احكيها يمكن تقدروا تساعدوني

في البداية أنا باخود دوا للضغط اسمه

كونكور 5 بلص

نص قرص يوميا

وباخود دوا بوسبار 10مج

نص قرص بعد الفطار ونص قرص بعد وجبة العشا

من كام يوم حسيت بحاجة تقيلة علي قلبي وألم شديد في قلبي ومكونتش قادر أخود نفسي ولا قادر أتحرك

أخويا جه اخدني بسرعه روحنا المستوصف الدكتور اول ما حط السماعة علي صدري طلب رسم قلب

عملولي رسم قلب والدكتور قاللي خود الدوا اللي معاك وابعد عن أي حاجة تزعلك وقالي ابعد عن التدخين

" أنا بدخن شيشة مرة كل أسبوع .. وكنت بشرب آالكحوول بس بقالي 3 شهور مشربتش " ومكونتش شره في الشرب علي الإطلاق

ومكتبليش علاج بس قالي أتوقف عن التربتزول

اقتباس:

صباح الفل حامد

تدخين الشيشه ربما هو الذي جابلك الضغط و نصيحه فكك من الشيشه و لو كنتـ عاوز دخان فهو أخف بكثير من الشيشه و لو تريد تبطل منها كلها فهذا شيء طيب والله يعينكـ

الأمر الثاني لو تلاحظ إن كل نشره في العلاجات النفسيه فيها عبارة (( يجب إجتناب الكحول أثناء تناول العلاج )) (( العلاج تزامنا مع الكحول يؤثر على الجهاز العصبي )) فالكحول خطيره مع العلاجات النفسيه و غيرها و ربما أدت للوفاه و الله يسلمكـ من كل شر و يفككـ منه

كنت باخود تربتزول 10 مج قبل النوم مع إن الدكتور اللي كاتبهولي كان قايلي أخود 25 مج وانا ملقتوش في السوق فضطريت أخود 10 مج

زين أنت أكتفيت بجرعة 10 مج أو أخذت حبتين و نص 25 مج كما قال الدكتور أنتظر جوابكـ

المشكلة دي حصلتلي قبل كدا مرة من تقريبا شهرين

....

بقيت عصبي جدا وأققل حاجة تخلني أحس ان الدم هينفجر من جسمي وأحس ان ضغطي عالى جدا من أبسط شئ

وبسبب دا استقالت من الشغل والوقتي انا بقالي شهر مش شغال وحياتي ابتدت في الانهيار

خسرت كل حاجة بسبب العصبية الغير مبررة والتي لا داعي منها

أصبحت مقاطع أهلي من فترة طويلة اوي

مش بسال علي امي ولا أبويا ولا حتى أختي ولا باقي العيلة

مش حاسس انهم واحشني خالص حاسس اني بكرههم كلهم حتى أخويا الكبير اللي كان في وقت ما الأب الروحي بتاعي

بقالي سنين مش كلمت أبويا ما يقرب من 9 سنين الغريب ان هو كمان مش حاول يكلمني أو يحسسني انه أبويا

حتى أصحابي بقيت ببعد عنهم وحاجة جويا بتخليني احاول أستنى غلطة ولو بسيطة جدا جدا عشان أبعد

بقيت لوحدي إلى حد كبير وعايز ابقي في عزلة عن الدنيا واعرف ناس جديدة بدون ما يبقوا اصحابي

وأي حد بيقرب مني واحس ان بقا من قريب مني جدا

لازم دافع جوايا يستنى له أي حاجة عشان أهرب منه وابقي لواحدي

انا مكونتش كدا أبدا قبل كدا

ديما بروح أقيس ضغطي الاقيه ما بين 160 و 180

وأحيانا باخود قرص كامل من كونكور 5 بلص

ولم الدكتور منعني من الترتبزول

اضطريت اخود منه امبارح لأني كنت تعبان ومكونتش حاسس بنفسي وكان في دافع شديد جوايا عايزني أكسر أي حاجة

أو أققوم أضرب راسي في الحيط

أو أرمي نفسي قدام أي سيارة

اقتباس:

الله يشفيكـ يا حامد و ما تشوف شر

بالنسبه لدواء التربتزول هو ممتاز جدا فهو يريح مزاجكـ كثير و يبدو أنكـ مصاب بالإكتئاب و القلق و الأرق و هذا الذي جعل الدكتور يصرفهولكـ

بو سبار مدعم لهذا الدواء و هو أساسا للقلق

هل راجعت دكتور نفسي من قبل ؟