نفساني - عرض مشاركة واحدة - أدخل ....وأذكر ...الأدويه التى أستخدمتها ....والأعراض

29-03-2004, 12:17 AM

كان عندي إكتئاب وخوف في البداية استخدمت عدة أدوية حتى استقريت على السيروكسات .. وكان جيد بنسبة 70% تقريباً .. ولكن حدث لي ظروف قبل فترة شهرين تقريباً زاد معها القلق .. و اضطريت لمراجعة طبيب غير اللي كنت اراجع عنده سابقاً لأنه سافر ..

المهم زود لي الجرعة من حبه لحبتين .. لكن بدون فائدة .. بدل لي العلاج إلى سيرزون ...

الغلطة اللي وقع فيها أخونا في الله هالطبيب ( وهو غير سعودي ) اني كنت آخذ السيروكسات منذ مدة ثلاث سنوات تقريباً .. وقال لي تنقص كل يوم نص حبة لمدة ثلاثة أيام بعدين تآخذ العلاج الجديد ...

وحسيت أن كل يوم حالتي تزيد سوء والقلق يزيد أكثر .. جيته بعد يومين قال لي العلاج الجديد يحتاج فترة حتى يظهر مفعوله ( بس ما فيش مشكلة ) نغيره لك .. ( عيون طايره ) قلت نغير نغير أهم شيء تتحسن الحالة ..

غيرت لساليباكس .. ثلاثة أيام ونفس الحالة وتسوء أكثر .. قال بصرف لك زانكس بس عند الضرورة القصوىىىىىىىى ..

صراحة ما أرتحت له راجعت عند الدكتور السبيعي الله يجزاه خير ..

قال أكبر خطأ وقع فيه الدكتور قطع العلاج بهذه المدة القصيرة جداً ..

رجعني للسيروكسات مع وصف زانكس عند الضرورة حتى يخف الاكتئاب وترجع الحالة أفضل ..

وأنا لي الآن تقريباً خمسة أيام من زيارة الدكتور السبيعي والحمد لله الحالة في تحسن ...

فقطع العلاج يحتاج إلى وقت ووقت طويل جداً .. وهذا شيء دفعت ثمنه من طبيب ما أدري وش أقول عنه .. الا الله يهديه بس ..