ريم.ص.م.الغامدي

بيانات اضافيه [ + ]

رقم العضوية : 45027  تاريخ التسجيل :  10 2013  أخر زيارة : 17-12-2013 (05:23 PM)  المشاركات : 19 [ + ]  التقييم :  10

لوني المفضل : Cadetblue

طبعا ح احكي لكم حالتي قبل العلاج و بعد
قبل العلاج قبل اكتر من 7سنين من فترة المراهقة عمري 12 سنة كنت بتوهم أني أشوف ناس قريبين ليا على علاقات محرمة و كنت بتخيل أني اشوفهم و كنت أحبس حالي في غرفتي ولا اهتم بحالي و كم مرة حاولت انتحر اقطع يدي بالشفرة او أخذ جرعة زائدة من اي علاج قدامي متوفر كنت أبغى أموت و بس ماني عارفه ليه الإحساس هدا وأنا لسى صغيرة يمكن لأنو طفولتي شوي قاسية كان الوالد يعامل الكل في البيت بقسوة بالضرب و هكذا على أتفه سبب و كان حارمنا من الطلعات و كدا كنا بالبيت مانعرف شي عن العالم الخارجي لين تزوج و تغير سلوكه مليون درجة عموما كنت بروح اتعالج مع دكتورا منى ولا أكمل علاجي و مع دكتور حسام و برضو ما أكمل علاج قالو عندي اكتئاب بعدين قالو اضطراب نفسي بعدين قالو اضطراب في الشخصية بالأخير لما جاتني نوبة الهوس قبل كم سنة كنت جداً متهورا اعتدي على الناس و على نفسي شي يبكي و محزن أني سويت أشياء شوهت فيها سمعتي بس اش أسوي كله تحت تأثير المرض والله مو بيدي في إنسان صاحي بعقله يرمي نفسه للتهلكة الله يغفر لي و يسامحني يا رب بعدها أهلي اخدوني بالقوة للمشفى لأني كنت رافضه اتعالج كنت بتوهم انو ناس حتقتلني و تراقبني و أشياء كتير حتى أهلي شكيت فيهم ولا ريحت نفسي ولا ريحت اللي حولي بس معوضين اجر بإذن الله على كل اللي مرينا فيه بالمشفى شخصوا حالتي اضطراب وجداني ثنائي القطب كنت بستخدم علاجات كتير و سببت ليا تكسر في كريات الدم و بالأخير استقريت على ريسبردون إبرة و حبوب والحمدالله إحلاله مستقرة من 5سنين بس لابد من النوبات تجيني يعني خلال الخمس سنين يمكن عشر مرات او أكثر حاولت انتحر حتى العسكري اللي بالمشفى حقق معي عشان هدي السالفة بتكرر كل مرة أجي المشفى اتنوم غسيل او غيرة لكن ما أحس انو شفيت من مرضي لانه مزمن بس أحس الحالة خفت كتير عن قبل العلاج بس النوبات بتجي و تروح و أحيان الحالة تستقر فترة هذي حكايتي مع الاضطراب وجداني ثنائي القطب طبعا كتير أشياء خسرتها في حياتي و أولهم حياتي خسرتها و خسرة محبة اللي حولي بسبب هدا المرض و التصرفات المشينة اللي سارت معي الله يغفر لي و يسامحني يا رب