نفساني - عرض مشاركة واحدة

27-05-2018, 03:45 AM

قولوا لمعالي الوزير

هذه الابيات فيها عتاب لمعالي وزير الصحه السعودي د توفيق الربيعه
وللامانه الرجل نجح نجاحا مبهرا عندما كان وزيرا للتجاره
ولكن حتى الان لم نلمس النجاح المتوقع لمعاليه بعد ان اصبح وزيرا للصحه
وقد يكون ذلك بسبب حداثة عهده بهذه الوازاره

لذلك حاولت ان اعبر في هذه الابيات معاناة االمرضى النفسيين مع انقطاع الادويه المقيده او ( ادوية الكنترول)
واستغلال بعض الصيدليات لحاجة المريض للدواء وبالتالي يمتنع بعض الصيادله عن بيع الدواء الابشرط
ان تشتري معه دواء غالي الثمن او قد يلجاء بعض المرضى الى ما يسمى السوق السوداء

قولوا لمعالي الوزير
الوضع جدا خطير
مومعقول اللي يصير
المريض مايلقى دواه

اقصد ادوية الكنترول
هذا اللي يبي له حلول
ترى المريض النفسي مشلول
لوشفته سليمه اعضاه

الدواء شبه ممنوع
واحيانا نلقاه مقطوع
هذا حقنا المشروع
لكن المسؤل اخفاه

رغم ان معي وصفه طبيه
مختومه من استشاريه
تخصصها امراض نفسيه
علاجي يمكن ما القاه

حسبي على بعض المسؤلين
خلونا صيد(ن) ثمين
لحثاله من المروجين
ما اقول الاحسبي الله

وش ذنب المرضى النفسيين
اذا كان غيرهم سيئين
مين يتعاقب لحساب مين
ما لنا غيرك يا الله

قولوا لاصحاب المعالي
الكشف اصبح جدا غالي
والدواء سعره خيالي
هذا اذا حصلناه

ترى اغلبنا عاطلين
بأسباب المرض اللعين
ما اقول الا الله يعين
المبلي على بلواه

حنا اطيب الناس قلوب
ولا احد خالي من العيوب
عسى الله يغفر الذنوب
ويخارجنا من ذا الحياه

ما لنا جمعيه تدافع عنا
وكل جريمه تنسب النا
مجتمعنا يسخر منا
ومن بلانا الله يبلاه

والصيدلي ما يصرف علاجي
تقول انا في حراجي
ما جيت ادور مزاجي
جيت اعالج لي مأساه

ولازم اشتري دواء ثاني
من النوع غالي الاثماني
والا ما يصرف الاولاني
الخطاء ماهو خطاه!!

يا مسئؤل هل يرضيك؟
الناس تدعي عليك
كل ما سمعوا طاريك
قالوا عسى الله يبلاه

أدري انكم بتقولون
هذا اكيد واحد مجنون
ولا رايحين تصدقون
كل هذي المعاناه !!

شاطئ الراحة ,سر القلم معجبون بهذا

المصدر: نفساني